مش مهم بس نعيش // خواطر ساخرة قلم شريف الحكيم

قالولى قول
اكل اللحمة
طعمه لذيذ
انا قلت سهلة
لحمة .. عضمة مش مهم
بس نعيش

**
رجعو وقالو
قول الضلمة زى الفل
انا قلت يااااااه
الضلمة عارفها
لونها كحلى
اما الفل مش مهم
بس نعيش

**
رجعو وقالو
قول المشى احسن م الركايب
انا قلت طيب
امشى خطوة وكمان خطوة
وابقا فى حالى
ومش مديون
مش مهم
بس نعيش

**
ضحكو وقالو
قول الدنيا سهلة جميلة
انا قلت ومالو
حتى وكانت
أيدها طويلة
ولسعة شمس
من غير ضليلة
مش مهم
بس نعيش

**
يا حياة
امرك عجب
عامله زى الصيام فى رجب
طاعمك حلو
واخرة مرار
يغور الليل
ويجى نهار
ونرجع تانى
من المشوار
وبكرة يفوت
لليوم التانى
وارجع اقول
مش مهم بس نعيش

/ شريف الحكيم /

قالوا تعالى نلف الدنيا
قلت وماله بس الدنيا كبيرة شويه
قالوا وماله نمشى ونجرى ونعرق
نعطش نشرب ماء بالملح
مش مهم بس نعيش
قلت انا فين من الدنيا يا عالم
قالوا مش مهم
المهم بس نعيش

مش مهم بس نعيش // خواطر ساخرة قلم شريف الحكيم 32117_1461548023243_1369725630_1227956_8248017_n

قالولى قول
حلوة الحياة
أنا قلت أهــــــ
قالولى لا
أنطقها تانى
انا قلت يااااااااه
حلوة الحياة
حتى أن كانت
حلم وجرح
والف أهـــ
يا حياة
ياالذ دنيا
ياللى فيكى
الحر جنة
ضل شجرة
او خيال
مش مهم بس نعيش
* شريف الحكيم *

Like a Star @ heaven

مش مهم بس نعيش // خواطر ساخرة قلم شريف الحكيم Images?q=tbn:ANd9GcQb4ui8fjLdqtpvGJDWwgV2G5ghsZPPTrz7a1QgfR_yg9kM5Qh5YQ

قالولى قول
لو تنضرب بالف كف
قول تانى
رديت وقلت
تااااااااااااانى
طعم الضرب أف
مش مهم
لو انضرب جوه الحياة
بالف قدم والف كف
يادنيا فيكى العجب
ضرب وأهانه أحلى
من العدل والأمانة

****
ضحكو وقالو
قول طعم الظلم جميل وخفيف
رديت وقلت
اكيد أحلى من العنب
او من البطيخ
يا حياة
يا الذ دايرة
ياللى زى القرعة حلوة
قرع العسل او كوسه خضرة
نشرب حنضل او ناكل ضرب
مش مهم
متعودين
لجل نعيش
***
* شريف الحكيم *

» سكوت سكوت سكوت // خواطر شريف الحكيم
» مساميـــــــــــــــر شريف الحكيم
» أة يا أنا شريف الحكيم
» من أجل روح الحبيب شريف الحكيم
» لا للطائفية صور (( شريف الحكيم ))

قلم شريف الحكيم

اهلا بكم
جميعنا شاهد وتابع بقلق ما حدث فى منتجع سياحى فى تونس ومن قبله حادث المتحف
وكلا المشهدين واحد فالجناة سارو وعبرو ابواب وطرقات دون ان يستوقفهم احد او يشاهدهم احد …

[ قراءة كاملة ]

صباح الخير يا وطن

ان الله جميل يحب كل جميل

ان ظاهرة التحرش التى نسمع بها او نشاهدها هى ناتج طبيعى لانحطاط فى الاخلاق والسلوك يعيش معنا ونتعلمه ونشاهدة كل لحظة فى كل فلم ومسلسل واعلان وعناء نشاهدة ونسمعة وتنتقل عدواه …

[ قراءة كاملة ]