رباعيات أمل وأهات

عصفورة غنت على الشجر نجواها

وكل من سمعها انبسط بغناها

كانت بتشكي من قلوب البشر

ومحدش م البشر فاهم لغاها

بقلمي

إسماعيل الطواب

( أبو منه )

يا وردة نابتة في أوانها وأرضها

ولا حد يوم شمها ولاحد يوم حسها

العيب فيكي ولا في تراب الوطــــن

قدر القلوب الطيبة متلاقي حد يضمها

بقلمي

إسماعيل الطواب

( أبو منه )

ست البنات في عنيها ضحكة الملك

تنشر عبيرها تكسر في قلبي كل أه

وفي عز الشدة لما تقولي انا ملك

ألاقي نفسي راجع أحضن الحياة

إهداء إلى بنتي ( ملك )

بقلمي

إسماعيل الطواب

( أبو منه )

وردة وطالة من بين الصخور

طالعة تعافر متشعبطه ف النور

وجدورها شداها لطين الأرض

وفروعها حالفة لازم تعدى السور

بقلمي

إسماعيل الطواب

( أبو منه )

بحلم إني طــــير وحيد فـي الفضا ســبح

بنادي محدش سامعنــي وصوتــي أتنبح

سمعوني صيادين أتنفــسوا على صـيدي

يا مــين يصحـيني أوام قــبل مـا انـدبـح ؟!

بقلمي

إسماعيل الطواب

( أبو منه )

يا زهرة شاهدة بحسنها ع الجمال

الحرف من شعرك بيلمس كل قلب

أنا نفسي أسأل باسمك للناس سؤال

ليه تملي غاوين نقطف ورود الحب ؟!!

بقلمي

إسماعيل الطواب

( أبو منه )

مع كل لحن جميل نقول وراه الله

مع كل ضحكة حرف تدب فينا حياة

قلمنا بيضحك وفيه الألم مكتوم

طول عمر قلمنا بيسعدنا ولو ببكاه

بقلمي

إسماعيل الطواب

( أبو منه )

أه يا ليالي الألم فيكي الأمل مدبوح

مستني ضي الفجر يرد فيا الروح

وما بين طوفان الظلام واليأس

يمكن شعاع الأمل يكون سفينة نوح

بقلمي

إسماعيل الطواب

(أبو منه )

أه م الفكر لما يشغل بالهموم بالي

تبلي الفرحة ويبقى الحزن ما بالي

كل اما افتل لي م السعادة حبل

بيجي الهم ويغزل حبله بحبالي

بقلمي

إسماعيل الطواب

(أبو منه )

نايم يا صاحبي وعيون الفكر مش نايمه

في ضحكت ماتت ودمعه ماهيش دايمه

وخوفي في ليلة أنام وأصحى ألاقيني

وسط الخلايق وقيامه بالحساب قايمه

بقلمي

إسماعيل الطواب

(أبو منه )

يا غربة إمتى تحسي قلوبنا مشتاقة

قلبي عمره قوي وع البعد ملوش طاقة

لو لحظة لقى ما بين حنايا الحنين

تنصف قلوبنا وتفتح للأمل طاقة

بقلمي

إسماعيل الطواب

(أبو منه )

إن كان حبيبي ومنديله وإيه يعني

يحس بيا ويفهم اللي واجعني

دا يوم ما يبقى لي حبيب صافي

يديني فرح يخلي الدنيا ما تسعني

بقلمي

إسماعيل الطواب

(أبو منه )

يا نسمه مرت في خريف العمر بتهفهف

كان فين عبيرك لما الحس كان مرهف

اه لو ياخدو سنين الحزن من عمري

لأرجع طفل وأحلامي في الفضا ترفرف

بقلمي

إسماعيل الطواب

(أبو منه )

اَه يا صديقي وألف اَه

من لحظات الوداع وما تلاه

اليوم رجعت وأنا لا أدري

أينا مات وأينا كُتبت له حياه

الله يرحمك يا صديقي

بقلمي
إسماعيل الطواب
(أبو منه )

سيف أُخرج من غمده

ليمزق أفكاريا

وسهم أطلق في قلبي

وما أظنه ناجيا

الله يرحمك يا صديقي

بقلمي
إسماعيل الطواب

(أبو منه )

أصعب شيء في الفراق بيوجع

إن اللي راح لا يمكن يرجع

والحنين والإشتياق من غير أمل

في القلب نار تأكل ما تشبع

الله يرحمك يا صديقي

بقلمي
إسماعيل الطواب

(أبو منه )

الظلم في قلب البلد سايق دلاله

وقلبي جوا قلب البلد موجوع

ضحكوا علينا يا بلد لما قالوا

محدش فيكي راح يموت م الجوع

بقلمي
إسماعيل الطواب

(أبو منه )

اه يا بلد فيكي الأمل مقتول

والجهل فيكي مع الفساد مفتول

اناديكي في عز الشدة تنسيني

تناديني ألبي الندا علطول

بقلمي
إسماعيل الطواب

(أبو منه )

نُلاقي الناسَ والوجهُ مبتســم

والقلبُ بلهيبِ الحـزنِ يتـــقدُ

ولسناَ نبوح لمشفقِ أو شامتِ

ولكنا نشكو إلىّ اللهِ ما نـجــدُ

بقلمي
إسماعيل الطواب

(أبو منه )

» رباعيات الاندلس لشريف الحكيم
» رباعيات فى الحب // أيمن يحيى
» رباعيات الخيام كاملة باللغة العربية
» رباعيات صلاح جاهين كاملة ( عجبى ) شريف الحكيم
» رباعيات صلاح جاهين بصوت سيد مكاوى وعلى الحجار

قلم شريف الحكيم

اهلا بكم
جميعنا شاهد وتابع بقلق ما حدث فى منتجع سياحى فى تونس ومن قبله حادث المتحف
وكلا المشهدين واحد فالجناة سارو وعبرو ابواب وطرقات دون ان يستوقفهم احد او يشاهدهم احد …

[ قراءة كاملة ]

صباح الخير يا وطن

ان الله جميل يحب كل جميل

ان ظاهرة التحرش التى نسمع بها او نشاهدها هى ناتج طبيعى لانحطاط فى الاخلاق والسلوك يعيش معنا ونتعلمه ونشاهدة كل لحظة فى كل فلم ومسلسل واعلان وعناء نشاهدة ونسمعة وتنتقل عدواه …

[ قراءة كاملة ]