أمواج الأندلس أمواج عربية
أهلا ومرحبا بك زائرنا الكريم، إذا كانت هذه زيارتك الأولى للمنتدى، يشرفنا أن تقوم بالتسجيل اذا رغبت بالمشاركة في المنتدى، أما إذا رغبت بقراءة المواضيع فتفضل بزيارة القسم الذي ترغب أدناه
عزيزى الزائر يسعدنا ان تنضم الينا وتلحق بنا
كى تفيد وتستفيد بادر بالتسجيل مع اطيب الامنيات ادارة المنتدا
ورجاء التسجيل باسماء لها دلالية الاحترام

أمواج الأندلس أمواج عربية
أهلا ومرحبا بك زائرنا الكريم، إذا كانت هذه زيارتك الأولى للمنتدى، يشرفنا أن تقوم بالتسجيل اذا رغبت بالمشاركة في المنتدى، أما إذا رغبت بقراءة المواضيع فتفضل بزيارة القسم الذي ترغب أدناه
عزيزى الزائر يسعدنا ان تنضم الينا وتلحق بنا
كى تفيد وتستفيد بادر بالتسجيل مع اطيب الامنيات ادارة المنتدا
ورجاء التسجيل باسماء لها دلالية الاحترام

أمواج الأندلس أمواج عربية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


وطن واحد هدف واحد قلب واحد قلم واحد تلك هى حقيقة أمواج الاندلس
 
أمواج الأندلسأمواج الأندلس  الرئيسيةالرئيسية  أحدث الصورأحدث الصور  التسجيلالتسجيل  دخولدخول  افضل موقع لتعلم الجرافيكافضل موقع لتعلم الجرافيك  أضغط وادخل وابحثأضغط وادخل وابحث  

 

 فؤاد حداد الاعمال الكاملة 45 قصيدة ( المسحراتى ) الجزء الاول

اذهب الى الأسفل 
3 مشترك
انتقل الى الصفحة : الصفحة السابقة  1, 2, 3  الصفحة التالية
كاتب الموضوعرسالة
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 Empty
مُساهمةموضوع: رد: فؤاد حداد الاعمال الكاملة 45 قصيدة ( المسحراتى ) الجزء الاول   فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 I_icon_minitimeالثلاثاء فبراير 09, 2010 9:16 pm

بيوت كتيرة
مسحراتي

منقراتي

طلبت مراتي

مهر الأميرة

وأنا بحر فني

شال ميت جزيره

أنا المغني

لبيوت كتيره

تمن اللى قسطه

قطم له وسطه

ولا اللى مطلى

بمزاج عواطلي

من بره رايق

مليان حرايق

أصل القرايه

مش في المرايه

لكن في صفحه

ابيض على اسود

دى حكمه واضحه

خلينى أحود

على بيت فى حاره

لولى في محاره

وبيت في عطفه

لولى في صدفه

وبيت بقوقع

خايف ليوقع

وبيت بساقية

ع العهد باقيه

وبيت عتبته

عنوان كتابته

وبيت فى زقه

بعيش ودقه

وبيت خزينه

لخبازينه

وبيت يولد

الجاى بعده

ولا حد خلده

ولا حد وحده

على المداخل

بعد المداخن

بيوت مداين

إبني يا وعده

بيوت بناتها

عرسان بناتها

أنا بيناتها

*

المشي طاب لي والدق على طبلي

ناس كانوا قبلي قالوا في الامثال

الرجل تدب مطرح ماتحب

وانا صنعتي مسحراتي في البلد جوال

حبيت ودبيت كما العاشق ليالي طوال

وكل شبر وحته من بلدي حته من كبدي حته من موال

*

المشى طاب لي علي طبلي وناياتي

تشب فيها العيدان تجري قناياتي

تسقى وانا سقا

عمره ما قال لاه

تحت القمر شقه

قالت الشوارع باتابع دقة دقه

ودقة دقة تتمايل بناياتي

*
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 Empty
مُساهمةموضوع: رد: فؤاد حداد الاعمال الكاملة 45 قصيدة ( المسحراتى ) الجزء الاول   فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 I_icon_minitimeالثلاثاء فبراير 09, 2010 9:18 pm

حبّوا الوطن
مسحراتى منقراتى انادى
كل الولاد فى بلادى
أنادى بنتى إيناس
ألاقى خدى انباس
أنادى ابنى حسن
ألاقى صدرى اتحضن
عايز اهادى ولادى
بغنوه اجمل غنوه حبوا الوطن
حبوا الوطن فى الغيط ابو الفدادين
و فى حصة العربى و درس الدين
حبوا الوطن
حبوا الوطن فى الجبهة و الميدان
يوم الجهاد الكل مجتهدين
حبوا الوطن
و تعملوا من قبل ما تقولوا
حبوا الوطن باحق و اشقوا له
لولا العرق ما كنش نُور الجبين
حبوا الوطن

حبوا الوطن فى المطرح الدافى
الأُم تسقيك الحنان الصافى
والأب ما يحبش يشوفك حزين
حبوا الوطن
حبوا الوطن فى الحى فى الشارع
من نور لنور و الجى و الطالع
نادوا الحضور فى جمعة الملايين
المشي طاب لى و الدق على طابلى
ناس كانوا قبلى قالوا فى الامثال
الرجل تدب مطرح ما تحب
و انا صنعتى مسحراتى فى البلد جوال
حبيت و دبيت كما العاشق ليالى طوال
و كل شبر.. و حته من بلدى.. حته من كبدى.. حته من موال
حبوا الوطن
و قدموا الموال دا
من الولاد للوالده
قوموا اقطفوا لها الورده
أصل الامل فى المودّه
كل العرب عيله واحده
حبوا الوطن
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 Empty
مُساهمةموضوع: رد: فؤاد حداد الاعمال الكاملة 45 قصيدة ( المسحراتى ) الجزء الاول   فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 I_icon_minitimeالثلاثاء فبراير 09, 2010 9:20 pm

افتح يا سمسم
مسحراتي

منقراتي

ومن سنين

يا مسلمين

علني كل عتبه

بافوت أسحر

والليل برقبه

وعمه وعدبه

في الحسن عجبه

عمال يفقر

وأنا بانقر

لا علمي غلبه

ولا فني مظهر

ولادي طلبه

في أول أزهر

وتانيه جيزة

فتره وجيزه

يطلع مهندس

والبنت نرجس

بدال ما تكنس

حتبقي قاضية

جيوبي فاضية

ونفسي راضية

يهديكي طبعى

يا دنيا طاوعى

ويا سكة طاولي

*

المشي طاب لي والدق على طبلي

ناس كانوا قبلي قالوا في الامثال

الرجل تدب مطرح ماتحب

وانا صنعتي مسحراتي في البلد جوال

حبيت ودبيت كما العاشق ليالي طوال

وكل شبر وحته من بلدي حته من كبدي حته من موال

*

يا حضرة الباشا فاكر ياما سحرتك

ودمعي تحت القمر بالليل مسح حارتك

وقلت لك خلي قطفه لك وقطفه لي

وربنا يخلي أطفالك وأطفالي

ولا كنت بتصلي يا باشا ولا بتصوم

غير كل حبه علي السبحه تقول مخصوم

وكنت يا باشا ما بتسمعش بالعربي

حضروا أطبا يردوا السمع والطاعه

حضروا أطبا يداووا نفس طماعه

إفتح يا سمسم جماعه

حضروا بسماعه تكشف قلب سحارتك

*
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 Empty
مُساهمةموضوع: رد: فؤاد حداد الاعمال الكاملة 45 قصيدة ( المسحراتى ) الجزء الاول   فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 I_icon_minitimeالثلاثاء فبراير 09, 2010 9:22 pm

في الغيط نقاية

مسحراتي

منقراتي

في غيط حراتي

طرح كلام

آه يا سلام

أنا قلت آيه

ورميت شقايا

في الغيط نقاية

طرح كلام

آه يا سلام

خلعت بابي

ورميت شبابي

في الغيط حبابي

طرح كلام

آه يا سلام

وادور مغمي

واسقي بدمي

الغيط يا عمي

طرح كلام

آه يا سلام

كدا القوافي

تقول أوافي

كدا طوافي

طرح كلام

آه يا سلام

كدا قلبي وافي

للي انكتب لي

ياليل عوافي

*

المشي طاب لي والدق على طبلي

ناس كانوا قبلي قالوا في الامثال

الرجل تدب مطرح ماتحب

وانا صنعتي مسحراتي في البلد جوال

حبيت ودبيت كما العاشق ليالي طوال

وكل شبر وحته من بلدي حته من كبدي حته من موال

*

حته من بلدي حته لأم أولادي

بنيت لها عش بعيدان الأمل ورموش

كان قلبي فاعل يغني في المقاوله دي

ويقول شكرت العواذل اللي ما بيرموش

ويقول شكرت العواذل اللي يرمونا

ما كنتش اضرب ضلوعي لولا آلمونا

ولا أضرب المونه أبني لأم أولادي

*

اصحى يانايم وحد الدايم

السعي للصوم خير من النوم

دي ليالي سمحه نجومها سبحه

اصحى يانايم يانايم اصحى
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 Empty
مُساهمةموضوع: رد: فؤاد حداد الاعمال الكاملة 45 قصيدة ( المسحراتى ) الجزء الاول   فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 I_icon_minitimeالثلاثاء فبراير 09, 2010 9:23 pm

عنتر

مسحراتي

منقراتي

بين الحارات

بافوت أسحر

وأقول واعبر

زحنا اللي زاحنا

ولفوق قزحنا

شوف قوس قزحنا

في الجو قنطر

تعاشوف يا عنتر

عنتر وعبله

عامل وعامله

أما المزامله

تهديهم أكتر

تشد قوسهم

وتزيده أسهم

ترفع رءوسهم

الله أكبر

أما الشهادة

جت تاتا تاتا

بتتهادي

وتتغندر

أما نوبتها

خدت نوبتها

بيبنوا بيتها

علي الشمندر

شكر فعالي

آبا ودعالي

بسد عالي

الخير يفجر

ويشق صحرا

علي يد سحرة

تلبس مشجر

والميه تجري

وتخف رجلى

من الوجع دا

أنا مالي قعده

*

المشي طاب لي والدق على طبلي

ناس كانوا قبلي قالوا في الامثال

الرجل تدب مطرح ماتحب

وانا صنعتي مسحراتي في البلد جوال

حبيت ودبيت كما العاشق ليالي طوال

وكل شبر وحته من بلدي حته من كبدي حته من موال

*

عنتر ملك في القوافي وغزلها

صرع سباع الفيافي ورق لغزالها

عشق حوريه اسمها الحريه وغزالها

ذبيان وطي وضرب في الحي بالحدين

السلم كان حلم ما اتلمت عليه يدين

إن عاد لعبه قطف قبله من الخدين

وجمع في توبها خيوط الشمس وغزلها

*

اصحى يانايم وحد الدايم

السعي للصوم خير من النوم

دي ليالي سمحه نجومها سبحه

اصحى يانايم يانايم اصحى

وحد الرزاق
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 Empty
مُساهمةموضوع: رد: فؤاد حداد الاعمال الكاملة 45 قصيدة ( المسحراتى ) الجزء الاول   فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 I_icon_minitimeالثلاثاء فبراير 09, 2010 9:27 pm

ألف باء
مسحراتي

منقراتي

محاضراتي

تجلي العقول

في عصر ذري

لازم نقري

شعر المعري

ولازم نقول

أولي ابتدائي

ألفي وبائي

أكرم آبائي

الناس أصول

ككتب الأئمه

جبل وقمه

تطلع يا إما

تنزل نزول

عقلك في رأسك

تعرف خلاصك

تحفظ تراثك

تصبر تنول

فرج قريب

وصبر طيب

وعود يشيب

عين العزول

شده تزول

لكن تعلم

ولا رجل تطلع

إلا بسلم

ولا نخل فرع

إلا المقلم

ولا علم ينفع

إن لم تسلم

علي الرسول

ختامها مسكي

وشجوها مكي

والفرع نابت

من أصل ثابت

وأنا نفسي طابت

*

المشي طاب لي والدق على طبلي

ناس كانوا قبلي قالوا في الامثال

الرجل تدب مطرح ماتحب

وانا صنعتي مسحراتي في البلد جوال

حبيت ودبيت كما العاشق ليالي طوال

وكل شبر وحته من بلدي حته من كبدي حته من موال

*

أقول لك الحق واضرب لك مثل ساير

وان كنت ما عرفشي لا اخبي ولا اساير

من صغر سني وأنا صاحب مزاج ثاير

واكمني ثاير لا يمكن يا ألف بائي

تلاقي زيي علي عهدك أليف باقي

واكمني ثاير باقول من فات قديمه تاه

لابد للحي يترحم علي موتاه

واللي أتي بالجديد لولا القديم ما أتاه

يا أمتاه أنا إبنك ع الأثر ساير

*

اصحى يانايم وحد الدايم

السعي للصوم خير من النوم

دي ليالي سمحه نجومها سبحه

اصحى يانايم يانايم اصحى

وحد الرزاق
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 Empty
مُساهمةموضوع: رد: فؤاد حداد الاعمال الكاملة 45 قصيدة ( المسحراتى ) الجزء الاول   فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 I_icon_minitimeالثلاثاء فبراير 09, 2010 9:28 pm

هلال

مسحراتي

منقراتي

أملك قيراطي

من الكليم

رمضان كريم

الله أكرم

دا غير قيراطى

من الحصير

إن زاد إيرادي

في الدائرة دي

يصبح اراضي

بساط حرير

زي الهليل

تلاقيه قليل

تفضل تليل

يصبح كبير

يفضل يناور

بين المناور

في جوز أساور

يقع أسير

يرجع يغازل

بين المنازل

مالوش عواذل

هلال أمير

هلال يقول لي

أنا حلو كلي

شوف عقد فلي

صنع القدير

هلال حمامه

تحت الغمامه

لبست عمامه

ما فيهاش تطير

هلال بيجري

في بحر هجري

قال ضي فكري

للمستنير

هلال بلدنا

علي الف مادنه

لله حمدنا

حسن المصير

*

المشي طاب لي والدق على طبلي

ناس كانوا قبلي قالوا في الامثال

الرجل تدب مطرح ماتحب

وانا صنعتي مسحراتي في البلد جوال

حبيت ودبيت كما العاشق ليالي طوال

وكل شبر وحته من بلدي حته من كبدي حته من موال

*

لو تسأل الليل يقول لك راضى بالمقسوم

والقله في الفجر حتقول لك عن الماء صوم

واحنا عرب كلنا أصحاب طرب مقسوم

حلوين على كل حال لكن سوا أحلى

يا سواحليه

ومن الصعيد للبحيرة للدقهلية

إحنا أهليه

تجمعنا ساعة السحور تجمعنا طبليه

قضينا ع الجاهلية نحمد الواحد

القلب واحد ولو كان الرغيف مقسوم

*

اصحى يانايم وحد الدايم

السعي للصوم خير من النوم

دي ليالي سمحه نجومها سبحه

اصحى يانايم يانايم اصحى

وحد الرزاق
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 Empty
مُساهمةموضوع: رد: فؤاد حداد الاعمال الكاملة 45 قصيدة ( المسحراتى ) الجزء الاول   فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 I_icon_minitimeالثلاثاء فبراير 09, 2010 9:30 pm

ياهادي
*
مسحراتي
منقراتي
بعد الصلاة
علي نبينا
با قول يا هادي
العقل زينه
الله هادينا
ع الندهه جينا
علي ريح حجازي
سقنا الهجينه
الله يجازي
اللي يهاجينا
أنا قلت نخلي
أحسن مناخ لي
حط السفينه
دانخيل سباطه
قطع رباطه
خد تحت باطه
كل المدينه
حمام بلدنا
زغلول بلحنا
فرد جناحنا
علي وادينا
وكان فلاحنا
دنيا ودينا
بتنا وصبحنا
أحرار وادينا
ليلنا وصباحنا
عرسان عرايس
نقيم فرحنا
وولاد مدارس
يكمل نجاحنا
وعرب فوارس
تقول فتحنا
فتحاً مبينا
أنا قلت سجده
لله سجده
لعدوي سكته
الرؤية ثابته
*
المشي طاب لي والدق على طبلي
ناس كانوا قبلي قالوا في الامثال
الرجل تدب مطرح ماتحب
وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي حته من كبدي حته من موال
*
في عيني إنسان وفي عيون البلد إنسان
حلوه البلد بعدما داست علي الأوثان
حلوه البلد شهداءها قدموا العرسان
حلوه البلد يا أحن قلوب وأوفي لسان
غني الأمل يا حبيب والفتح ياحسان
ما سمعت الدنيا أمثال العرب شعرا
ولا رأت مثل فرسان العرب فرسان
*
اصحى يانايم وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 Empty
مُساهمةموضوع: رد: فؤاد حداد الاعمال الكاملة 45 قصيدة ( المسحراتى ) الجزء الاول   فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 I_icon_minitimeالثلاثاء فبراير 09, 2010 9:32 pm

التبات والنبات

مسحراتي

منقراتي

صاحب مدايح

وموشحاتي

الله يسامح

زمن الشحاته

كان سكيفي طايح

سيف خردواتي

دلوقتي فالح

في مناوشاتي

وردةرت جانح

ابن الذوات

علقته سابح

خيال مقاته

وبقالب صالح

من غير شماته

على القوالح

سهران وشاتى

قلت الي رايح

غير اللي آتى

رمضانا صابح

مصابح ليلاتى

قال أنت سارح

تشهد زيناتى

أنا بحر مالح

يحلى يوماتى

وأنا ليلى طارح

عنب بناتى

وهلالى فاتح

بلد الزناتى

أنا قلت واضح

يا شوق حياتى

كل الروايح

هلت جهاتى

والشر زايح

والخير مواتى

وله لوايح

ولقيت مطارح

لمت شتاتى

عيشى فى تباتي

وفى نباتى

يا أم ابنى

بحرى وقبلى

الخير تقابلى

*

المشي طاب لي والدق على طبلي

ناس كانوا قبلي قالوا في الامثال

الرجل تدب مطرح ماتحب

وانا صنعتي مسحراتي في البلد جوال

حبيت ودبيت كما العاشق ليالي طوال

وكل شبر وحته من بلدي حته من كبدي حته من موال

*

عشنا وشفنا الكواسر انوردةر نابها

وخبرتنى بهيه أن الغيطان أبهى

وبنتها في المدارس أوله نابهه

وعيونى قابلت عيون من كل خير نابها

أنا قلت يوم المنى اليوم اللي كان منى جاه

وكان لبي بينى وبينك يا قمر مناجاه

الحمد لله عشت وقلبى غنى بها

*

اصحى يانايم وحد الدايم

السعي للصوم خير من النوم

دي ليالي سمحه نجومها سبحه

اصحى يانايم يانايم اصحى

وحد الرزاق
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 Empty
مُساهمةموضوع: رد: فؤاد حداد الاعمال الكاملة 45 قصيدة ( المسحراتى ) الجزء الاول   فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 I_icon_minitimeالثلاثاء فبراير 09, 2010 9:34 pm

والله زمان
*
مسحراتي قولو والله زمان
منقراتي وادي نقره كمان
طوال السنه في حيكم هيمان
قولوا العوافي يللي قلبك وافي
من القوافي لما خدت الامان
قلدت بحر النيل بلا استئذان
بين الشواطئ امشي في الاحضان
واضاحك الفجريه واسقي الغيظان
واهدي الكباري نظره الولهان
واوردةر خيالي في كل عود انسان
وفي نيتي اكبر من الفيضان
الضي بعد الري من اسوان
عبرة حياتي وصنعة الفنان
معنى المروءه وزرع الاطمئنان
في كل مطرح لما الاقي حنان
والاقي قعده تجمع الخلان
والاقي نسمه من هوى الاوطان
والاقي قمح جنب منه ريحان
والاقي طيب : افتكر رمضان
*
المشي طاب لي والدق على طبلي
ناس كانوا قبلي قالوا في الامثال
الرجل تدب مطرح ماتحب
وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي حته من كبدي حته من موال
*
رمضان حبيب الندى بالعوده ايامه
انا قلبي ياما نده على معنى ايامه
اذكر المؤمنين بالحق و صيامه
يا مصر يا جنه خضرا ويا رباط الخيل
وجب من الليل جهاد الفجر وقيامه
*
اصحى يانايم وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 Empty
مُساهمةموضوع: رد: فؤاد حداد الاعمال الكاملة 45 قصيدة ( المسحراتى ) الجزء الاول   فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 I_icon_minitimeالثلاثاء فبراير 09, 2010 9:35 pm

أنا اشتراكي
مسحراتي

منقراتي

في مذكراتي

عن عهد بائد

ولا عمره عائد

طلعت لي غنوه

لا تقول لي حلوه

ولا سفيهه

فيها اللي فيها

باغنى واحكي

غنوه حكاية

كان فيها ضحكي

فيها بكايا

اسمع يا ولدي

العين بصيره

والايد قصيره

والفقر لابد

علي الحصيرة

بيقول يا عابد

زحزحني

والزير حدايا

من البداية

وأنا اللي سانده

علي النقاية

بيقول يا عبده

زعزعني

والقلب شابي

علي الغلابه

رفع علي

قوس الربابه

وقال يا بابا ...

زغزغني ..

اسمع يا ولدي

من غير شماته

دلوقتي ردي

علي التلاته

بنيت في سدي

زعزعت زيري

علي مزاجي

يا اقطاعيه

وغار اذاك

زغزغ لي قلبي

عدو باكي

زحزحت فقري

وأنا فداك

يا مصر لما

لقيت ضناك

أول ما ينشأ

حرية ينشق

أول ما ينطق

يقول وراك

أنا اشتراكي

يا مصر ياللي

اسمك في ريقي

عارف طريقي

*

المشي طاب لي والدق على طبلي

ناس كانوا قبلي قالوا في الامثال

الرجل تدب مطرح ماتحب

وانا صنعتي مسحراتي في البلد جوال

حبيت ودبيت كما العاشق ليالي طوال

وكل شبر وحته من بلدي حته من كبدي حته من موال

*

اصحى يانايم وحد الدايم

السعي للصوم خير من النوم

دي ليالي سمحه نجومها سبحه

اصحى يانايم يانايم اصحى

وحد الرزاق
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 Empty
مُساهمةموضوع: رد: فؤاد حداد الاعمال الكاملة 45 قصيدة ( المسحراتى ) الجزء الاول   فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 I_icon_minitimeالثلاثاء فبراير 09, 2010 9:37 pm

تاريخ جديد

مسحراتي

منقراتي

وأنا قلبي راضي

أنا قلبي رايق

أنا قلبي طايق

سبع طرايق

علي الوريد

الأوله دي

عيون ولادي

صبح ميلادي

بتاريخ جديد

والتانيه ساير

تحت المناير

رمضان يناير

طالع سعيد

والتالته عيني

علي البريد

بينك وبيني

سكه حديد

والرابعه داخ اللي

قلبه داخل لي

يبقي داخلي

بالأكيد

والخامسة أمسى

فارش في شمسى

أنا اللى همسى

صبح نشيد

والساتته يومي

جميل فى قومى

أنا اللى صومي

وصلاتى عيد

والسابعه بشرى

من قبل بكره

علي كل أكره

يبقى لي إيد

عصر العجايب

جايب ماجايب

جايب ما جاب لى

*

المشي طاب لي والدق على طبلي

ناس كانوا قبلي قالوا في الامثال

الرجل تدب مطرح ماتحب

وانا صنعتي مسحراتي في البلد جوال

حبيت ودبيت كما العاشق ليالي طوال

وكل شبر وحته من بلدي حته من كبدي حته من موال

*

يا ليلى يا عين أنا حالف ما اغمض عين

دا أنا إن شقيت قلت آه ريحت قلت آهين

صبح الشقارين

لعيون تزامل قمر كامل يؤانسها

وعيون كما العيله دايره بفوانيسها

وعيون تقول أنا حاهدي الفجر موالى

ولا حد يسهر ليالي وفي الأوان يسهى

*

اصحى يانايم وحد الدايم

السعي للصوم خير من النوم

دي ليالي سمحه نجومها سبحه

اصحى يانايم يانايم اصحى

وحد الرزاق
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 Empty
مُساهمةموضوع: رد: فؤاد حداد الاعمال الكاملة 45 قصيدة ( المسحراتى ) الجزء الاول   فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 I_icon_minitimeالثلاثاء فبراير 09, 2010 9:40 pm

مهما ألف

مسحراتي

منقراتى

على الصراط

زى الألف

مهما ألف

وبدور حوارى

من الحواري

وخيالى جارى

زى الألف

مهما ألف

والليل يطول

والناى يمول

وأنا قلبى أول

زى الألف

مهما ألف

قول للموائد

أنا قلبى واخد

على إنه واحد

زى الألف

مهما ألف

أنا اللى أركع

لله وأرفع

رأسى وأرجع

زى الألف

مهما ألف

وباقول يا همزه

يا أم التلامذه

فوقى انفتحت

أنا اللى شايلك

موردةوره تحتى

اشكر جمايلك

همزه يا همزه

أكتب ما أكتب

لا فى سرى همسه

ولا عمرى أكدب

حواسى خمسه

وصوابعى خمسه

على خط خمسه

*

المشي طاب لي والدق على طبلي

ناس كانوا قبلي قالوا في الامثال

الرجل تدب مطرح ماتحب

وانا صنعتي مسحراتي في البلد جوال

حبيت ودبيت كما العاشق ليالي طوال

وكل شبر وحته من بلدي حته من كبدي حته من موال

*

هي المنازل بتتبادل حواديتها

والا الحوارى بتتصنت فى حودتها

أدى طبلتى رققت ودى إيدى هاودتها

ودى قلبى سلم وعينى سلمت بهيام

على اللميالى وعلى الأيام وعودتها

*

اصحى يانايم وحد الدايم

السعي للصوم خير من النوم

دي ليالي سمحه نجومها سبحه

اصحى يانايم يانايم اصحى

وحد الرزاق
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 Empty
مُساهمةموضوع: رد: فؤاد حداد الاعمال الكاملة 45 قصيدة ( المسحراتى ) الجزء الاول   فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 I_icon_minitimeالثلاثاء فبراير 09, 2010 9:41 pm

تبارك الله

مسحراتي

منقراتي

نيلى فراتى

أشرب زلال

وأقرأ وردي

وارعش يا ولدي

من تحت جلدى

فى الابتهال

تبارك الله ذو الجلال

الله رحيم

إن كنت باطمع

قلبى سليم

فى عينى يلمع

نور النعيم

وبودنى أسمع

أدان بلال

تبارك الله ذو الجلال

الله ودود

أحب وطني

من غير حدود

وانقى قطني

من كل دود

واخد في حضني

كل العيال

تبارك الله ذو الجلال

الله لطيف

تغنينى لقمه

من الرغيف

عن جنس لؤما

وأنا الضعيف

من أجل حكمه

أشيل جبال

تبارك الله ذو الجلال

أشيل جبال

وأخد في حضنى

كل العيال

اسمع بودنى

أدان بلال

طريقي خالي

من الضلال

حالف ما أخاوي

إلا الحلال

كل الخطاوي

على كل حال

حتنحسب لي

*

المشي طاب لي والدق على طبلي

ناس كانوا قبلي قالوا في الامثال

الرجل تدب مطرح ماتحب

وانا صنعتي مسحراتي في البلد جوال

حبيت ودبيت كما العاشق ليالي طوال

وكل شبر وحته من بلدي حته من كبدي حته من موال

*

يا أبو القلوب اللي بتسنبل وبتزهر

واللي بتبني الحياه وتشيلها وتعمر

أنا قلبي من نفسه يطلق نفسه ويعبر

عن فرحته بالبطل ويغني ويصور

فتحت بحرين وعليت العلم الأخضر

طلعت سربين تقبل فينا وتبحر

قلنا الصباح وأنت صحتنا بصباح أكبر

يوم القنال أنت جددته بيوم الأزهر

الله أكبر ولما طلعت ع المنبر

نفس الشهيد علي عمدان الحرم كبر

*

اصحى يانايم وحد الدايم

السعي للصوم خير من النوم

دي ليالي سمحه نجومها سبحه

اصحى يانايم يانايم اصحى

وحد الرزاق
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 Empty
مُساهمةموضوع: رد: فؤاد حداد الاعمال الكاملة 45 قصيدة ( المسحراتى ) الجزء الاول   فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 I_icon_minitimeالثلاثاء فبراير 09, 2010 9:43 pm

إحفظ دروسك

مسحراتي

منقراتي

باقول ياليلي

وباقول يا عينى

راحت ليالى

وجت ليالي

وكان سهرها

فى العين نقاوه

لطلوع نهارها

في الروح حلاوه

ليالى نارها

على هداوه

شوف الشقاوه

الليل دا زي

الـلي لسه عيل

والبدر ميل

عليه وقال له

احفظ دروسك

تاخد فلوسك

اصبح فانوسك

تقول يا حللو

أنا كأني

بدلت سنى

يا مسهرينى

تعالوا حلوا

أنا كنت لبه

وزدت حبه

صبحت قبه

على تاج محبه

طالبين زياده

من لبه عاده

طالبين سعاده

السد علوا

وغنى شاعر

وعاد مهاجر

وكل قادر

وجد عمل له

الله كلامه

نشر سلامه

على اللى صاموا

وعلى اللي صلوا

*

المشي طاب لي والدق على طبلي

ناس كانوا قبلي قالوا في الامثال

الرجل تدب مطرح ماتحب

وانا صنعتي مسحراتي في البلد جوال

حبيت ودبيت كما العاشق ليالي طوال

وكل شبر وحته من بلدي حته من كبدي حته من موال

*

من بور سعيد للصعيد يا مصر سابقة العيد

ولابسة أخضر جديد ومن المعادن تاج

ومنوره الدنيا بالأفراح وبالعناقيد

وطارحه صلب وحديد قبل الميعاد انتاج

*

اصحى يانايم وحد الدايم

السعي للصوم خير من النوم

دي ليالي سمحه نجومها سبحه

اصحى يانايم يانايم اصحى

وحد الرزاق
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 Empty
مُساهمةموضوع: رد: فؤاد حداد الاعمال الكاملة 45 قصيدة ( المسحراتى ) الجزء الاول   فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 I_icon_minitimeالثلاثاء فبراير 09, 2010 9:46 pm

حرفه هوايه

مسحراتي

منقراتي

باقول مرادي

أعيش وادادي

وأخدم ولادى

أخدم بلادي

وأنا المنادي

أول ملبي

كلامي ميه

من نور عينى

يشهد على

الله ربي

بالسر عالم

ولا كنت ظالم

ولا مستخبى

وعلى السلالم

وفرت دنبى

من غير زوايا

مشيت فى دربى

درت بهوايا

وهواي دار بى

وحسى لعلع

الحي ولع

أنا باب مخلع

الخير في ضبي

وان قلت عجبي

السد أعجب

عيونه سته

حيفوت يكهرب

في كل حته

والميه تركب

على بسكلته

من غيرها أركب

أنا نلت طلبى

حرفه هوايه

ودا سر طربى

طرت بهوايا

وهواى طاربى

عديت مطبى

*

المشي طاب لي والدق على طبلي

ناس كانوا قبلي قالوا في الامثال

الرجل تدب مطرح ماتحب

وانا صنعتي مسحراتي في البلد جوال

حبيت ودبيت كما العاشق ليالي طوال

وكل شبر وحته من بلدي حته من كبدي حته من موال

*

أنا لحبايبى حبابي القلب نادرها

ما هيش جواهر يا قوت باهر ونادرها

ولا مواهب ولا راهب بني ديرها

في كل يوم علي كل الناس أنا أديرها

حبابي قلبي غيطان وحيطان بمنادرها

وتراب حواري وشوارع في بنادرها

كما أجنحه للحمام متعوده ع السقف

رقصت دبيحه يا مين يظبط عليها السقف

قوم شوف على السقف بترفرف بنادرها

*

اصحى يانايم وحد الدايم

السعي للصوم خير من النوم

دي ليالي سمحه نجومها سبحه

اصحى يانايم يانايم اصحى

وحد الرزاق
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 Empty
مُساهمةموضوع: رد: فؤاد حداد الاعمال الكاملة 45 قصيدة ( المسحراتى ) الجزء الاول   فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 I_icon_minitimeالثلاثاء فبراير 09, 2010 9:47 pm

كُوبرى امبابه
مسحراتى و جيت فى نسمه طريه
منقراتى انادى ع الخُضريه
ما فضلش غير ساعتين على الفجريه
مايل جناحك فى العسل بتسُوق
عربيه شايله الخير و نازله السوق
سَنَتَك مباركه و شهرنا مرزوق
و الدنيا فرحانه بقمرها الباسم
على كوبرى امبابه مواسم مواسم
أنا شيلت فوق العين و فوق الراس
و الضهر شايل الإشوله و الاقفاص
رزق الحبايب ينقسم انصاص
رزق الحبايب بالهنا لم يفاصل
من السما بالخير على الارض واصل
يطعم صغار الطير و يسقى الحواصل
الحمد لله اللطيف الرحيم
و عينى مليانه و قلبى سليم
و الناس كريمه و شهر طيب كريم
أَضحك كم ضحك الامل و التهانى
و اعمل انا الخضرى وانا الفكهانى
و مسحراتى فى الهوا ودكانى

المشي طاب لى و الدق على طبلى
ناس كانوا قبلى قالوا فى الامثال
الرجل تدب مطرح ما تحب
*
و انا صنعتى مسحراتى فى البلد جوال
أنده على العجميه و حلو من حلوان
على الجوافه روايح و العنب ألوان
البرتقان النسيم اليوسف المشمش
لقيت حديد الكبارى من الحنان يرمش
و يطير بسور الجنينه حسى و الكروان
وسَبّحِتْ فى الندى إمبابه و الأكوان
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 Empty
مُساهمةموضوع: رد: فؤاد حداد الاعمال الكاملة 45 قصيدة ( المسحراتى ) الجزء الاول   فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 I_icon_minitimeالثلاثاء فبراير 09, 2010 9:50 pm

النسمه هـلت
*
مسحراتي ومعدي
منقراتي ومين قدي
الطبلة عاليه في احضاني
زي البيان زي النشره
في ستة اكتوبر عشره
من الهلال الرمضاني
كان قلبي صخر الحنيه
في المعركه للحريه
وللسلام اللي هداني
*
والنسمة هلت بحريه
يا مصر يا شهد الشهدا
الجنة شمسك وترابك
اصوم واصلى في محرابك
واسمع الشط الثاني
الله اكبر وأداني
اه من هواي في اوطاني
اه من شقاي ومن طربني
الارض تتكلم عربي
والدنيا تسمع بوداني
نور الوجود من وجداني
زقاقي يفتح لي ميداني
حبيبي خدني وعداني
*
المشي طاب لي والدق على طبلي
ناس كانوا قبلي قالوا في الامثال
الرجل تدب مطرح ماتحب
وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي حته من كبدي حته من موال
*
دخلت دار بعد دار والكل بيحيي
انا اللي حي وشهيد في الجنه وفي حيي
الله اكبر كأن الشمس من ضيي
على ارض سينا في نار المعركه والصهد
وانا والتراب المنور انتصرنا لبعض
وكنت صايم ملكت من السماء للارض
وكنت عطشان ما حدش ارتوى زيي
*
اصحى يانايم وحد الدايم
السعي للصوم خير من النوم
دي ليالي سمحه نجومها سبحه
اصحى يانايم يانايم اصحى
وحد الرزاق
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 Empty
مُساهمةموضوع: رد: فؤاد حداد الاعمال الكاملة 45 قصيدة ( المسحراتى ) الجزء الاول   فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 I_icon_minitimeالثلاثاء فبراير 09, 2010 9:52 pm

مع السلامه

*
مسحراتي منقراتي
ليله في حياتي
ومع السلامه
بسمع بودني
حس يعاودني
وبنتي وابني
مع السلامه
مشيت اعرّج
عشان افرج
النجم رجرج
مع السلامه
انا اللي حارت
برجلي حاره
مع السلامه
مطرح ما ادور
الاقي منور
عمال يشور
مع السلامه
خالصين ياقافيه
خليك بعافيه
مع السلامه
انا عيني بكّت
وقلبي نكت
ناولني فكه
مع السلامه
انا جاي بكره
الاجر اجره
افطر بفطره
و مع السلامه
انا بكرى ارجع
اغني واسجع
تلايمني تسمع
مع السلامه
و مع السلامه
*
المشي طاب لي والدق على طبلي
ناس كانوا قبلي قالوا في الامثال
الرجل تدب مطرح ماتحب
وانا صنعتي مسحراتي في البلد جوال
حبيت ودبيت كما العاشق ليالي طوال
وكل شبر وحته من بلدي حته من كبدي حته من موال
*
رمضان مخلف هلال وهلال مخلف عيد

وكل يـوم من لـيـالـيـنا قــديـم وجــديـــد

خلـف بـنـيـه وصـبـي خـلف امـل وسعيد

وانا طـبـلتي تغـني غـنوه وتحكي حدوته

بالسمن ملتوته ونرجع نقول ونعيد

رمضان مخلف هلال وهلال مخلف عيد

*

اصحى يانايم وحد الدايم

السعي للصوم خير من النوم

دي ليالي سمحه نجومها سبحه

اصحى يانايم يانايم اصحى

وحد الرزاق
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 Empty
مُساهمةموضوع: رد: فؤاد حداد الاعمال الكاملة 45 قصيدة ( المسحراتى ) الجزء الاول   فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 I_icon_minitimeالثلاثاء فبراير 09, 2010 9:54 pm

جنس الأفندى
أنا الأديب الأدباتى
لازم أجدد كتاباتى
الفن مش كله نباتى
من عالم الحيوان درسى

القافيه تفعل مفعولها
حأبدأ بفزوره أقولها
مطرح ما ترسى دقوا لها
دقوا لها مطرح ما ترسى

بست رجلين مش عشره
فى الدنيا كلها منتشره
دى تبقى ايه ؟ تبقى الحشره
برافو خُد جايزه ـ مِرْسِى

أَضرب لكم أمثله ؟ إضرب
إشي من العقرب يهرب
تحت الحيطان قلبه مكهرب
و الاسم خنفس .. اسفُخسى

فاش الحمام فى سرواله
برغوت قميصك مَتْوَى له
و السوس فى كافة احواله
فى الفول و فى الدُره و فى ضرسى


و المَنّ مش مَنّ و سلوى
و العنكبوت الاحمر بلوى
و تربس و القافيه تربسى
فى القطن ما يخليش بروه
أشرس من العته فى لبسى

ما اقرفش من قمل و عته
من جنس شىء رجليه سته
غير اضخم الحشرات جته
عن الطعام صادد نفسى

و البقه هى الأكلانه
فرحانه شكلها زعلانه
و القمل بابا فَلاّنَا
و النمل و النمل الفارسى

ده اضخم الحشرات بنيه
أخطرها شأناً فى الدنيا
قادر يصدّى الألمونيا
جنس الأفندى على الكرسى
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 Empty
مُساهمةموضوع: رد: فؤاد حداد الاعمال الكاملة 45 قصيدة ( المسحراتى ) الجزء الاول   فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 I_icon_minitimeالثلاثاء فبراير 09, 2010 9:56 pm

الورد شحات الندى
الماضى دايماً قصير الديل يا عم فؤاد
دايماً معانا و معاكم حق يا أولاد
أشد حزن التقيته صِدْقْ كالمعتاد
صدق لو ينعاد
صدق و مغالطه
لمّا دفعت التمن ليلتين من الجلطه
تمن سنين حُكم غير الحُكم .. كفانى ـ
سجن غير السجن
باسأل على عنوانى
باحس إن التراب كان نفسه يتغطى
بابدأ ديوان (( آدى أيام العجب و الموت ))
مش حانشره فى عبد اللطيف الصوفانى
كان الضبط بيدلنى ع المبانى
الدمع فين اللى كان يشبه غسيل الناس
و العرق كان فين
أشد حزن التقيته بامشى ع الكفين
بدل ما اقول من رحاب الذاكره .. بأمسك قلم رصاص (( و ابكى ع المستقبل الفانى ))
باتنقل بشويش
من لُقمه للتانيه بين قَطْع الطريق و العيش
باعمل مغمض كأن الدنيا عارفانى
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 Empty
مُساهمةموضوع: رد: فؤاد حداد الاعمال الكاملة 45 قصيدة ( المسحراتى ) الجزء الاول   فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 I_icon_minitimeالثلاثاء فبراير 09, 2010 9:58 pm

بعلو حسي

اصحى يا نايم

وحد الدايم

وقول نويت

بكره ان حييت

الشهر صايم

والفجر قايم

اصحى يا نايم

وحد الرزاق

رمضان كريم

*

مسحراتي

منقراتي

وأنا بانادي

بعلو حسي

يادنيا حسي

الحق بين

ومصر أولي

حققنا ثروة

وقمنا صخرة

وعرقنا زين

أرض البطوله

إحنا اللي إيدنا

خلت حديدنا

حديد حنين

علي الطفولة

وصباح مندي

علي الولاد دي

طريقها هين

ما فيهش غوله

وأنا السنه دي

شقت سنابلي

في كل وادي

والليل خطب لي

قمر وردادي

بسحر بابلي

وضني هادي

فردت حبلي

بطول بلادي

*

المشي طاب لي والدق على طبلي

ناس كانوا قبلي قالوا في الامثال

الرجل تدب مطرح ماتحب

وانا صنعتي مسحراتي في البلد جوال

حبيت ودبيت كما العاشق ليالي طوال

وكل شبر وحته من بلدي حته من كبدي حته من موال

*

أنا بلدي حره بنيت علي غصنها عشي

ولقمة الحب بتفطرني وتعشي

أنا عاوز ابني يعيش والظلم ما يعيشي

يارب يا اللي خلقت لنا البصر واللمس

ولا ترسم الشمس إلا النور علي وشي

*

اصحى يانايم وحد الدايم

السعي للصوم خير من النوم

دي ليالي سمحه نجومها سبحه

اصحى يانايم يانايم اصحى

وحد الرزاق
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 Empty
مُساهمةموضوع: رد: فؤاد حداد الاعمال الكاملة 45 قصيدة ( المسحراتى ) الجزء الاول   فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 I_icon_minitimeالثلاثاء فبراير 09, 2010 10:12 pm

بسم الله الرحمن الرحيم
تم بعون الله تعالى الانتهاء من الجزء الاول ( المسحراتى ) وعددة 45 قصيدة
وعلى لقاء فى الجزء الثانى وعددة 53 قصيدة بعنوان الأراجوز
مع خالص تحياتى لكم
/ شريف الحكيم /
الرجوع الى أعلى الصفحة اذهب الى الأسفل
https://amoaagsherif.ahlamontada.com
ابو منه
عضو مميز
عضو مميز
ابو منه


عدد المساهمات : 597
تاريخ التسجيل : 24/01/2010
العمر : 47

فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 Empty
مُساهمةموضوع: رد: فؤاد حداد الاعمال الكاملة 45 قصيدة ( المسحراتى ) الجزء الاول   فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 I_icon_minitimeالثلاثاء فبراير 09, 2010 11:56 pm

مجهود مشكور وعمل رائع جدااااااااااا
شكرا جزيلا استاذ شريف على هذا المجهود المميز
وهو ليس بغريب عليك

وبالتوفيـــــــــــــــــــــــــــــق
***********************
( أبو منه )
الرجوع الى أعلى الصفحة اذهب الى الأسفل
محمد أبو نظارة
المدير العام
المدير العام
محمد أبو نظارة


عدد المساهمات : 1748
تاريخ التسجيل : 30/01/2010

فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 Empty
مُساهمةموضوع: رد: فؤاد حداد الاعمال الكاملة 45 قصيدة ( المسحراتى ) الجزء الاول   فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 I_icon_minitimeالأربعاء فبراير 10, 2010 2:31 pm

ياسلام عليك
انا بحب الراجل دة كتير
فكرتنى برمضان والناس الطيبين
روح يا شيخ ربنا يكرمك
خد الوردة دى منى

فؤاد حداد الاعمال الكاملة 45 قصيدة ( المسحراتى ) الجزء الاول - صفحة 2 Miscellaneous_162
الرجوع الى أعلى الصفحة اذهب الى الأسفل
 
فؤاد حداد الاعمال الكاملة 45 قصيدة ( المسحراتى ) الجزء الاول
الرجوع الى أعلى الصفحة 
صفحة 2 من اصل 3انتقل الى الصفحة : الصفحة السابقة  1, 2, 3  الصفحة التالية
 مواضيع مماثلة
-
» فؤاد حداد فى الجزء الثالث قتيل المحبة 14 قصيدة
» فؤاد حداد فى الجزء الثانى 53 قصيدة بعنوان الاراجوز
» مقتطفات من الاعمال الكاملة للشاعر إيليا أبو ماضي
» فؤاد حداد 8 قصائد الغناء
» إرشادات الحياة القصيرة - الجزء الاول

صلاحيات هذا المنتدى:لاتستطيع الرد على المواضيع في هذا المنتدى
أمواج الأندلس أمواج عربية  :: القاعة ألادبية :: * ألمسحراتى *-
انتقل الى: