إحم.. انت يابنى يابن ال.. هو إحنا على الهوا ولا إيه.. مش حد يقول يا جماعه لحسن يحصل معايا زى ما حصل مع أحمد رفعت.. المهم يا جماعة كان فى برنامج زمان اسمه شاهد على العصر ماعدش بييجى.. أنا معرفش ليه اختار العصر بالذات عشان يشهد عليه مع أن أغلب الماتشات بتبقى بليل وأغلب الأحداث المهمة بتبقى الصبح.. فقررت أنى أشهد على العصر وكل الأوقات التانية سواء العشا أو المغرب وحتى الظهر.. الفجر يدوبك بقوم أصليه مش فاضى أشهد على حاجة.
يلا نبدأ
أول حاجة أشهد عليها إيه؟؟ فى خبر دلوقتى بيقول تبادل القصف بين الكوريتين بس احنا مالنا.. هى دى حاجة مهمة.
نشهد على حاجة أهم.. خساره الأهلى من الإسماعيلى وفوز الزمالك وأنه متصدر وهياخد الدورى أكيد إنشاء الله وبإذن الله واستقالة الأسطورة حسام البدرى الخبر اللى أزعج كل الزملكاويه لدرجة أنهم طالبوا بتجميع مليون زملكاوى على الفيس بوك لدعم البدرى.. بس ماعتقدش هيقدروا لأن الزملكاويه أقليه معروف فى البلد وقليل جدا لما تلاقى زملكاوى وأغلبهم موجودين فى المتاحف.. خمس سنين ماخدوش إلا كاس ولسه باقى منهم أفراد والأهلوية كام شهر الأهلى فى النازل وماعدتش بشوف أهلوية خالص على الفيس بوك.. مع إن البلد 99% منها أهلويه وده ردا على كلام الدكتور إياه اللى قال إن البلد دى بلد الأهلوية وإن الزملكاوية مجرد زوار على البلد والسكان الأصليين للبلد هما الأهلويه وعشان كده الزملكاوية شايلين فى النادى يفط وصورايخ عشان ماتش القمه وأنهم بيعدوا العدة من دلوقت لماتش القمة.
فى خبر دلوقت بيقول إن الحكومة استاءت من نزول أسعار الطماطم وشعور المواطن بالراحة بعد هبوط الأسعار فقررت رفع أسعار السكر ودا اللى خلى الناخبين يوزعوا سكر بعد ما كانوا بيوزعوا طماطم بس إحنا مالنا هى دى حاجة مهمة؟!..
ودى نهاية الجزء الأول من شهادتى مارضيتش أطول عشان "اليوم السابع" مخنق علينا 400 كلمة بس.. تقولش سكر ولا طماطم، وبعدين أنا هعد الكلام ولا إيه؟..
طب "حتى" بتتحسب كلمة ولا نص؟
أمواج الأندلس 
الرئيسية 
أحدث الصور 
التسجيل 
دخول 
افضل موقع لتعلم الجرافيك 
أضغط وادخل وابحث 
موضوع: شاهد على العصر والظهر والعشا والمغرب.. الفجر بكون نايم / قلم محمود الفقى 
السبت ديسمبر 04, 2010 10:28 pm
