أمواج الأندلس أمواج عربية
أهلا ومرحبا بك زائرنا الكريم، إذا كانت هذه زيارتك الأولى للمنتدى، يشرفنا أن تقوم بالتسجيل اذا رغبت بالمشاركة في المنتدى، أما إذا رغبت بقراءة المواضيع فتفضل بزيارة القسم الذي ترغب أدناه
عزيزى الزائر يسعدنا ان تنضم الينا وتلحق بنا
كى تفيد وتستفيد بادر بالتسجيل مع اطيب الامنيات ادارة المنتدا
ورجاء التسجيل باسماء لها دلالية الاحترام



وطن واحد هدف واحد قلب واحد قلم واحد تلك هى حقيقة أمواج الاندلس
 
أمواج الأندلسأمواج الأندلس  الرئيسيةالرئيسية  التسجيلالتسجيل  دخولدخول  مدونة أمواج صغيرةمدونة أمواج صغيرة  أضغط وادخل وابحثأضغط وادخل وابحث  

شاطر | 
 

 قائمة بأمثال لبنانية شعبية باللغة المحكية اللبنانية مع ترجمتها إلى النحوية:

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أميرة
وسام الاندلس
وسام الاندلس
avatar

عدد المساهمات : 74
تاريخ التسجيل : 17/04/2010

مُساهمةموضوع: قائمة بأمثال لبنانية شعبية باللغة المحكية اللبنانية مع ترجمتها إلى النحوية:   السبت أبريل 17, 2010 7:33 pm

قائمة أمثال لبنانية
شعبية باللغة المحكية اللبنانية مع ترجمتها إلى النحوية
:



  • أحلى مني ربي خلقه، اشطر مني دمه فلقهر:
  • أكل الهوا لِلْواطي دوا:
  • ألف دعوة ما مزّقت قميص، وألف زلغوطة ما جوّزت عريس: أن ألف دعوة لتمزيق
    أي قميص لا تستجاب وألف زغرودة لا
    تحول رجل إلى متزوج.
  • ألف كلمة جبان ولا كلمة الله يرحمو: من الأفضل أن يقول الناس عني أنني
    جبان ألف مرة ولا يترحموا على موتي ولو لمرة واحدة.
  • أن جنوا ربعك عقلك ما بينفعك :
  • إجريها عوج وبدها بابوج:
  • إجوا يبيطروا خيل السلطان، مدّت الخنفسة إجرها:
  • إذا كنتِ وحشه كوني نغشه: إذا كنتِ بشعة، حاولي أن تكوني مهضومة ليتقبلك
    الآخرين.
  • إقعد أعوج، وإحكي جالس:
  • إلعب وحدك ولا تغتاظ:
  • إللي بيأكل خبز السلطان بحارب بسيفو:
  • إللي بيعوز الكلب بيقول له صبحَك بالخير يا سيدنا: أن الشخص الذي يحتاج
    شخصا آخر يبجله ويدعوه سيدا حتى لو كان كلب.
  • إللي بيكبّر فشختو بيوقع: أن الذي يوسع من مسيره أكثر من قدرته يفشل.
  • إلي ما هو من ضهرك كل ما جن افرحلو:
  • إن بزقنا لفوق ع شواربنا وإن بزقنا لتحت ع ذقنّا:
  • إن ضبطت المَي بالغربال بتأمِّن المرا للرجّال: إن المرأة تؤمن للرجل في
    حالة واحدة: إن مسكت الماء بالغربال.
  • إن عجبنا الكحل تكحلنا وإن ما عجبنا ترحلنا:
  • إن كان الكنافة بيدْخلاّ توم، الموراني بيحب الروم: لن يحب الماروني شخص
    أرثوذكسي الا حين يستطيب الناس أكل الحلاوة مع الثوم .
  • ابن الحكومة إذا صادقته أكلك، واذا عاديته هلكك: مهما فعلت مع رجل
    الدولة تخسر. فان صادقته تملكك وإن عاديته يخرب بيتك.
  • ابن الداية ما عليه مخبّاية: إن ابن المولدة يعرف كل الأسرار.
  • احترنا يا قرعة منين نبوسك:
  • إذا بدّك تخرب بلاد، ادْعي عليها بكتر الرؤسا:
  • إذا قلتلَّك تقبرني بتجيب المجرفة وبتطمني؟:
  • إذا ما بكي الطفل إمو ما بترضعو:
  • أربعة بتودي لاربعة العقل للرياسه والرأي للسياسة والعلم للتصدير والحلم
    للتوقير
    :
  • اركب الديك وشوف لوين بيوَدِّيك: إن ركوب الديك لا يؤدي إلى أي مكان.
  • اشتغلت بالكفان بطّل حدا يموت:
  • اكتر من قرد ما مسخو الله:
  • الأكل ما إلك، بطنك ما إلك؟: يقال للذي يتخم نفسه بالطعام.
  • الإيد اللي ما فيك تعضها، بوسها وادعي عليها بالكسر: اليد التي لا
    تستطيع أن تحطمها، قبله ثم أدعوا للله أن يكسرها.
  • الاعور بين العميان ملك مفتَّح:
  • البدوي إذا غسّلتو بيموت:
  • البرطيل بيحلّ دكّة القاضي:
  • البيت بيت أبونا والناس بيخانقونا: أن المنزل ملك الوالد بينما الناس
    تقوم بمشارعتنا فيه.
  • التكرار بيعلّم الحمار:
  • الثلم الاعوج من الثور الكبير:
  • الجرس بيدعي الناس للكنيسة وبيبقى برّا: إن الجرس يبقى خارجا مع أنه
    يدعوا الناس للدخول إلى الكنيسة.
  • الجمل لو بيشوف حردبتو بيوقع وبيفكّ رقبتو: لو أن الجمل يلاحظ أن رقبته طويلة، لوقع عليها
    وكسرها.
  • الجنة من دون ناس... ما بتنداس:
  • الحما بابور وبنات الأحما إبره:
  • الحُب بيطلع من الشباك إذا دخل الفقر من الباب:
  • الداخل بالسياسة متل الداخل بتنكة الكناسة: السياسة وسخة.
  • الدِّيك بيموت وعينو بالمزبلة:
  • الرجّال حمار مرتو:
  • الرجّال ولو كان فحمة، وجوده بالبيت رحمة:
  • الروم ما بيكسِّر راسو القدّوم:
  • السكافي حافي، والحايك عريان:
  • الشرب بالجوع متل الضربة ع الكوع: أن شرب الماء مع الجوع يؤلم مثل ألم ضربة الكوع.
  • الصبر مفتاح الفرج.
  • العريس اخذ العروس، والمعازيم رجعوا متل التيوس: عند نهاية العرس ، يأخذ
    العريس عروسه، أما المعازيم فيعودون إلى بيوتهم مثل عودة الماعز
    من الحقل.
  • الفزع بيطيِّر الوجع: أن الخوف يتغلب على الألم.
  • الفقير بيشوف البيضة بقرة:
  • القرد بعين إمّو غزال: أن الأم تري ابنها جميل مثل الغزال حتى لو كان
    بشع مثل القرد.
  • الكلب بيقول: يا الله يعيشوا وليداتهم ت آكل من ديَّاتهم، والبسين بيقول:
    الله يقطع وليداتهم ت اقعد بحضَيناتهم
    :
  • اللي بتطَيلعهن السمرا ما بيكفّوها خطوط وحُمرا:
  • اللي بدّو يناطح ما بيخبّي قرون:
  • اللي بيأخذ من غير ملتو بيموت بعلتو: أن من يتزوج من غير قبيلته يموت
    بعلته.
  • اللي بيبوِّل قدامك وما بتْبوِّل قدامو بيفْتكرَك مرا: يعتقد الشخص الذي
    يبول أمامك أنك امرأة إن لم تبول أمامه.
  • اللي بيحلف كتير بيكذب كتير:
  • اللي بيفسي بيغطّي ع اللي بيبخِّر:
  • اللي ما بدو يزوج بنته بيعلي مهرها:
  • اللي ما فيه لمرتو بيرجع لحماته:
  • اللي من إيدو، الله يزيدو :
  • المال بيجرّ المال والقمل بيجرّ السيبان: إن المال يولد مالا، أما القمل ، فيولد السيبان .
  • المديون حمار الدائن:
  • المصلح إلو تلتَين القتلة:
  • المعتَّر لو سِعِد بيموت:
  • المَيّ والنار ولا حماتي في الدار: أفضل الماء والنار على أن تعيش حماتي
    معي.
  • الناس بالناس والقطة بالنفاس:
  • الناس بدارك والمفتاح بزنارك:
  • الولد ولد، ولو حكم بلد:
  • الي شاف مصيبة غيره هانت عليه مصيبته:
  • بالكرش ولا بالحرش:
  • بالوج مراية وبالقفا صرماية:
  • بحبك يا سواري مثل زندي لا:
  • بحكيكي يا جارة... تا تسمعي يا كنه:
  • بدّك تبهدل رجّال، فلِّت عليه مرا:
  • بدّك تبهدل مرا، فلِّت عليها ولد / مرا:
  • بدّو من الذواق سبعة واق:
  • بزقوا ع وِجّ النذل قال الدني عم بتشتّي:
  • بطنو بيساع دست مخلوطة، وما بيساع كلمة: لا يتحمل الانتقاد.
  • بعد هالكَبرة، جبّة حمرا؟:
  • بنطلون المرا بيفسِّر بس بيستِّر: أن لبس المرأة للبنطال يسترها مع أنه
    يظهر محاسنها.
  • بياكل البيضة وقشرتها وبيقول ما شِفت شي:
  • بياكل وبينام متل تنابل مصر:
  • بيلهي الحمار عن عليقه: ان هذا الشخص ممتع لدرجة أنه يلهي الحمار عن
    تناول طعامه.
  • بينشرب مع المَي العكرة: لطعمه الذيذ، تستطيع أن تأخذه حتى مع المياه
    الملوثة.
  • بيّو بصل وأمّو توم، ومن وين بدها تجي الريحة الطيبة؟: من أين يأتي
    بالرائحة الحلوة إن كان والده البصل وأمه الثوم.
  • تخانق البحر والريح طلعت الفلّة ع المركب:
  • تزوّجنا وجبنا غريبة، زِوان بلادك ولا القمح الصليبي: أسواء نساء البلد
    أفضل من نساء أجنبيات.
  • تعشَّينا وعشَّينا الحمار، بيسوى تخلِّف بالليل بيسوى تخلِّف بالنهار:
  • تفركش برماد سيكارة:
  • تلاتة تلاتة تبِقّ العنب، أربعة أربعة أكل الدبب:
  • تلاتة ما بينطاقوا: الطق والنق والبق:
  • تمسّك بنحسك لا يجيك انحس منو:
  • توب العياري ما بيدفّي وإن دفّى ما بيدوم: إن ااثوب الذي تستعيره لا
    يعطي الدفأ، وإن دفأك، فإنه لا يدوم.
  • توبة العاصي بعد شهر، وتوبة المقامر بعد دهر: يستجاب لتوبة العاصي خلال
    شهر، أما توبة المقامر فتأخذ دهرا.
  • تيتي تيتي، متل ما رحتِ متل ما جيتِ: عاد خالي الوفاض.
  • تيس الجبل ولا فيلسوف المدينة:
  • تيس المدينة بألف تيس: إن تيس الذي يعيش في المدينة أفضل من ألف تيس
    آخر.
  • تْدَيَّن ودَيِّن، بتغرق ما بتبيِّن: تقال ضد الديون.
  • ثلاثة ما بيتخبّوا: الحُب والحَمل وركوب الجمل:
  • ثلاثة ما بينعاروا: السلاح والدابة والمرا:
  • جابوا الديب تيعلموه القراية قالوا له: قول ألف، قال: عنزة:
  • جازة وجوزتك حظ مين بجبلك:
  • جبنا الأقرع ليونسّنا... كشّف على القرعة وفزعنا:
  • جحش الضيعة بذاتو / أفهم مني بعقلاتو.. وأجحش من جحش الضيعة / يلّي بيديِّن
    مصرياتو
    : إن الغبي هو الذي يدين شخصا آخر.
  • جهل الختيار ما لو دبّار: لا يمكن إيجاد دواء لتخريف كبار السن.
  • جَوزِك على ما عوَّدتيه، وولدِك على ما ربَّيتيه:
  • جِن تِسعَد: تماثل بأنك مجنون تعيش حياة سعيدة.
  • حاسبني مشمشة كل ساعة بتهزّ فيّ؟:
  • حاكمك وظالمك ولمين بتشكي أمرك؟:
  • حايص متل دجاجة بدها تبيض:
  • حبيبي بحبو ولو كان عبد أسود:
  • حدا بيجيب الدب على كرمه؟: من هو الغبي الذي يحضر دبا إلى كرمته؟
  • حسبنا الباشا باشا، تاري الباشا زلمه: ظننا أن الباشا هو رجل مهيب
    فاكتشفنا أنه شخص عادي.
  • حط إيده على تمه نسي أبوه وأمه:
  • حظّو من السما اللي بتحبّو الحما:
  • حظّو من السما اللي ما عندو حما:
  • حلاقة بالفاس، ولا جميلة الناس:
  • حمار حَمَّلوه كُتب، خمَّن حالو صار يعرف يِقرا:
  • حَبّة حَبّة أكل العنب. تِنتان تِنتان حشمة وأدب:
  • حَطّوا ذنبة الكلب بالقالب أربعين سنة بقيت لَوقة:
  • حِط إيدك بوكر الدبابير وقول هيدا من التقادير!
  • حِيَل النسوان بتنزِّل المحادل عن السطوح:
  • خرية كلب وانقسمت:
  • خود اسرارهم من صغارهم:
  • خيطوا بغير هالمسلّة:
  • دينة سطح ودينة مزراب:
  • راح جحا ت يصلّي، شاف باب الجامع مسكّر: ذهب جحا ليصلي، وجد باب المسجد مغلقا.
  • راح ع حصان، رجع ع بغل:
  • زوجك على ما تعوديه وابنك على ما تربيه:
  • سِدّو من فوق بيحكي من تحت: لا يمكنك إبقاف الشخص عن الكلام.
  • شابت لحاهم والعقل إسّا ما جاهُم:
  • شبهوا القلوب بالشقاق، شي سمك شي رقاق:
  • شمس شباط لكنتي، وشمس آذار لبْنَيْتي، وشمس نيسان لشيبتي:
  • شو أحلى من العسل؟ الخل ببلاش: سؤال: ما هو الشيء الأطيب مذاقا من العسل ؟ الجواب:الخل المجاني.
  • شو بتعمل الماشطة بالوجه العكر:
  • شو بتعمل الماشطة مع النّيع الألوق؟:
  • شو بدي اترجى منك يا سفرجلة وكل عضة بغصّة؟:
  • شو محسَّب الناس بطيخ؟:
  • شي تك تك... شي تيعه: يقال في الوضع الذي لا يتغير حتى بعد المحاولات.
  • صاحبي وعيوني وصَوب الجيبة لا تقرِّب:
  • صام صام وفطر على بصلة:
  • صهر بيسند الضهر وصهر بيجيب المجرفة للقبر : هناك نوعيم من المصاهرة،
    واحدة مفيدة وأخرى مجلبة للمصائب.
  • ضاع المسك بسوق البصل:
  • ضاعت الطاسة:
  • طرشا ع الباب بتتنصَّت:
  • طنجرة ولقيت غطاها:
  • طِب الجرة ع تمها بتطلع البنت لأمها:
  • طِبْني طَبْتَك العافية:
  • ظلم الحكام، وكيد النسوان، وعناد الرهبان:
  • ظلّيت صلّي حتى حصل لي، ولما حصل لي بطّلت صلّي: أتذكر الله عندما
    أحتاجه فقط.
  • عادة في البدن، ما بيغيِّرها غير الكَفَن: لا يمكن لأي إنسان تغيير
    عادته الا بعد موته.
  • عرَج الجمل من شفتو: يقال عندما يرى إنسان مصائب في غير مكانها.
  • عزيمة الحمار للعرس، يا للحطب يا لزقّ المَي: إن منفعة الحمار لثلاث أشياء:العرس حمل الحطب أو نقل ال[ماء|مياه].
  • عقلاتو بنصّ كِم:
  • علمناهن على الشحادة سبقونا على الأبواب :
  • عمل السبعة وذمتها:
  • عند تغيير الدول احفظ راسك:
  • عنزة ولو طارت: تقال عن العناد.
  • عيش يا كديش لينبت الحشيش:
  • فوق الدكة... شرطوطة :
  • قاضي الأولاد شنق حالو:
  • قاعد بالأرنة وعينه بتجقرني:
  • قالو: حبني وخدلك جحش، قالو: المحبة ما بتصير دحش:
  • قالوا للجوعان: اتنين واتنين، قال: أربعة ارغفة: سؤل شخص جائع ما هو جمع
    اثنين مع اثنين كان رده أربعة أرغفة خبز .
  • قالولو للكذاب إحلف.. قال إجا الفرج:
  • قام الدب تَ يرقص، قتَّل سبع ثمانة انفس: عندما قام الدب ليرقص قتل سبعة أو ثمانية أشخاص.
  • قلوا للبغل مين أبوك ؟ قال الحصان خالي: إن سؤل البغل من هو والدك أجاب أن خاله هو الحصان
  • قلّو ثور... قال احلبو: تقال عن العنيد.
  • كاسر إيدو وشاحد عليها:
  • كل طويل هبيل، وكل قصير في الأرض فتنة: كل شخص طويل هو غبي وكل شخص قصير
    خبير في القيام في الفتن.
  • كل عيلة وإلها شرشوحها: هناك شخص في كل عائلة يبهدلها.
  • كل ما احتاجنا طنّوس منقلّو طنّوس حاف: عندما يريد شخص ما شيء منا،
    لانبجله.
  • كل مرا بتغلب 100 شيطان وكل 100رجال تيغلبو مرا:
  • ما بيشخ ع اصبع مجروح:
  • ما بيعرف كوعه من بوعه:
  • ما في قبيلة ما طلع منها هبيلة: هناك غبي في كل قبيلة.
  • مات المير ما حدا اهتم فيه:
  • مات كلب المير، كل الناس عزّت فيه:
  • متل الابرة بتكسي الناس وهيي عريانة:
  • متل الحكومة، ما إلو صاحب:
  • متل الخوارنة، أَب هات مش أَب خود:
  • متل الزهر، بيغيب سنة وبيحضر شهر:
  • متل الزيتون، ما بيجي إلا بالرص:
  • متل العتّآلة، ما بيعرف الله الا تحت الحِمل:
  • متل اللي بيوَكِّل القط بالجبنة: مثله مثل الذي يطعم الهر جبنة .
  • متل جابي الدولة، مين ما شافو بيلعنو:
  • متل خيل الدولة: اكل ومرعى وقلة صنعة:
  • متل سيرة الحيّات، بتبدا ما بتخلص: مثل سيرة الحيات التي لها بداية من
    دون نهاية.
  • مجنون يحكي وعاقل يفهم:
  • مسبّة الدِّين بوقتها تسبيح:
  • مش عارف من العشق إلا كلمة وحشتونا: تقال عن الشخص الذي لا يهتم
    بالأخرين، وحين يراهم يقول أنهم كانوا في البال.
  • مليح اللي طلعت منَّك وما إجت منّي: من حسنات الله أنك قمت بالعمل
    القبيح أنت ولم أقم به أنا.
  • من تحت الدلفة لتحت المزراب: من مصيبة إلى أخرى.
  • موراني وخَيِّر؟ شي بيحَيِّر!: تهجم طائفي ينعت الماروني بالبخل.
  • مين عنترك يا عنتر؟" "ما لقيت حدّا ردّني: سؤال عنتر: من الذي جعلك
    قويا؟ رد قائلا: لم يقم أي شخص بمواجهتي.
  • ناس بتاكل دجاج، وناس بتوقع بالسياج: تقال للأشخاص المحظوظين.
  • نسيت يا فلاح زمان كان كعبك مفسَّخ والزبل محشي فيه!: تقال للشخص الذي
    ينسى أصله.
  • هدية المقرف بصل:
  • واحد حامل دقنوا والثاني تعبان فيها : تقال للشخص الذي يحمل هم الآخرين
    بدون فائدة.
  • وقفة المعلّم ع إيد المعلّم صعبة: من الصعب التفاهم مع شخصين يعتبران
    نفسيهما يفهمان أكثر من الآخر.
  • وكل ما احتجنا طنّوس منقلّو تفضّل يا معلّم: عندما نريد خدمة من شخص
    نَُرَفِعه بالألقاب.
  • وِجّو بيقطع الرزق: يقال للشخص ذو الحظ السيء.
  • وِجّو متل ورقة النعوة: يقال للشخص الذي يجلب الأخبار المزعجة دائما.
  • وِحشة وعِكشة، وواقفة بالوِج: وصف للإمراءة لا تعرف حدودها وتحاول أن
    تقوم بما لا تقدر عليه.
  • يا رب ما تجعلني عبرة لغيري:
  • يلي بيتو من Yزاز ما بيرشيء الناس حجارة: من يملك بيتا زجاجيا، لا يبداء
    برمي الحجارة.
  • يلّي باعك ببصلة، بيعو بقشرتها!:
  • يلّي بيعملك حمار، البُطة!:
  • يلّي خاف من العروس ما جاب ولاد: من يخاف من عروسه لن ينجب الأطفال.
  • يوم عرسه وجعه ضرسه:
  • يا أهل كفر حونة لا تأخدوا
    منا ولا تعطونا

الرجوع الى أعلى الصفحة اذهب الى الأسفل
شريف الحكيم
عضو فعال
عضو فعال
avatar

عدد المساهمات : 4040
تاريخ التسجيل : 19/12/2009

مُساهمةموضوع: رد: قائمة بأمثال لبنانية شعبية باللغة المحكية اللبنانية مع ترجمتها إلى النحوية:   السبت أبريل 17, 2010 10:17 pm


الاخت العزيزة ابنة لبنان الغالية
الاستاذة اميرة
اولا اسمحى لى ان ارحب بكى هنا فى بيتك وبين اخوة لكى
ثانيا وافر الشكر لكى على كل ما هو جميل تضعية هنا
لكى كل الامنيات الطيبة
وبالتوفيق والنجاح
م و د تى
شريف الحكيم

~~~~أذكر الله~~~~




الرجوع الى أعلى الصفحة اذهب الى الأسفل
http://amoaagsherif.ahlamontada.com
د / عبد الرحمن
نائب المدير

نائب المدير
avatar

عدد المساهمات : 1194
تاريخ التسجيل : 31/03/2010

مُساهمةموضوع: رد: قائمة بأمثال لبنانية شعبية باللغة المحكية اللبنانية مع ترجمتها إلى النحوية:   الأحد أبريل 18, 2010 12:07 am

بداية موفقة استاذة اميرة
اهلا بيكى
فالامثال دليل على حكمة الشعوب
بارك الله فيكى
د / عبد الرحمن
الرجوع الى أعلى الصفحة اذهب الى الأسفل
 
قائمة بأمثال لبنانية شعبية باللغة المحكية اللبنانية مع ترجمتها إلى النحوية:
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أمواج الأندلس أمواج عربية  :: المنتدا العام :: محاسن الكلام والأقوال المأثورة ومكارم الأخلاق :: باب الحكمه وكلام الحكماء-
انتقل الى: