أمواج صغيرة لشريف الحكيم

الكلمة خارجه من لسان الناس كرباج بيلسعني
ومفيش غير ربنا هو اللي ينفعني
عدت سنين من عمري ياما والدنيا خداعه
ان الآوان اشكي لربي وربي هيسمعني

أحب أصاحب كتير رجالة أو ستات
واود الكتير من غير لا خد و لا هات .
لقيت حبايب كتير بادلونى حب بحب
و عرفت إن الجفا يملا القلوب آفات
عحبى

بتدب ليه بالقدم على سطح البسيطة ؟ !
ماشى و لامم شلتك عامل فى الطريق زيطة
دا اللى يغره شبابه يا فتى
أهبل و أفكاره عبيطة .
عجبى

فيه ناس كتير مايساووش فى سعرهم مليم
نمام و قاطع رحم كداب و أصله لئيم
و اللى ينافق و يحقد قلبه لونه غطيس
يتمنى المصايب لغيره و يزول معاها النعيم

يا شاكيين للبحر خُـدّو شكوة من قلبي
يا دنيا يا احلام غُـلبك شـَبه غُـلبي
يا راكبين البحر بتحربو لية الموج
دا البحر يبقى أحَـن لو الحياه عوج

يا طير رايح لبعيد أمانه ودعني .
لو خدتنى وياك أنا مين يرجعنى

يا هامسين للبحر خلوة يسمعنى
لو يفارقني الح بقى دا كلام يعني

دا البحر موجة
وقلوبنا مركب ورق متحيرة من غير شراع

ليــــــــــــــــــــــــــــــــة
مسكونه ياسكتى غيلان
وبوم متقيدة
وماعدش ليه حواليا نور
محاوطنى ليه يا ألم بسور
مابقيتش ليه فرحان وسعيد
وعشقت ليه صمت الكلام
وسكنت فيها ف وحدتى مع غنوتى
الغنوة شايله شكوتى
لكنها بتزوم كريح جريح
نواح ياصوت اغنيتى
على الى راح
ولا على لون كلمتى
وليه مرافقنى ف سكتى؟
ياشوق ضنايا.....!
الحزن كسر قوتى
ومافيش معايا
غير خطوة ماشية للنهاية

يا ال عزيزة سايبانى ليه
أة لو تعرفى
متكبلة فيا المعانى اد ايه
مابقولش ليه
ماعدش فيه جوة صدرى غير سؤال
مين الى يقدر يقولى
ليــــــــــــــــه

اة منك يا زمن
فيك الحكيم أتهـان

والخسيس بقى له تمن
ما هي البشر اتمان

ما أحنا خلاص في زمن
الكذب هو الصدق
وضميرنا فيه انعجن
وخلاص بقينا كدة
كدبة وممدودة

معرفشي انة كمان
كلمه في حدوته
ملحقش حتى كمان
يعد في حروفها
ونسي انه كمان
انفاسه معدوده

الدنيا طول عمرها خاينه
تسرق حياته وعمره
ما هي ديه الحياه
تلهيك بمشاغلها
وفجأه تخلص منك
ما اسمها الفانيه

يالى ميــت بالحيا بكره تتمنى الموت
جو تابوتى قصايد وبحفر بازميلى
فوق جدران اليل قصيده
يمكن تــكون عايش
ويمكــن تموت زى ماكتير بيموت
جيلك من البلاد التى من طميها شكلى
لو كنت شاعر او صعلوك
بكرة كلامك يموت
وتموت معا كل المواويل الى كانت على وش الفجر بتنولد
صعلوك بيموت وحجات كتير بترفض تموت

حبة امل
فوق رصيف الأماني
الناس نيام
معذرورين
سهارى ف ليل طويل
بيشحتوا لحظة فرح
اشياء كتيرة مسرعة
في الحلم الحزين
بتجري ورا بعضها
وقد ايه احلام كتيرة بتتقتل
جوة الزمن

صحيت لوحدى
التمس لحظة أمل
يملانى نور الحقيقة المؤلمة

والناس نيام
اصرخ لوحدى في الفضا
يرتد جوايا صوتى
ويضيع الصدا
واسمعنى اقول
مانتش لوحدك
مدام معاك
حبة امل

وأة منك يا زمن
عجيب وأمرك عجب
فى الدنيا دى ناس
بالبهجة مليانة
و ناس كتير
فى الهم غرقانة
حتقول لى ليه ؟
رزق و قدر مقسوم
حكمة من ربنا
و الناس و لا دريانة
واة منك يا زمن
عجيب وأمرك عجب

نجمة من السما طلت عليا و قالت
إرضى ببختك يا بشر ولو الحظوظ مالت
دا البخت قسمة ورب الكون قَـدَرها
و الأرض تحتك يا ما حطت و شالت
عجبى

اة يا انسان
شوف النجوم فى السما مين اللى نجّمهــا
للشمس مدارات وللقمر مين اللى قسمها ؟
و انت كمان يا بشر مين اللى سوى بنانك ؟
إلحق و توب و اتعظ و النفس قـوّمهــا
وفوق يا انسان

لو إنك زرعت الأرض
بالخير لوجه الله ..
مطلبتش ثواب من بشر
أبدا يا عبد الله ..
و لا منظرة و لا فشخرة
و لا أى شئ تانى ..
يبقى ثوابك مغفرة
و رضا و حب الله .

ان حبك مثل الغزو القادم نحوى

فيهزمنى

ثم يأسرنى

ثم يستولى على كل ما املك من مشاعر واحساس

/ شريف الحكيم /

يحاط بى الألم من كل أتجاه وأعلم أنه البلاء

وكم من بلاء بداخله رحمة

ف يا ربى هل لى منك رجاء

/ شريف الحكيم /

أمواج صغيرة لشريف الحكيم - صفحة 8 Ship10

بحار

ساير مع الصارى سيرا ونجم الشمال

يهدىنى نورة لبرك

اشعر بالراحة والامان

بحار

م و د تى شريف الحكيم

عندما تنهار الجبال بفعل البراكين والزلازل
حينها فقط تختلط وتصبح كيان واحد
فمن ذا الذى يقول بعد الان
ان الرجال وحدها تلتقى والجبال لا تلتقى
شريف الحكيم

هل نستطيع

ان نجمع تلك الذكريات المؤلمة

ونضعها فى صندوق

ونلقيها فى بحر من النسيان

شريف الحكيم

عندما نلمس بداخلنا ذكرياتنا القديمة
فقط نستطيع ان نمسك القلم ونكتب عنها
دون ان نتألم منها مرة اخرى ودون حقد ودون جنون
هل نستطيع
شريف الحكيم

فى بعض البلدان تقدم القهوة بدون قطعة سكر
وفى بلدان اخرى تقدم القهوة معها قطعة سكر
وكذلك توضع الذكريات بداخلنا
وفى ذكرياتى - انتى دائما قطعة سكر
شريف الحكيم

أمواج صغيرة لشريف الحكيم - صفحة 8 13728940_10210084029481818_4408714946592082532_n

فى مدن كثيرة اجد فيها ما يشبهك ولا يشبهنى
وفى مدن اخرى اجد فيها ما يشبهنى ولا يشبهك
ولكنى بذكرياتى ارحل معكى الى مدينة اخرى
لعلى اجد فيها ما يشبهنى ويشبهك
شريف الحكيم

أمواج صغيرة لشريف الحكيم - صفحة 8 13775427_10210084127164260_8888474255606502421_n

انا اللى الموجة لفت بيا ميت مينا ولا رسيت
لحد الموجة ما نسيت اسامينا

يأم الهلال

يأم الحلق

نورك لا عدى ولا برق

واللى اترسم وانكنب

جوا القلووووووب وقتها

نبض الحقيقة اللى اتحرق

-----

شريف

» مشتاقين / لشريف الحكيم
» أمواج إيمانية بعنوان يـــــــارب لشريف الحكيم
» فى حب مصر لشريف الحكيم
» جراند كافى (( رسائل صغيرة )) شريف الحكيم
» حلم اخر حلم جديد لشريف الحكيم

قلم شريف الحكيم

اهلا بكم
جميعنا شاهد وتابع بقلق ما حدث فى منتجع سياحى فى تونس ومن قبله حادث المتحف
وكلا المشهدين واحد فالجناة سارو وعبرو ابواب وطرقات دون ان يستوقفهم احد او يشاهدهم احد …

[ قراءة كاملة ]

صباح الخير يا وطن

ان الله جميل يحب كل جميل

ان ظاهرة التحرش التى نسمع بها او نشاهدها هى ناتج طبيعى لانحطاط فى الاخلاق والسلوك يعيش معنا ونتعلمه ونشاهدة كل لحظة فى كل فلم ومسلسل واعلان وعناء نشاهدة ونسمعة وتنتقل عدواه …

[ قراءة كاملة ]