قصة بنت كارهه انها تكون بنت

دي البدايه مع الحقد
والغل ال جواهم

قد رأيت الكثير من البنات المعقدات أمثالهن:
واحدة متعقدة لأنهاسمراء وعايزة تكون بيضة وماتفرقش
معاهاإذاكانت(مسلوقةأومقلية

)، واحدة
متعقدةلأنها تخينة أوي مما يسبب لهاالكثيرمن المعاكسات (من شلة الفيلة)
بحديقة الحيوان،وأخري متعقدة لأنها رفيعة جدا وساعات أبوها يدقها في
الحيط(لما يتعذر في مسمار)وتلك متعقدة لأنها طويلة أوي وزهقت من
كلمة(الطول هيبة)،بينما أختها تتهمها دائما أنها أخذت حقها الساقي
فأخذت(رجلها ورجل غيرها ونصبت عليهن جميعًا)،أما أنا فعقدتي الأساسية تتلخص
في كلمة واحدة هي كوني ......

بــــنـــــــتـــــــــــــًا

وهذه الكلمة كرهتها منذ صغري ..كرهتها كره العمى..فأخي مميز عني في كل
شيء...... يخرج مع أصحابه من الصبح لحد الفجر يوميا..

أما أنا .. فغير مسموح لي بالخروج سوي مرة واحدة أسبوعيا من 5 العصر لـ
5.15 العصر برضه..وده كله ليه؟

• عشان أنتِ بـــنــــت ..

• وفيها إيه؟؟......

والجواب طبعا ما أقولوكوش عليه..ثلاث كلمات من القائد الأعلى للقوات
المنزلية لبيتنا..أعني بالطبع بابا :

(كـــده..خـــلاص..انــتـهـيـنا)

***********************

ما أنكرش أني باخد مصروف(عيب أوي أقول كام..وبلاش إحراج)إنما هو ياخد في
الخروجة الواحدة مالا يقل عن عشرين جنيه لزوم الفسح والبغددة والصهللة
والذي منه..ليـــــــــــه؟؟

• لأنه شــــاب وأنتِ بـــنـــت ..هو بيخرج أنتِ لأ........

• طاب أخرج؟؟

• لأ.......

• ليــه يا بابا؟؟

• علشان أنتِ بـــنـــت.......

• وفيها إيـــه؟؟؟؟

• المفروض ماحدش يشوف ضافرك إلا جوزك

وطبعًا كان من الطبيعي جدًا إني أحلم بهذا الجوز اللي حيطلعني للدنيا
إنشاالله حتى يكون جوز شرابات..أو حتى جوز الهند..أهو جوز والسلام..المهم
إنه حيطلعني للدنيا..

ويا حسرتي لما جه.............

- ماتقعدوش لوحدكم.....

* ليــه بقه هو مش خطيبي؟؟

- برضه......

* طاب نخرج سوا !! .....

- لأ.....

* طاب تيجوا معانا؟؟؟ .....

- لأ.....

* ليــــــــــــه؟؟....

- عشان يحس بقيمتك ياعبيطه ....

* قيمة مين بس هو حيتجوز السفيرة شلبيه

وعلي الجانب الأخر كان من حق البيه أخويا إنه يخرج مع مليون بنت..ويتمشوا
سوي علي الكورنيش..ويدخلوا سينمات..ويأكلوا جيلاتي وشيكولاتات..في الوقت
اللي أقشر فيه أنا البطاطس وأمع البامية وأحمر طعميات...وده طبعًا لأنه
ولــــــد.. وأنا .. بـــــــــنـــــــــت

************************** ***********

ويحين الآن التحدث عن الطامة الكبرى **الموبــــــايــــــــــل**..ففي الحين الذي بدل فيه البيه أخويا عشروميت موبايل(وهذا
طبعاً لطبيعته الخارقة هي كونه ولدًا)كان محرم عليا مجرد التفكير أو الحلم
بلمسه ..ودي طبعًا مش تفرقةعنصرية أو نوعية "لاسمح الله"،لكن كل المشكلة
تكمن في كونه ولــــــد .. ولــــــد .. ولــــــد

وبسبب ذلك فكرت في اتخاذ قرار مصيري ..وحازم ..وحاتم.. وبسيوني..
ومتولي…………

قررت أن أجعل جميــــــــــــع من في المنزل يقلقوا عليا
شويـــــة...........

ذهبت ذات يوما للكوافير وطلبت منه حلق شعري كي أستطيع أن أضع قليل من
الجيل..وأسرحه سبايكي مثل ديفيد بيكهام..ذهبت بعدها لمحل ملابس رجالي
..لأشتري 5 بنطلونات رجالي..و3قمصان رجالي ..وجزمه رجالي..وعطر رجالي..وكله
رجالي*رجالي..........

و ذهبت إلي المنزل.........................

دخلت علي أمي التي بدورها لم تتعرفني مطلقا وظنت أني حرامي مجوهرات أو
حرامي فراخ أو حتى حرامي حلة أهو حرامي والسلام... وكادت أن تصرخ لو لا أن
تكتمت صوتها بأصابعي وهمست لها : ده أنا..

وكانت المفاجأة حين سمعت صوتي،حيث تميزته بصعوبة من بين شفتاي…

..وفي المــســــــــاء.....

دخلوا علي جميعًا غرفتي..ورأوا مالم يسرهم تقريبًا لأنهم.......

............... سقطوا جميعًا مغشيا عليهم.............

كانت جدران غرفتي مغطاة بصور لبـــنــــات..جميلات .. حلوات .. أمورات ..
شقراوات .. وسمراوات .. مش لابسات ولا حاجات......وبجانب كل صورة كتب علي
الحائط وبالبنط العريض................

أنـــا
ولـــــــد ..

أنـــا ولــــــــد ..

أنـــا ولـــــــــــد..

ودي طبعا النهايه ليهم

الجنــــــــان

» في الأمم المتحدة اليوم.. الدولة الفلسطينية تكون أو لا تكون
» مسرحية - انها حقا عائلة محترمة
» عاجل ... الجزيرة تنشر صورة تدعي انها لسيدنا عمر بن الخطاب
» اسرائيل تقول انها تسعى للمساعدة الامريكية في حماية سفارتها بالقاهرة
» لا يهم من تكون...؟؟؟

قلم شريف الحكيم

اهلا بكم
جميعنا شاهد وتابع بقلق ما حدث فى منتجع سياحى فى تونس ومن قبله حادث المتحف
وكلا المشهدين واحد فالجناة سارو وعبرو ابواب وطرقات دون ان يستوقفهم احد او يشاهدهم احد …

[ قراءة كاملة ]

صباح الخير يا وطن

ان الله جميل يحب كل جميل

ان ظاهرة التحرش التى نسمع بها او نشاهدها هى ناتج طبيعى لانحطاط فى الاخلاق والسلوك يعيش معنا ونتعلمه ونشاهدة كل لحظة فى كل فلم ومسلسل واعلان وعناء نشاهدة ونسمعة وتنتقل عدواه …

[ قراءة كاملة ]