وفاءعبده
موجة شرفيه
عدد المساهمات : 492
تاريخ التسجيل : 04/05/2010
 |  موضوع: بجد مش عارف يعنى اية كاس عالم  الأربعاء أغسطس 25, 2010 7:42 pm | |
| قبل مانقول اى حاجة صلو على النبى الاول بجد
شكرا على مشركتكم فى التوبيك رغم انة نازل بقائلة اكتر من ثلاثة ايام ومن
الاخر لمت زهقت
ولقيت المشاهدة كتير اوى قولت ما ابعت الرابط بتاع التوبيك
لكل اصحابى وفعلا ثلاثة دخلو راضو
بس من 33 فرند 3بس هوما الى دخلو شافو
التوبيك واتكلمو وضافو رد طب الباقى فين
اقولكم انا الباقى دخلو شافو التوبيك ومشو على طول من غير ماحد يقئفشهم قصدى من غير ما حد
مايشوفهم
يعنى بمعنى اوضح نقول الووو وندخل فى التوبيك احسن
علشان نختصر المسافة ولا ايييييييييية ارحمونا بقا مش ليكم لاء دة عنوان التوبيك
انا عارف ان بدايتها غم بس اعمل اية بينى وبينك مافيش حاجة تفرح البنى ادم  حلوة الصورة دى مش كدة تبقا اكيد اكيد اكيد فى مصر
وانا بدور على الصور فى جوجل لقيت الصور دى قعت اضحك لما بقوئى نامل من كتر الضحك
تعرفوا ان نظره الاستعلاء ومحاوله احساس الاخر انك اعلى منة والعكس ؟
يعنى
ابن الوزير يشوف ابن المحافظ ياى مش من مستوايا,وابن الدكتور يشوف ابن
المحامى ياى
مش من مستوايا اومااال المحامى ده دخل الكليه ب55% لكن الدكتور
دخلها بـ 96% والى كاتب
اللتوبيك بيبوص لى الى كاتب التوبيك يع بقا انا
ارد على التوبيك دة علشان اية انا ادخل اعاكس
احسن وابن الظابط باه يشوف كل
افراد الشعب اقل منه اوماااال مش بابا يقدر يحبس دول كلهم.....
مجمتعنا
عنده ازمه نفسيه خطيره تتمثل فى ان كل واحد يحب يشوف اللى ادامه اقل منه
ويتفنن فى
انه يحسسه بكده. نظره استعلائيه حاده ,مش فاهم وعلى ايه؟كل دة
.دحنا كلنا ابناء دول العالم
التالت وكلنا ابناء دوله ناميه ؟؟
اومال لو كنا دوله متقدمه كنا عملنا ايه,طلعنا على برج القاهره وقاعدنا نبص لبعض من فوق. ارحمونا بقا  __ لاعيبه مصر جابوا فى البرازيل 3 اجوان ودخل فيهم من الجزاير 3 اجوان
__امين نقابه الاطباء اقترح على وزير الصحه انه يخصص فندق 5 نجوم كحجر صحى لانفلوينزا
الخنازير
طب مش بدل بعزقه الفلوس دى على الفنادق, نجهز المستشفيات ونخليها مستشفيات تصلح
للاستخدام الادمى
ارحمونا بقا
وبمناسبه الانفلونزا ماشاء الله ,,الله اكبر خمسه وخميسه وصلنا ل23 ,متوفى لحد امبارح بعد
العشاء
وطبعا احب اهنيكو ان وزاره الصحه العالميه رفعت
حالة التأهب للمرحله السادسه وصنفته على انه
وباء عالمى دا غير طبعا توقعها
ان الوباء ده هيخلص على تلت الشعب المصرى ....
ياخوفى يجى اليوم ونسأل:
وين هنادى ياماى؟؟ هنادى كلها الوبا يا امنه...
ارحمونا بقا
الست فيفى عبده بتقول انها تتمنى انها تمثل حياه ساميه جمال او نعيمه عاكف..
افهم بالفاميلى سايز(حجمها العائلى ده) وسنها اللى اكل عليه الدهر وشرب, هتمثلهم ازاااااااااااى؟
__ عندنا انفلونزا طيور متوطنه وعندنا انفلونزا الخنازير ماشيه بسرعه الصاروخ وظهر على
الحدود فى ليبيا مرض الطاعون.
هو الشعب المصرى لسه عايش ليه؟
ارحمونا بقا 
__نيتنياهو قال القدس عاصمه اسرائيل الموحده,,مفيش جيش لفلسطين ومفيش سلاح,,مفيش
تفكيك مستوطنات
مفيش عوده للاجئين... ودى شروطه لقيام دوله فلسطينيه؟!!!!
هى فين باه الدوله دى اللى بيقول عليها ,,وجاى على نفسه ليه ومسميها دوله؟
ناس عجيبه وغريبه..
ارحمونا بقا 
__تم القبض على مدرس علم نفس مصور فيديوهات مش محترمه مع طالبات بيديهم دروس
خصوصه,,
انا مش هلوم ولا اعتب على المدرس ولا اقول قف للمعلم وففه التجيلا كاد المعلم ان يكون رسولا
اصل خلاص مينفعش ييتقال كده ولا هقول اخلاقيات المدرس لكن لما المدرس ده اتنقل من مدرسة
بنات بواسطة
وزاره التربيه والتعليم وراح مدرسة بنين لسوء سلوكه..
بالله عليكو تلوموا مين المدرس ولا اللى ساب المدرس..
اذا كانت الجذور بايظه مش من حقنا نحاسب الفروع,,واذا كانت الوزاره هى اللى اخطات فتتحاسب
قبل المدرس..
ناس عجيبه.
* ثانيا برضه مش هلوم المدرس لكن ممكن افهم الهوانم دول واللى اتصوروا بكامل ارادتهم
وسمحوا بده كله يحصل,, فيييييين اهلهم؟؟
ومش هتكلم عن رقابه الاهل لان عمر الرقابه والقسوه والتشديد مكانت الحل,
فين التربيه الصح اللى علموها لبناتهم؟ فين الخوف من ربنا اللى زرعوه جواهم قبل الخوف منهم؟
ربى اولادك صح وارميهم وسط النار وانت مطمن,لكن لما التربيه تكون بايطه نحاسب الاهل قبل الابن
ارحمونا بقا 
_ تلاقى واحد بيعرفك على نفسه ويقولك دا انا ,,ودى مناخيرى جايبها معايا علشان احطها فى كل امورك.
ناس عجيبه.
__مره واحدة زميلتى فى الشغل وكانت لسه جاية بقالها فتره صغيره وعلاقتنا عباره عن صباح
الخير صباح النور
لقيتها فجأه دخلة عليا وكلها ملامح الجديه على وشها وتحسوا انها هتقول حاجه خطيره جداااااا عن
مكان اسامه ابن لادن او حاجه كده,
وطبعا انا كمان اهبت نفسى انى هسمع حاجه خطيره جداااااا لقيته جيه على مكتبى
وبص كده وقال:انتا ليه مش خاطب لحد تلوقتى؟؟؟
انا يمكن مسمعتش كويس,,لالالالا دا اكيد انا مسمعتش كويس فقلت بلاش اظلمها الواحد اليومين
دول ودانه سعات بتحدف شمال
فقلتله نعم؟؟؟؟
قاليتلى يعنى انتا ابن ناس ومحترم,,,
ايه اللى يخلى واحد زيك لحد تلوقتى مش متجوز ولا حتا خاطب كان ناقص تهرشلى فى دماغى
وتقولى اعترف ليييييييييييييييييييييييه؟
طبعا انا من هول الصدمه اذ اذبهليت بس ابتسمت بكل هدوء وفى تعبير على وشى بيقول وانتى
مال اهلك ودى حاجه متخصكيش ..
وعلشان اقصر الموضوع قلت النصيب فى حاجه تانيه علشان ورايا شغل؟
بعدين عرفت ان نسبة العناسة فى مصر وصلت 35% يعنى بعد كدة البنات هوما الى هيجو يخطبو
الرجالة افرح ياض انتا وهوة هههههه
ودة مثل صغنون يقولكم الشباب بتعانى الزاى
والصراحة لما شوفت الصور دى قولت الى عملها اكيد عملها علشان احوطها فى التوبيك عندى
         
ارحمونا بقا
__مره واحده قريبتى من بعيد قابلتنى صدفه و بتقولى هاااا مفيش جديد؟؟
ال يعنى لو فى جديد هى مش هتعرف مثلا..
قولت اة فى جديد صباع رجلى اليمين شكله متغير بقاله كام يوم..
راحت بصتلى وفهمت كلامى وقالتلى طب شد حيلك عاوزين نفرح بيك باه..
افهم انا باه اييييه شدى حيلك دى؟؟اشده ازاى يعنى ؟؟ولا اعمل ايه يعنى؟
امشى ارقص فى الشارع مثلا وبكده اكون شديت حيلى..
ارحمونا بقا
نيجى على الى بعدة
دة القاعدة صباحى النهاردة الى وراة فرن عيش يقوم يجيب العيش بس يرجع تانى على طول
 طول عمرى من النوع اللى بيحب يتبع النظام يعنى تقولى سيستم انفذه,
تدينى طابور احترمه من غير مدى كوع للى جمبى ولا استعبط واقف ادام حد تقولى جربت طوابير العيش اقولكو ايون
طوابير السوبر جيت
وطول عمرى لما اكون شربت او اكلت اى حاجه لا يمكن ارمى الورقه فى الشارع
حد يقولى لية علشان هيا مش ناقصة وساخة 
ايه كله بيبصلى كده ليه؟
انا بقول الحقيقة
حتا انتم زعلتو منى
ارحمونا بقا
لا انا مش مجنون ,,محدش يبصلى كده .
المهم فى كام حاجه كده بتعصبنى فى الشارع المصرى او بتفرسنى او بتغظنى او نفسى اعرف
ليه بتحصل؟؟حاولت اعرف بس للاسف فشلت.
_ممكن افهم ليه بننشر الهدوم فى البلكونات؟؟؟؟؟
على الحبل من بره فى واجهة العماره تمشى فى الشوارع تلاقى الهدوم على
الحبال بترفرف كده
وياسلام باه لما تكون واحده كده غاويه تنشر بمزاج فتحط
القصير ادام والطويل وره, اى كل الهدوم
اللى المفروض انك بتعيش عمرك كله
تخبيها تلاقيها ماشاء الله منوره على الحبل وتتمايل وترقص
مع النسيم فى
منظر بديع,
هههههههههههه
لا بجد ليه كده؟؟
يعنى حد يفهمنى ايه الحكمه؟
مش فى منشر بيحطوه فى البلكونه عادى انشرى عليه من غير متفضحى اللى فى البيت.
ارحمونا بقا
_وياسلام باه لما تحب تسأل حد عن عنوان معين وطبعا شعب مصر كله بيفتى وعارف كل حاجه
ويقعد يوصفلك وهو اصلا مش عارف المكان فين بس بيقولك اهوة ياخود فيك صواب
_ندخل على حاجه كمان بتعصبى جداااااااااااا ومنتشره ولا انتشار تامر حسنى كده الا وهى
تلاقى واحد باشا محترم كده واقف فى الشااارع وبيعمل زى الناس..
واية بقا مش واحد بس لاء دة الشارع كلة بيلبى النداء
لما الشوارع تتحول الى تواليتات عمومى
دة بيقولك كوبرى ستة اكتوبر هيقع من كتر النشا الى اخدها
المونة تأكلت ربنا يستر بقا
ارحمونا بقا
._ تلاقى واحد بيكلم واحد صاحبه فى الشارع يابن كذا وكذا وكذا والفاظ اية عسل اخر حاجة يامعلم
ولا بيعمل حساب ان فى بنات ماشيه ولا ناس اد امه وعيب يسمعوا الكلام ده لا عادى جدا تلاقيه
منشكح وهو بيتشتم بامه وابوه.
ممكن افهم ايه الحكمه فى كده دا حتى الرسول قال فى اداب للطريق.
ارحمونا بقا
_ تلاقى شخص ماشى بياكل لب ويحط اللبايه فى بقه ويكسل يمد ايده فيمشى يتفها بمعنى تلاقى
اللب داخل بؤه
عن طريق الايد وبعدين ياكل المحتوى وتلاقى فى حجات بتطير من بؤه ترشق فى اى قفا ,
حد ماشى قدامة معدى جمبه هو وحظه بأه.
ممكن اعرف ما السر فى هذا؟
ارحمونا بقا
_فى المطره تلاقى الاخ اللى راكب عربيه
ميعملش اعتبار ان فى ناس ماشيه وان الحته دى فيها ميه لا تلاقيه ماشى بكل
سرعه وهوووووووووب ياعينى الناس تاخد دش وشكلهم يصعب عليك
والله انا مره
شفت واحده الميه جابتها من دماغها لرجليها
والتانى ولا حتى اتلفت يشوف فى ايه....
ارحمونا بقا
_ولا واحد تلاقيه حاطط ايده على كلاكس العربيه ال ايييه بينادى على واحد فى
الدور الرابع
ياباااااااااااااى بجد بتكون مستفزه جدا طب مترنله ياسيدى
على الموبايل واصلا هو لما يخلص
هينزل لسعادتك. .
ارحمونا بقا
_وناس تلاقيهم قاعدين شغالين تفعيص فى ايد بعض واسألونى انا اصلى ساكن جمب مدرسه ثانوى
وبشوف فيلم تايتانك ومذكرات مراهقه على الطبيعه.
كل يوم بصحا الساعة 7 الصبح علشان اتابع باقى الحلقات
ومش عارف لية مخلوش المدرسة الساعة 12 على الاقل الواحد يقوم مستريح ويبقا اخد راحتة
من النوم المهم
تلاقيهم قاعدين فى مكان ضلمه بيوريها ساعته وهى بتنور فى الضلمه.
ايييييييييييييييييييييييييييييييييييه ربنا يهدى.
| |
|
بندق ( عبد الرحمن )
عضو ماسى
عدد المساهمات : 612
تاريخ التسجيل : 19/12/2009
العمر : 41
| | موضوع: رد: بجد مش عارف يعنى اية كاس عالم الخميس أغسطس 26, 2010 3:36 am | |
| ايه البوست الجامد طحن دا
الظاهر انك متأثرة بفيلم احمد حلمي الجديد بس من ناحية واحده , و بتتابعي برضوا برنامج الاستاذ اللامع عمرو اديب
معاكي حق ان احنا صواميلنا محتاجه تتربط
كل واحد يربط صواميله و صوامل اللي يقدر عليه | |
|
وفاءعبده
موجة شرفيه
عدد المساهمات : 492
تاريخ التسجيل : 04/05/2010
| | موضوع: رد: بجد مش عارف يعنى اية كاس عالم السبت أغسطس 28, 2010 10:58 pm | |
| مش الصمويل بس والفرامل كمان اشكرك جداياعزيزى عبد الرحمن على كل كلامك الجميل وتعليقق دايما بيسعدنى ولك منى ارق التحيه  | |
|
أمواج الأندلس 
الرئيسية 
أحدث الصور 
التسجيل 
دخول 
افضل موقع لتعلم الجرافيك 
أضغط وادخل وابحث 
