أمواج الأندلس أمواج عربية
أهلا ومرحبا بك زائرنا الكريم، إذا كانت هذه زيارتك الأولى للمنتدى، يشرفنا أن تقوم بالتسجيل اذا رغبت بالمشاركة في المنتدى، أما إذا رغبت بقراءة المواضيع فتفضل بزيارة القسم الذي ترغب أدناه
عزيزى الزائر يسعدنا ان تنضم الينا وتلحق بنا
كى تفيد وتستفيد بادر بالتسجيل مع اطيب الامنيات ادارة المنتدا
ورجاء التسجيل باسماء لها دلالية الاحترام



وطن واحد هدف واحد قلب واحد قلم واحد تلك هى حقيقة أمواج الاندلس
 
أمواج الأندلسأمواج الأندلس  الرئيسيةالرئيسية  التسجيلالتسجيل  دخولدخول  مدونة أمواج صغيرةمدونة أمواج صغيرة  أضغط وادخل وابحثأضغط وادخل وابحث  

شاطر | 
 

 البوست دى لولادى ... اللى لسه مجبتهمش - انا بحب امكم (( رساله صديق ))

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
محمد أبو نظارة
المدير العام
المدير العام


عدد المساهمات : 1748
تاريخ التسجيل : 30/01/2010

مُساهمةموضوع: البوست دى لولادى ... اللى لسه مجبتهمش - انا بحب امكم (( رساله صديق ))   الثلاثاء يناير 03, 2012 9:42 pm

كتب احد أصدقائى فى مدونه خاصة به
رساله لاولادة اللى لسة مجبهمش
قال ايه
دا اللى هنعرفة حالا
Like a Star @ heaven Like a Star @ heaven Like a Star @ heaven Like a Star @ heaven

صباح الفل عليكم ....
لو فى يوم سئلتونى انا بحب امكم و لا لا ...
فردى عليكم هوه خشوا ع البلوج بتاعتى
و اقروا المقاله اللى كتبتها عنها من قبل ما اعرفها.

انا بكتبلكم من زمان
وقتها انا كنت شغال بمرتب تعبان شويه ..
بس كنت واخده بوابه لحاجه احسن (معرفش جت و لا مجتش لسه) ...
احنا تقريبا فى اخر 2011 ايام ماكان اللاب توب موجود ...
اعتقد بتفكيرنا بتاع سنة 2000 فانتم اكيد طلعتم القمر خلاص(1) Smile

انا دلوقتى لسه ماقبلتش امكم
على فكره انا بحب اقول امكم اوى (مش بيئه يعنى) - .... افتكرت اصل الحكاية.
القصه تبدأ من مسلسل اسمه How I met Your Mother



المسلسل ده كان بيتزاع فى اوائل سنة 2005 و لسه شغال
(عندى اول 6 اجزاء منه ع الهارد ... ابقوا شفوه)
قصة المسلسل عن مهندس معمارى "شوفوا الصدف"
بيحكى لولاده هوه اذاى قابل امهم ...
بس بيحكى من خلال كل واحده شافها او صاحبها او اشتغل معاها ....
القصه حلوه و كوميديه جدا و فى نفس الوقت تخلى مخك يشتغل فى حياتك.
المهم فكنا من التحليل السينمائى و نخش فى القصه.

انا لو هتكلم عن امكم ... فاانا بحبها من دلوقتى ...
. امبارح كنت بتفرج على منظر البحر فى اسبانيا و انا راجع و كان جميل اوى ...
قلت ياه لازم اجيب مراتى هنا هتحبوا اوى ... و انا لسه معرفهاش.
قاعد بتعلم طبيخ عشان اساعدها ...
بسأل صحابى المتجوزيين بيفسحوا مراتتهم ازاى عشان اسعدها
.
اتعلمت خياطه ... عشان اخيط زرار القميص لوحدى .
طول عمرى فى بيتنا انا اللى بصلح و اركب اى حاجه فى بيتنا و بيت جدودكم Smile
"اخوالى و خالتى" عشان مش عاوز امكم تحتاس فى حاجه و تشيل همها.
لما بلف اشترى حاجات ... بشوف الحاجات الحريمى عشان اعرف اجيبلها لبس منين Smile

قريت فى كل حاجه عن صحة السيدات و الحمل عشان اعرف اعمل ايه لو تعبت.
من الاخر انا بحب امكم اوى ...
بحبها عشان عارف انى هتجوزها عشان دينها "ان شاء الله"
و عارف انى هختارها احسن ام ليكم.

انا عندى عليه بنات كتير (2) ...
اللى حلوه و مدلعه نفسها بس عناديه و بتحرج الناس ..
و انا بحب الناس و بكره العند -
و عندى اللى حلوه و بيضه و شيك و طيبه جدا بس ذات ماضى -
وعندى اللى بترمى كلمه حلوه لكل واحد و لابسه استرتش و كارينا (3)

نرجع لامكم عارف انها بتحبنى اوى ..
عشان انا بخاف عليها جدا من دلوقتى.
عارف انها بتحبنى عشان هتسامحنى على غيرتى Smile
عارف انها بتحبنى عشان بحب اهلها زى ما بحبها. امكم اغلى حاجه فى حياتى.

انا مش ببص لوحده بص "مش ولا بد"
عشان مش عاوز حد يبصلها كده و عشان ربنا يرزقهانى.

انا من صغرى و انا فى ثانوى و انا بدعى بدعوه واحده فى السجود متكرره لحد دلوقتى ...
يارب الزوجه الصالحه و الذريه الصاله ...
شوفتوا انا بحبكم قد ايه : دعيت ربنا ليكم بأم كويسه و كمان ربنا يصلحكم Smile

انا بحب امكم جدا جدا ..و دايما عندى احساس بيها و كأن روحنا اتقابلت فى الجنه.
و هتجتمع تانى هناك

انا بحبها و هكتبلها شعر كل مده و اخبيه فى حته.
انا بحبها و هتلاقينى بعملها الفطار كل مده.
انا حبها لو زعلت منها مش بضرب و لا هزعق .. بس مش هكلمها.
انا بحبها و بحب كل حاجه بتحبها ....
هعمل معاها زى النبى مكان بيعمل مع السيده خديجه ...
كان بعد موتها بيكرم صحباتها - بس انا هعمل كده فى حياتها.
بحبهاا .. يعنى نبقى نازلين فرح .. هنزلها قدام الفندق و افتحلها الباب بنفسى...
بحبها و هشرب من مكان مشربت و اكل مطرح ماكلت "سُنه برده"
لما نكون بره ... هقعدها الاول Smile
الورد هيبقى رسولى ليها.

حبايب قلبى ..
حابب اعرفكم حاجه عندى انا شغال حاليا كويس ببيع افكار ..
فمن الاخر انا ممكن ابيعلكم اى فكره عاوز اقولها و ممكن تبقى اى كلام ...
لكن بجد انا فعلا بحب امكم و بتكلم من اللحظه دى انا عارف انها موجوده فى مكان ما
و بكل المواصفات اللى متخيلها بيها.
وعارف انها مستنيانى و بتدور عليه و ان شاء الله هلاقيها .....

"انا بحب امكم جدا" عشان ربنا قال :
( هُوَ الَّذِى خَلَقَكُم مِّن نَّفْسٍ وَاحِدَةٍ وَجَعَلَ مِنْهَا زَوْجَهَا لِيَسْكُنَ إِلَيْهَا )
فهيه سكنى و ونسى و اهلى و ناسى و انا بحبها.


~~~~أذكر الله~~~~



الرجوع الى أعلى الصفحة اذهب الى الأسفل
 
البوست دى لولادى ... اللى لسه مجبتهمش - انا بحب امكم (( رساله صديق ))
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أمواج الأندلس أمواج عربية  :: المنتدا العام-
انتقل الى: