أمواج الأندلس أمواج عربية
أهلا ومرحبا بك زائرنا الكريم، إذا كانت هذه زيارتك الأولى للمنتدى، يشرفنا أن تقوم بالتسجيل اذا رغبت بالمشاركة في المنتدى، أما إذا رغبت بقراءة المواضيع فتفضل بزيارة القسم الذي ترغب أدناه
عزيزى الزائر يسعدنا ان تنضم الينا وتلحق بنا
كى تفيد وتستفيد بادر بالتسجيل مع اطيب الامنيات ادارة المنتدا
ورجاء التسجيل باسماء لها دلالية الاحترام

أمواج الأندلس أمواج عربية
أهلا ومرحبا بك زائرنا الكريم، إذا كانت هذه زيارتك الأولى للمنتدى، يشرفنا أن تقوم بالتسجيل اذا رغبت بالمشاركة في المنتدى، أما إذا رغبت بقراءة المواضيع فتفضل بزيارة القسم الذي ترغب أدناه
عزيزى الزائر يسعدنا ان تنضم الينا وتلحق بنا
كى تفيد وتستفيد بادر بالتسجيل مع اطيب الامنيات ادارة المنتدا
ورجاء التسجيل باسماء لها دلالية الاحترام

أمواج الأندلس أمواج عربية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


وطن واحد هدف واحد قلب واحد قلم واحد تلك هى حقيقة أمواج الاندلس
 
أمواج الأندلسأمواج الأندلس  الرئيسيةالرئيسية  أحدث الصورأحدث الصور  التسجيلالتسجيل  دخولدخول  افضل موقع لتعلم الجرافيكافضل موقع لتعلم الجرافيك  أضغط وادخل وابحثأضغط وادخل وابحث  

 

 فؤاد حداد فى الجزء الثانى 53 قصيدة بعنوان الاراجوز

اذهب الى الأسفل 
2 مشترك
انتقل الى الصفحة : الصفحة السابقة  1, 2, 3  الصفحة التالية
كاتب الموضوعرسالة
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد فى الجزء الثانى 53 قصيدة بعنوان الاراجوز - صفحة 2 Empty
مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   فؤاد حداد فى الجزء الثانى 53 قصيدة بعنوان الاراجوز - صفحة 2 I_icon_minitimeالأربعاء فبراير 10, 2010 11:39 pm

على قلبها لطولون
منظر غنائي راقص في حفله سواريه

خا : الخديوي اسماعيل
دس : دي ليسبس
ب.أ : بطانه أوروبيه
ف.م : الشمس الفصيحه المتكلمه بلسان ولاد العرب
=================
خا : ??لس مازوركا
مش ألاتوركا
مش ألا بلدي إمنع جهلاً
كل حاجات أفرنجي أحسن
إلا الشمس و إلا السَمْنَه
دق مايسترو سلام عظمنا
مين في الدنيا خديوي مثلي
عندي مهندس بيهندس لي
أشُق الترعه و اعلّي القصر

و هُبّه هُبّه هُبّه
تصبح مصر
قطعه من أوربا

اطبخ جاريه كلّف سيدي
طبق السلطه بألف مجيدي
يحيا خديوي تسلم إيدي

ب.أ: يحيا خديوي تسلم إيدُه
دو ري مي فا سو لا سي دو

خا : دو ري مي فا سو لا سي دو
أمد دراعي ألفّ الخصر

و هُبّه هُبّه هُبّه
تصبح مصر
قطعه من أوربا

ف .م : إسمع يا اسماعيل
راح تسمع يا اسماعيل
و الا السمع تقيل
و الاّ في ودنك رطان
و في عينك زغاليل

خا : جايين منين هنا
و أنا قاطع سبيل

ف.م : جايين من الزمان
و من الليل الطويل
و العزق في الغيطان
و الطبخ و الغسيل
من ساعة الأدان
عتاله و تراحيل
و انت على الأريكه
قاعد مع الشريكه
دلوني على الفاوريكه
اللي تبيع الشخاليل

خا : ليه ؟ هو أنا صغير
دا أنا فوق المُهر دار
و ضيوفي ناس كبار
نابليون التالت
الدنيا عنُّه قالت
ماهر باهر جبّار
ما قدرش بنفسه يجيني
قام بعت لي الست أوجيني
و كان رقيق الاعتذار

ف.م : و رميت مليون جنيه
علشان سواد عينيه
يا رقيق الاعتذار
و كمان ف.م و رميت مليون جنيه
علشان سواد عينيه
يا رقيق الاعتذار

خا : دا جد و مش هزار
دول ناس كبار كبار
من كل دوله بعثه
عظيمة الاعتبار
امبراطور النمسا
فرانسوا جوزيف
من كل دوله ضيف
له رُتبه و عنده سيف
قيصر روسيا بعت لي
جنراله أجناتيف
و دا سير إليوت
ب.أ : أتَيْنَا
من العُظمى بريطانيا

خا : شقيق ملك هولندا
و في دراعه الأميره
عقيلة حضرته
الليل أصبح نهار
بشموع الجُلِّنار
دول ناس كبار كبار
و أساتذه في العمار
مهندسين أبار
عَرَّفْهُم يا نوبار
على دي لسيبس المهندس
دس : من ألبون دي شوسيه
بارلي فو فرانسيه
ف.م : ساقط في الهندسه
و ناجح في الفشار
و عامل مستشار
و قاتل من ولادنا
و ناهب من بلادنا
و مقاسم دكاكيني
المقاول سكاكيني
و احنا تحت الحمايل
نزحف و الظل مايل
لآخر النهار
خا : ما اسمحشي تشتموا
رجال دِوَل عظيمه
عامل لهم وليمه
و افوز بالافتخار
دول أباطره
و دول دكاتره
و دول قناصل
ف.م : يا اسماعيل أيوه الاباطره
و الدكاتره
و السماسره
و القناصل
اللي ماليين الحواصل بالرِبَا
دول حدادي و اغربه
دول ايديهم زاحفه زي الاخطبوط
ع القنال و البحر الأبيض و الشطوط
دول عينيهم شايله ديل العقربه
دول جِبلاّت السياسه و الصالون
دول وحوش تحت القميص و البنطلون
ياكلوا بالمليون يتيم في المأدبه

موال :
بعت البلد للأجانب يا اسماعيل باشا
و عيّنوك شيخ خفر
لمّا القنال انحفر
و كان مناب النفر أقل من ملاليم
و كل مغرب تعاسه و كل فجر أليم
دُسْت العرق والشقا
و رميتنا عظم و نقا
و قعدت ويّا الديابه تنهش المظاليم

خا : أنا اسماعيل باشا أفندينا
عقلي مدينه معلقه الزينه
منوّره بر شرقي
أبناء لذينا لا تقاوحوا معايا
في ثانيه واحده أطوّق كل البلد
شعب وَلََد
اللي ينطق ينجَلَد !
ف.م : حيلك
فوق لنفسك يا اسماعيل باشا
شوف اللي بيكلموك
ياما تاووا قبل منك ملوك
شبّحه زيّك شمحطيه و هبّاشه
حتروح من الشعب فين
إلا تروح بكره لاسطنبول
و احنا نتملك هنا على طول
على قلبها لطولون احنا

نشيد الختام : على قلبها لطولون احنا
و لو ضربتنا بالنبوت
و لو منعت علينا القوت
شوف العجيبه يوماتي نموت
و نص شقّه تصلحنا

على قلبها لطولون احنا

شوف العجيبه نقيم الدار
و نسقي ميّه و نوقد نار
و ان كنا ليل أولادنا نهار
بكره تنوّر ملامحنا

على قلبها لطولون احنا

ان كنا ليل أولادنا نجوم
من أرض مصر لا بد يقوم
أمير يحامي عن المظلوم
كل القلوع تجري في ريحنا

على قلبها لطولون احنا
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد فى الجزء الثانى 53 قصيدة بعنوان الاراجوز - صفحة 2 Empty
مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   فؤاد حداد فى الجزء الثانى 53 قصيدة بعنوان الاراجوز - صفحة 2 I_icon_minitimeالأربعاء فبراير 10, 2010 11:42 pm

الكحل من العيون
يا ناس قولوا حرامي
يا ناس قولوا بريء
يا ناس شوفوا غرامي
النور فوق الطريق
و الكحل من العيون

أم السبع ضفاير
نازلين من السما
حسِّي من الصبح داير
على أعتابها ارتمى
ريح القلب اللي دايب
نوّارة الحبايب
زغرودة البراءه
على باب المحكمه

يا ناس قولوا حرامي
يا ناس قولوا بريء
يا ناس شوفوا غرامي
النور فوق الطريق
و الكحل من العيون

أم السبع ضفاير
و جناين أُبَّهه
و النخله و المناره
فرحانه بقُرْبَهَا
و الطير في قلبي ناقش
حدوته من الغوايش
دليل على إني عايش
و مت في حُبَّها

يا ناس قولوا حرامي
يا ناس قولوا بريء
يا ناس شوفوا غرامي
النور فوق الطريق
و الكحل من العيون

يا أم السبع ضفاير
عرايس الفرح
و النور أقرب و أعلى
من زغلول البلح
و الشمس في العلالي
منوّره الليالي
سَبَعْةِ ايّام تلالي
يا ناس شوفوا الدلع

يا ناس قولوا حرامي
يا ناس قولوا بريء
يا ناس شوفوا غرامي
النور فوق الطريق
و الكحل من العيون
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد فى الجزء الثانى 53 قصيدة بعنوان الاراجوز - صفحة 2 Empty
مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   فؤاد حداد فى الجزء الثانى 53 قصيدة بعنوان الاراجوز - صفحة 2 I_icon_minitimeالأربعاء فبراير 10, 2010 11:44 pm

الفنّ
الفنّ مَمْلَكَه
يا اهل الله و صَعْلكه
دا السما والأرض
الطول و العرض
الكلّ البعض
بدِقه و لَكْلَكَه
الفنّ مَمْلَكَه
يا اهل الله
يا اهل الله و صَعْلكه

دا سلامي و الاّ حََرْبي
دا كاري و الاّ كربي
النوع فيِه النوعين
و أنا حاجب تحت عين
باتحرّك بصباعين
و اضرب و يصيبني ضربي
و حَيَاتي تَهْلُكه
و الفنّ مَمْلَكَه
يا اهل الله
يا اهل الله و صَعْلكه

لَكِنْ زوّادى كِسْرَه
عُمره ما داقها كِسْرَى
و انا حافي وهي حاف
و شايلها ع الكتاف
نبّوتي زي ناف
و على نبوتي قشره
من دم المعركه
و الفنّ مَمْلَكَه
و الفنّ مَمْلَكَه
يا اهل الله
يا اهل الله و صَعْلكه

لَفّفني ع الحواري
انا من نسل الجواري
و انا من نسل العبيد
و انا فلاّح الجِريد
و صنايعي فى الحديد
و سواد ليلي نهار
و عرق يعني بُكا
و الفنّ مَمْلَكَه
يا اهل الله
يا اهل الله و صَعْلكه

و طلعت ع السرايه
و رفعت فوقها رايه
و في لذة الاهتزاز
و فى هزة الالتزاز
شُفت عيونك قِزاز
و كمثلي كمثلكا
و الفنّ مَمْلَكَه
يا اهل الله
يا اهل الله و صَعْلكه

يا حبايب يا حبايب
أنا حاضر أنا غايب
أنا ضايع
مش حاضيِع
و خشب لكن رضيع
و انا لابس فى الربيع
هلاهيل اكمني دايب
و خيوطي ملَعْبكه
و الفنّ مَمْلَكَه
يا اهل الله
يا اهل الله و صَعْلكه
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد فى الجزء الثانى 53 قصيدة بعنوان الاراجوز - صفحة 2 Empty
مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   فؤاد حداد فى الجزء الثانى 53 قصيدة بعنوان الاراجوز - صفحة 2 I_icon_minitimeالأربعاء فبراير 10, 2010 11:46 pm

الشَعْرَة الهلالية
الضحك يقول
انا شيخ زغلول
و ابو زيد بهلول
و جحا فتوّه
مصري و بالذوق غَلَب القوّه
الباشا زمان و زمان طوِّل
كان بيقول عني متسول
زرع الفجله عَلَف العجله
إدي له نكله يمشي يشخلل
قلت قابلني لمّا أصهلل
توبي مهلهل وشِّي يهلل
انا قرن الفول
أهجم ع الغول
قاتل مقتول
يا انا يا هوَّه

انا شيخ زغلول
و ابو زيد بهلول
و جحا فتوّه
مصري و بالذوق غَلَب القوّه
إن كنت باذاكر فى تاريخنا
على مركب و التاني فى ريحنا
تلاقيني باجمّع ملامحنا
و اطلع بالقلب و بالسحنه
و باقاوح نَفْسي و باقوحنا
بادَّحرج على جبل المحنه
و باقع معدول .. خالي و مشغول
أخضر على طول
برّه و جوّه
انا شيخ زغلول
و ابو زيد بهلول
و جحا فتوّه
مصري و بالذوق غَلَب القوّه
وادّي بُنيَّه للجبونيه
و القُف نبابيت الحسينيه
مولود على راس الحنيّه
لابس قمصانها اللبنيه
باخنقها على نفس النيّه
مين فينا شعار الوطنيه
مين ابن أصول
ويصول و يجول
لابس جلجول
و قُلُنْسُوَّه
انا شيخ زغلول
و ابو زيد بهلول
و جحا فتوّه
مصري و بالذوق غَلَب القوّه
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد فى الجزء الثانى 53 قصيدة بعنوان الاراجوز - صفحة 2 Empty
مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   فؤاد حداد فى الجزء الثانى 53 قصيدة بعنوان الاراجوز - صفحة 2 I_icon_minitimeالأربعاء فبراير 10, 2010 11:48 pm

المصري افندي
عند اللى بيرسموني
عبيط كأنى أعبط
مطلوق زيّ المربّط
خايفين يستتقلوني
لاحسن أطلع ملخبط
بالبدله دملجوني
قميء كأني أقمأ
يا واد يا ابن الشمقمق
بالنظاره عَمُوني
ع الواقف قَعّدوني
لمّا تشوفني ذليل
بَرْدُون يا خال خليل
زي اللي ادن فى مالطه
و اللي اتنشّق بشنطه
لا تفتكرها غلطه
عند اللي بيرسمونى
مزروع فوق المحطه
احمر ازرق ليموني
بالسبحه و بالمنشّه
فى ايد و فى تانى ايد
زي اللي بيلخموني
و البرتقان جديد
يا ساتر من بعيد
يستغربوا الصوفيه
ساعة ما يبصوا فيه
من بِدَع اليوسفيّه
و سماجة حضرتي
لازق فى سُرّتي
ملزوق كأني غيري
أهبل كأني ضدي
مش شاطر ضدهم
أنا اللي عندهم
عند اللي بيرسموني :
أنا المصري افندي
أنا المصري أفا

فى فن الكاريكاتير
الماكر و المكير
صدرني فى دور خطير
و نفخني عشان اطير
بالأفكار اللي عندي
أنا المصري افندي
أنا المصري أفا

لما المظاهرات
بقت المسامرات
و الخمره فى البارات
و دموع النظارات
ع القلب اللى انطفا

نَصَبُوني في الطريق
تمثال ناطق جريء
قال ايه قال فيه بريق
قال فيِه ريحه و ريق
من خِلاَّن الوفا

و لا شِلْت بكتفي باب
و لا هَبّبت الهباب
و لا مُت مع الشباب
و لا كَلت من الكباب
و لا جُعت زي غاندى

كان ياما و ياما كان
الناظر فى الميدان
حارس ع المزلقان
تَحْويلجي للزمان
فى محطه مطرّفه

و ماكانش في قلبي نار
و لا كان فى رقبتي تار
غير شِي فى عيني الشرار
شيش بيش طالق عيار
ع الباشا مصطفى

كانت ايام يا عين
النكله بملمين
و ماكنش الفقر شين
الدنيا بتشتي فين
أنا قاعد فى الدفا

كان فيه مره يا بيه
أنا بأحلم ولاّ ايه
الدنيا بتجري ليه
الطربوش اختفى

العجله من الشيطان
بغبغني اللخبطان
ما بقت أيام رطان
و القطه ع الحيطان
بتنونو باللاوندي

زمّرت و قلت توت
إدُّوني بدل سكوت
أنا في الملوخيه اموت
مع نسوان البيوت
أحب القرطفه

قال ايه دايماً يطوف
و يلف على العطوف
قال ايه باسمع و اشوف
دا اجربّ من الوقوف
طربوشي الاستفندي

قال دا الوفدي السليم
الدستوري الصميم
السعدي المستقيم
و دا مَحضر سين و جيم
و دا موجز فلسفه

و دا مدخل فى الرجال
و لساني صال و جال
و ضربت يمين شمال
أنا أصْلي حال و حال
أنا انتباه صفا

أنا المصري افندي
أنا المصري أفا
أنا المصري أفنّ
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد فى الجزء الثانى 53 قصيدة بعنوان الاراجوز - صفحة 2 Empty
مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   فؤاد حداد فى الجزء الثانى 53 قصيدة بعنوان الاراجوز - صفحة 2 I_icon_minitimeالأربعاء فبراير 10, 2010 11:49 pm

الكـار
أنا كاري فيه كتير
من فن الكاريكتير
العوردةي !
اختراعي و بدأت بنفسي
طوّلت لساني و كان قَصِير
و كما لساني كما نبقه من الشام
بالشمشمه
استطالت المناخير
و صوتي كان خشن ، سَرْسبْتُه
لاجل يرُخ
على قرعة المولوده فى الرُخص
و قالوا مطلوب التأثير
رفعت صوتي الحَيّاني
و سّميت حواجبي شلبيه
و رقّصتها
و جبت منديل حاوي حلواني
جلا .. جلا .. صَبَح جلابيه
شخصى جواها غني و كان فقير
و شربت العصير
ضربت فى خدودي الفاكهه
و بيضتها بالجير
راحت الناس ضاحكه
كير .. كير .. كير ..
بلا قافيه بلا تفكير ..
أنا مِتْرَيّش
مسرحي مخَيّش
أمسح الأرض بالخناشير
الواقع و أحلامي
مين فيهم التاني و المحتاج الى التفسير
لحامي ع الحامي و الحب توردةير
أصول الكاريكتير العوردةي
اختراعي و بدأته بنفسي
و ختمت على جدران الفراعنه
بالجعران و اللعنه
و بصوتي مين فيهم الأعمى
مين المَيَّه فى المواسير
و العجينه فى المواحير
و الجاز فى البواجير
حَسِّن كمالك يا سيد
علشان أحَسِّن نقصي
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد فى الجزء الثانى 53 قصيدة بعنوان الاراجوز - صفحة 2 Empty
مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   فؤاد حداد فى الجزء الثانى 53 قصيدة بعنوان الاراجوز - صفحة 2 I_icon_minitimeالأربعاء فبراير 10, 2010 11:51 pm

واء
قول واء يا إبني
ـ واء
زيي فى صوتك خَنَافه
زيي فى دَمَّك خفافه
زيي فى قلبك اشواق
قول واء يا إبني
ـ واء
دا مزَكِم زيّ والده
دا البرد اللي انت واخده
من صنعة الاستهواء
قول واء يا إبني
ـ واء
الصنعه المسرحيه
زيّي فى صوتك ضحيه
للجو أبو الأجواء
قول واء يا إبني
ـ واء
زيي مسرسع مسلوع
راكبك عفريت ملسوع
بالنبوت السوّاق
قول واء يا إبني
ـ واء
زيي ملوّن منوّن
و إن قالوا الصوت منسْون
تحويق أمك حوَّاء
قول واء يا إبني
ـ واء
زيي مربوط و سايب
صوتك مربوط و جايب
من آخر واق الواق
قول واء يا إبني
ـ واء
زيي تصفّر تصفّر
زي المبرد تصنفر
فى المدهن و اللعوق
قول واء يا إبني
ـ واء
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد فى الجزء الثانى 53 قصيدة بعنوان الاراجوز - صفحة 2 Empty
مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   فؤاد حداد فى الجزء الثانى 53 قصيدة بعنوان الاراجوز - صفحة 2 I_icon_minitimeالأربعاء فبراير 10, 2010 11:52 pm

والد الأراجوز
أنا عندي يا ولاد الحلال حدوته
أنا والدي هو اللي عاشها .
و لا حد قبلي نقشها ـ
فى حجر و لا مخطوط

كان و الدي بالطبع زيي أراجوز
و لكن حزايني
و أنا كنت واد قطقوط
الخالق الناطق دماغي دماغه
الخالق الناطق كما الشَمُّوط
كان صوته ، الله يرحمه ، صُفّاره
و جسمه رايح جي زي الفاره
و عظمُه يا نجارين بيلُق فى الزعبوط

و فى يوم من الايام .. خلّي بالك معايا:
هنا العقده
ندهه الملك و كان ملك أعظم من العمده
و عيّنه مضحك ولي العهده
و قال له :
(( يا ألعب من القرموط
تِضَحّك الولد أَعَلِّى مراتبك
تبكي الولد أقطع راقبتك
افهم كلامي و امشي بالمظبوط ))

والدي ، الله يمسيه بالخير
ماكانش ناقصه
طَلَّع سلاح أبيضاني وقَطَع رقابته بنفسه
راح الولد فى البكا و أنا والدي مات مبسوط

أنا والدي مات مبسوط .. لإنه عَكَس أمر الملك .. أيام ما كان الملك ملك
و مصروف الأمل مضغوط

و من ساعتها
وأنا عندي جيوب أنفيه
وعيني كما الحنفيه
و الدمع منِّي وفيه
بحر ماله شطوط
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد فى الجزء الثانى 53 قصيدة بعنوان الاراجوز - صفحة 2 Empty
مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   فؤاد حداد فى الجزء الثانى 53 قصيدة بعنوان الاراجوز - صفحة 2 I_icon_minitimeالأربعاء فبراير 10, 2010 11:54 pm

نشيد الأراجوز
الأراجوز يا سلام سلّم
الأراجوز
له ألف حاره و ألف ميدان
و مالوش عنوان
له فرد و جوز
نبوّت و لسان
شمروخ ولسان
دا جنب دا على حسب العُوز
بالمرّه كمان
أنا يا أخوان
ضحكتي بِسْنَان
و لا ضحكة الصين من فرموز
بالمرّه كمان
باتْني الخرسان
و مزاج فنان
باعمل من المسمار قلاووز
بالمرّه كمان
طرزان خرزان
ع النقربزان
باضرب سلام و باقشّر موز
بالمرّه كمان
أهوى النسوان
ست أم فلان
فُرْقُع ما فرقع قلبها لوز
بالمرّه كمان
خِلْقتي إنسان
و عيداني عيدان
من أرض مصر ضَمَنْت الفوز
بالمرّه كمان
حيّوا الجدعان
بالمره كمان
نَسُّوني زمان
بالمره كمان
تحيا الأوطان
بالمره كمان
يحيا الأراجوز
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد فى الجزء الثانى 53 قصيدة بعنوان الاراجوز - صفحة 2 Empty
مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   فؤاد حداد فى الجزء الثانى 53 قصيدة بعنوان الاراجوز - صفحة 2 I_icon_minitimeالأربعاء فبراير 10, 2010 11:56 pm

صِفَتى ونَعْتى
لولا المشي فى الشوارع و النوم ع الارصفه
كان بَقى لي صفه غير الصفه
و ما كنش أخنف بَطَحْجى يساوي أراجوز
زى مشَحّم : شحمجي
مجيّر : جيّار
ريحتها بصل : طباخه
إيديها مقشفه : غساله
ماشي مكوّع : كمساري
مقَتِّب : جِزَماتي
جلابيه سودا : مبيّض
زِفْرَه : صبي مسمط
قفاه وارم : صبي صبي
عينيه لتحت : سبرسجي
عينيه بتركّن: نشال
شَعْرُه طويل : فنان
مجنون : شاعر
تِلْحْ : فلاّح ، أصيل : فلاّح
أخنف بَطَحْجِي : أراجوز
لولا المشي فى الشوارع و النوم ع الارصفه
لكنت مُنْصِف و ابن منصفه
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد فى الجزء الثانى 53 قصيدة بعنوان الاراجوز - صفحة 2 Empty
مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   فؤاد حداد فى الجزء الثانى 53 قصيدة بعنوان الاراجوز - صفحة 2 I_icon_minitimeالأربعاء فبراير 10, 2010 11:57 pm

إشي...
إشي مدكوك و مفكوك و رايح جي زي المكوك ؟
ـ الأراجوز
إشي يضرب الأرض طاخ طيخ تطرح بطيخ ؟
ـ لزوم الأراجوز
إشي يقرا تسع كتب .. ويقول حماري غلب ؟
ـ لزوم لزوم الأراجوز
**
الأراجوز معروف
و لزوم الأراجوز نبّوته
و لزوم لزوم الأراجوز كل دماغ مصفّحه
تتفلسف من غير ما تتأسف
و تخاف ماتختشيش
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد فى الجزء الثانى 53 قصيدة بعنوان الاراجوز - صفحة 2 Empty
مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   فؤاد حداد فى الجزء الثانى 53 قصيدة بعنوان الاراجوز - صفحة 2 I_icon_minitimeالخميس فبراير 11, 2010 12:03 am

أى نعم مش صحيح
إنت فَنَّك بدائي
أي نعم مش صحيح
إنت راجل هوائي
أي نعم مش صحيح

الكلام ده نهائي
و الاّ عندك بواقي
أي نعم مش صحيح

أنا راجل بدائي
و أنا فنى هوائي
كان زمانه شراقي
أي نعم مش صحيح

أهلي ناس مش قوادم
وانا بالمثل خادم
فى صباع بلا خاتم
أي نعم مش صحيح

و اللي كان زيي عادم
هدمته عرضحاله
عَلَّّقُوه من طحاله
أي نعم مش صحيح

علقوه ما نفعني
دم سايح نقعني
فى حَمَار مراكيبي
صوتي دمل فقعني
مسرحي كراكيبي
قلبي فاضي و قاضي
قاضي عمّال يقاضي
أنا فالح أضادي
أي نعم مش صحيح

أنا فالح أعاوردة
اللى مسكين و عاجز
قشر بطيخه ينحت
أنا راجل مشاوردة
أي نعم مش صحيح
مش صحيح
**
عودي كان المُصاصه
و انتصب
يا قصب
لمّا جاتني الرُصاصه
شُومْتي كانت قويه
خَفّفِت
خلّفِت
قنبله نوويه
**
العجايب عجايب
أُمي أم النوايب
أي نعم مش صحيح

و أنا أجوف بأُكْرَه
و أنا باشهق بأُجره
و بامثل بقُدره
أي نعم مش صحيح

شخص و مشخصاتي
تحت باطي عصاتي
على راسي مشعبط
قرن فلفل مشعوط
صنعتي مبصبصاتي
أي نعم مش صحيح

صنعتي القافيه تحوج
أنعدل لمّا تعوج
لمّا أناولك توجوج
أي نعم مش صحيح

يعني لازم أناولك
أيوه لازم أناولك
الزمان اللي باقي
حطّ عقلي في عقلك
و انا راجل هوائي
و انا فرحان بِدائي
و في مزاجي البدائي
ربع قافيه يتاقلك
أي نعم مش صحيح
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد فى الجزء الثانى 53 قصيدة بعنوان الاراجوز - صفحة 2 Empty
مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   فؤاد حداد فى الجزء الثانى 53 قصيدة بعنوان الاراجوز - صفحة 2 I_icon_minitimeالخميس فبراير 11, 2010 12:04 am

ألعــاب
اتفرج على الاراجوز
و اتعلم من الاراجوز
يا فالح و قاري كتاب
مش يمكن أخوك قراجوز
**
خرِّيج المدارس فارس
فى ركوب الحمار الجالس
من أول صُباع للخامس
كان واخد عليك ألعاب

اتفرج على ألعابي
أنا أمسك و اسيب أعصابي
و أنا أطْلَع بيوت أصحابي
باللولب و باللبلاب

متشعلق و قازح قزحه
مش نايم و لكن أصحى
الطاسه دي خوذه و قصعه
و أنا بَنّا وأنا ضرّاب

و عشاي الهوا و فطوري
و شبابي شباب أُسطوري
من طولي و طول طرطوري
أنا بضحك بسن و ناب

أنا صابر عشان مستعجل
وأنا كتفي عصاي بتحجل
و أنا عيني اللي فارغه بتحول
و التانيه اتملت أحباب

لك خِلْقَه وليَّ انا خلقه
و أنا سر الوَحَم والخلفه
كان صوتي طاقية الاخفا
للحُرْمَه ورا الأبواب

مع صوتي اللي قال أنا فاضحك
و سناني اللي قالت باضحك
نبّوتي يقول أنا باطحك
ما تحسّس يا قاري كتاب

مش يمكن أخوك قراجوز
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد فى الجزء الثانى 53 قصيدة بعنوان الاراجوز - صفحة 2 Empty
مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   فؤاد حداد فى الجزء الثانى 53 قصيدة بعنوان الاراجوز - صفحة 2 I_icon_minitimeالخميس فبراير 11, 2010 12:06 am

عوض الله
يزُرّ في عينيه كأن عينيه ما هيش زارّه
و يفتي و يقول في الاشتراكيه و الذرّه
الافندي لا في إيده منشّه و لا الطربوش على راسه و لا الساعه بكتينه و لا الشنب برّيمه ..
يعني مش من مُخلّفات الماضي و الحمد لله ..
لكن في الماضي بَص وراه ، قام داخل الحقوق ، قام لاطش الليسانس ،
قام بَص قدامه : ما فيش مستقبل في المحاماه ..
لا تروح عليه الحياه
و الافندي غزال صَغِير السنّ .. ما ينفعشي قاضي
ينفع إيه ؟
تنفع إيه يا عوض الله ؟

كاتب و صاحب رساله و يمتلك مبدأ
حِدق و لكن سلامة نيّتُه أحدق

فلنستعد !
وَصَفُوك في طلب المعالي ، يادي الليالي نستحملك .
يادي الثقافه نستكملك . الصبر طيب ، أي نعم طيب ، بس مش ثوري .
يا فن على ودنه ، مش حنجي لك زي جحا .
يا كلام إفرنجي
إحنا برضه أُسطوات زي الترزيه و المكوجيه و النجارين والريحاني ، و نفهم في الصنعه .
و ننقد الارتجال و السطحيه و التجاري و الكلفته .

يا صفحه بيضا بسرعه بسرعه اسْوَدّي
ع المطبعه وَدِّي ع المطبعه وَدِّي

سَلّم . فيه اللي يستلم و فيه اللي يفك الخط و فيه اللي يصحح النحو و فيه اللي يصُف الحروف .
و فيه اللي يوضّب . و اللي يرسم لاجل توصل بنات أفكار عوض الله لإيد القاريء .
ثم فيه الصوت الحلو و الناعم و الدلع .
و فيه اللي يسرسع و اللي يطجن . و اللي يُطبخ .
و عوض الله نشيط و الشهاده لله .
بدل ما يلبس قميص باكمام طويله ويشمّر ، بيلبس قميص بنص كم على طول .
ما يخفش من البرد متْدَفّي .
ابن الحلال المصفِّي .
من قبل ما يوَصّل بنات أفكاره كان واصل .

و عنده مطرح فوقاني و شقه محجوبه
و عنده تلاجه من غير تلج أعجوبه

... ومكتبه في الفلسفه و الفلكلور .
و جَت عيني ع الرف اللي فيه الشعب و الأمثال .
قلت : يا عوض الله مش المثل اللي بيقول الشاطره تغزل برجل حمار
عوردة المثل اللي بيقول اطبخي يا جاريه كلّف يا سيدي
عوض الله ضحك في سرُّه و ابتسم في وشّي و قال :
بص لي تعرف ما فيش تناقض بين المثلين .
و زرّ في عينيه ، رَفَع نظره و نظره خَفَّض
سيجاره دخن ، مشاكل حل ، طافيه نَفَّض
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد فى الجزء الثانى 53 قصيدة بعنوان الاراجوز - صفحة 2 Empty
مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   فؤاد حداد فى الجزء الثانى 53 قصيدة بعنوان الاراجوز - صفحة 2 I_icon_minitimeالخميس فبراير 11, 2010 12:07 am

على عُكَّازين
على عُكازين على عُكازين
الدنيا ماشيه على عُكازين
عكاز تسوُّل
عكاز تحوُّل
حالة تجوُّل
على عُكازين
و ناس بتحْيِي و مالهاش نيّه
و ناس بتقتل بإنسانيه
و ناس فقيره و ناس غنيه
و ناس بتوردةب من غير إيدين
على عُكازين

و عصر ذرّي ما عصر ذري
يا قلبي ياما خَدُوك تَحَرّي
و ناس تشدَّك و ناس تجرِّي
و لا حد عارف منين لفين
على عُكازين

و البزّ حنّن و العقل جَنِّن
و اللي بيكبر لازم يسنِّن
أما اللي يصغر لازم يفنِّن
ندمان يعضعض ع الشفتين
على عُكازين

مَالِك يا ستي .. مَالِك يا ستي
قالت شَرَقْت اما جابوا سيرتي
سبعين محطه ولا نزلتي
قالت باقشقش الأشيا زين
على عُكازين

بتسَمَّعِيني دبيب دبيبي
يا دنيا و الاّ بتلعبي بي
في يوم عَدوّي و يوم حبيبي
و الاّ انتي دايماً ما بين و بين
على عُكازين

و دي رقصه برضه و الاّ دي حَكّه
يا حلو يا اللي ضَحَّك و بَكّى
جيتلك ازُك و في كل زكّه
أنقل محاسنك من عين لعين
على عُكازين
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد فى الجزء الثانى 53 قصيدة بعنوان الاراجوز - صفحة 2 Empty
مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   فؤاد حداد فى الجزء الثانى 53 قصيدة بعنوان الاراجوز - صفحة 2 I_icon_minitimeالخميس فبراير 11, 2010 12:09 am

أحسن من السرقه
لا مؤاخذه يا سيدنا الافندي
قلت لك طلبك مش عندي
عندي أحسن من دا و من دي
أشتَغل رقّاص

عندي أحسن من دي السرقه
أرضى بالعُري و بالخرقه
اللي ما تغيّرش الخلقه
صنعتي الإخلاص

صنعتي شاعر عرباوي
راسي تشبه عبد اللاوي
بس فيها زلط و حصاوي
ما يناطحها رصاص

الطماطم راح تتبرقع
و الاذ راح تنزل تتمرقع
و الاّ تمسك و الاّ تفرقع
و الاّ عقلي خلاص

و الاّ امزّ بزرّ خياره
و اركب الشمس الطياره
البلد بعت لي زياره
مشّ في بلاص

الأمل و ان عز مناله
بكره يرجع زي قناله
و الهوا يدرّي اللي بنى له
في الجبال اخصاص
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد فى الجزء الثانى 53 قصيدة بعنوان الاراجوز - صفحة 2 Empty
مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   فؤاد حداد فى الجزء الثانى 53 قصيدة بعنوان الاراجوز - صفحة 2 I_icon_minitimeالخميس فبراير 11, 2010 12:10 am

يا مُتَفَرِّج
أهلاً وسهلاً .. اتشرفنا
إيش عرّفنا
نتعرّف احسن .. والاّ بلاش ؟
نتعرّف احسن
**
انا اللي ضَحَّك و لا بكّاش
لا فَلْسَفنجي و لا بكّاش
و مُتَفرّغ
للمُتَفرّج
في عقلي بُرج و قلبي اعشاش
انا اللي شخصي قُطن و شاش
و مُتفرّس
فى المُتفرّج
عيني برمشي ما تتغطاش
بالنوم ياعيني ما بتهناش
يا مُتفرّج
لو مُتَعَرِّج
انا اللي قافشك ورا الاحواش
شغل الحُواه وحواه ما حواش
يا متفرّج
لو مُتَحَرِّج
قرَّب عليَّ في دقنك فاش
انا كدا عربي و قفّاش
يا متفرّج
لو مُتَفَرْنِج
كان بلا قافيه ما نستغناش
و بلا قافيه ما نستعناش
يا متفرّج بالمُتَدَرِّج
و قلوب رُقاق زيّ الجُلاش
ظُرْفك يصيبني إن ظَرفك طاش
يَمُوتْ يَمُوتْ يَمُوتْ المُهرِّج
فيك وانت راضي و يهتف عاش
المتفرِّج
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد فى الجزء الثانى 53 قصيدة بعنوان الاراجوز - صفحة 2 Empty
مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   فؤاد حداد فى الجزء الثانى 53 قصيدة بعنوان الاراجوز - صفحة 2 I_icon_minitimeالخميس فبراير 11, 2010 12:12 am

سيد افندي
دَخَلْتْ على السيد افندي اللي ودانه من بره قرطاس و من جوه بير
بص لي بصه واحده وقال لي فوت بعد اربعة ايّام
**
بعد اربعة ايام
فُتْ على السيد افندي اللي ودانه من بره قرطاس و من جوه بير
و اللي شنبه مِهَرجل كل فارده مطرح التانيه و عَمَلْت تافه علشان يحنّ عليَّ شويّه
حنّ و قال لي فوت بعد تلات ايام
**
بعد تلات ايام
فُتْ على السيد افندي اللي ودانه من بره قرطاس و من جوه بير
و اللي شنبه مِهَرجل كل فارده مطرح التانيه و اللي نفسه يطبّق فى جيبه منديل ما ينفَّش فيه و عَمَلْت تافه زيُّه علشان يحنّ عليَّ اكتر
حنّ و قال لي فوت بعد يومين
**
بعد يومين
فُتْ على السيد افندي اللي ودانه من بره قرطاس و من جوه بير
و اللي شنبه مِهَرجل كل فارده مطرح التانيه و اللي نفسه يطبّق فى جيبه منديل ما ينفَّش فيه واللي عيونه نسخه زفره من نظارته و عَمَلْت اتفه منه علشان يحنّ عليَّ خالص
فقسني و قال فوت بعد اسبوع
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد فى الجزء الثانى 53 قصيدة بعنوان الاراجوز - صفحة 2 Empty
مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   فؤاد حداد فى الجزء الثانى 53 قصيدة بعنوان الاراجوز - صفحة 2 I_icon_minitimeالخميس فبراير 11, 2010 12:13 am

قَلْفَطْ و شَلْفَطْ
واحد عقله شمال و واحد عقله يمين
وعاملين نفْسُهم متخاصمين
اتفرج و احكُم
: مخاصمني ؟
: مخاصمك
: تخاصمني كمان ؟
: أخاصمك كمان
: أنا قلفط
: و انا شلفط
: يعني ايه ؟
: يعني باشلفط
: و انا باقلفط
: بتقلفط ايه ؟
: كل حاجه مش و لابُد باقلفطها تصْبَح و لابُد
: وانا كل حاجه بُد باشلفطها تصْبَح ولابُد
: يعني بنتقابل فى ولا بُد
: بنتقابل
: و بنلتقي
: بنلتقي
: جدلي
: منطقي
: لحمه
: و سدى
: اصدقاء ؟
: مش كدا ؟
: تصالحني ؟
: تخاصمني
: أخاصمك
: أصالحك
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد فى الجزء الثانى 53 قصيدة بعنوان الاراجوز - صفحة 2 Empty
مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   فؤاد حداد فى الجزء الثانى 53 قصيدة بعنوان الاراجوز - صفحة 2 I_icon_minitimeالخميس فبراير 11, 2010 12:15 am

خدمة الغُزّ
إبن المملوك بيلعب بكرباج يقول :
(( وِج .. وجّ .. وجّ ))
و ابوه بيعلمه
(( قُدّامك يا قُط واحد بيتكلم بأدب وواحد بيقل ادبه ـ عايزك تقَسّم عليهم عَشَرَه كرباج ))
الولد ضحكته اوسخ من ضحكة أبوه
لكن لسه مش أُسطى
يقول : (( العشره كُلّتْهم لقليل الأدب ))
الوالد يقول : (( لأ !.. ))
(( سبعه إذا حبّيت ، تمانيه ، تسعه للي بِيْجَلْيَط لكن لازم اللي بِيتْحَلْيَط يتبقى له نصيب ! ))
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد فى الجزء الثانى 53 قصيدة بعنوان الاراجوز - صفحة 2 Empty
مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   فؤاد حداد فى الجزء الثانى 53 قصيدة بعنوان الاراجوز - صفحة 2 I_icon_minitimeالخميس فبراير 11, 2010 12:16 am

علم النفس
قال : (( يا أَدَب
كنت فاكرك قُبّه أتاريك قَتَبْ ))!
يا عالم يا نفساني يا اللي غاوي التحليل
اتفيلسوف لي
بس مش بالسفلي
لَنْخُش فى الخاش و في السنسفيل
و يا علم النفس
أنا حاقْفُز قَفْز
كان يا ما كان تلات عميان يتحسسوا على فيل
كان يا ما كان تلات عميان
تلات فُقَهَا من العميان
واللي جت إيده في الناب قال طور
و اللي جت إيده فى القدم قال طود
و اللي جت إيده في الزلومه قال تعبان
يا أيها العالِم الألعُبان
يا مِفَتَّح يا لابس نظاره قُلت ايه ؟
: قُلت لو لابسها يعني شاريها
كان بقى لها شبيه و شبيهه
دي نظاره أنا مولود بيها
زي انت ما اتولدت بالنبوت
: وقُلت إيه كمان يا بابا ؟
: قُلت ذبذبات الذبابه
اللي في جسمك من عقدة العنكبوت
: و قُلت إيه ؟
قُلت في صوتك خنافه
ما هيش من الأنافه
و أظنّ إنك من زمان مكبوت
: رَجَّعْتنا للسنسفيل و الخاش
: أنا باتوخّى الحق
: ما تتوخاش
أنا يمكن عوج لكن نبوتي مغري
و انت قفاك دُغري
و اللي مكبوت زيي مايتوصاش
**
خُد نبوتي اللي اتفلَّق
في راسك نَبّتُه
تطلع نظاره تفرَّق
قَتَب الأدب من قَبّته
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد فى الجزء الثانى 53 قصيدة بعنوان الاراجوز - صفحة 2 Empty
مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   فؤاد حداد فى الجزء الثانى 53 قصيدة بعنوان الاراجوز - صفحة 2 I_icon_minitimeالخميس فبراير 11, 2010 12:17 am

يا أيها الفنان
... إوْلِد بِيِضْ
من غير طَرْق
من غير طَلْق
و قوُل العمل الفني : خَلْق
كفايه بتعرف ايه الفرق
و تعرف إن الممكن جايز
المعنى حيجي لك جاهز
و الصوره من غير تحميِض
إوْلِد بِيِضْ
من غير طَرْق
من غير طَلْق
و قوُل العمل الفني : خَلْق
و تفرد إيدك زي البرق
و ترجع تسحبها بحنّيه
و تعمل جنّي ولد جنّيه
امّا تريِّل بحر يفيض
إوْلِد بِيِضْ
من غير طَرْق
من غير طَلْق
و قوُل العمل الفني : خَلْق

و قول جَرَّب يا صباعي الحرق
و قول مفروض الشاعر يتْعَس
و قول يا خيالي كل ما تدهس
في الواقع تاخد تعويض
إوْلِد بِيِضْ
من غير طَرْق
من غير طَلْق
و قوُل العمل الفني : خَلْق

و تشهد دايماً ويّا الحق
ما الحق في سوق الايام دي
هو الماشي تقرّب يمّي
تِفَتَّح و عليَّ التغميض
إولد بِيِضْ
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد فى الجزء الثانى 53 قصيدة بعنوان الاراجوز - صفحة 2 Empty
مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   فؤاد حداد فى الجزء الثانى 53 قصيدة بعنوان الاراجوز - صفحة 2 I_icon_minitimeالخميس فبراير 11, 2010 12:19 am

أولاد عرفان
عرفان باشا عرفان
اللي رَبَط في النورج
بدل البقر خرفان
بايت في قصره لوحده بيسُورَق
دُقّي يا مزيكه!
اللهم لا شماته
بس البنت اللي بتقزقز ترمس
بتبص لي وبتسمع لي و بترمش
دُقّي يا مزيكه!
أمريكا عايزانا نغيّر رأينا في اليمن و رأينا في الصين
إحنا و أمريكا مش خالصين
دُقّي يا مزيكه!
واحد غاوي وردةل
ضرب لنا مثل
قال الحمار إن قرفص مش حيرَفّس
قصده الحمار إن قرفص مش حيشيل
دُقّي يا مزيكه!
الفنانين قالوا لنفسهم ما دام مانقدرش نِخَلِّد
يبقى نِخَلِّل
و هات يا تلاتين حلقه في تلاتين حلقه
لمّا الكلام زهق من نفسه و قال من كتر المط
أنا اتشرمطت
دُقّي يا مزيكه!
ناس قاعدين على بيضه لا بتفقس و لا بتمشش
بيقولوا إحنا منكم
لكن الدم ما يتغشش
دُقّي يا مزيكه!
دُوُل أولاد عرفان
اللي رَبَط في النورج
بدل البقر خرفان
سابوه في قصره الليله بيسُورَق
دُقّي يا مزيكه!
اللهم لا شماته
يسامحنا و يسامحه
طلعوا ولاده مش ولاده
و قمحه مش قمحه
و إحنا بندرِّس وندرِّي
دُقّي يا مزيكه!
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد فى الجزء الثانى 53 قصيدة بعنوان الاراجوز - صفحة 2 Empty
مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   فؤاد حداد فى الجزء الثانى 53 قصيدة بعنوان الاراجوز - صفحة 2 I_icon_minitimeالخميس فبراير 11, 2010 12:20 am

إبن عم الحقّ
يا ابْن عم الحقّ يا إِبن ..
يا مَيّه من تحت تبن ..
**
الأصيله بنت الأصول
قالت ابن عمك صعب و انت سَلِسْ
ابن عمك غلس و انت شربات
و الواسطه بين الفصول
قالت ابن عمك صعب و انت سَلِسْ
و عينى عينك قال بتختلس من شفّتك قُبله

و الشابه اللى اسمها وصول
قالت ابن عمك صعب وانت سَلِسْ
و عايزه تأتنس !
... كلهم بيحبوك
**
سخسخ من الضحك و قول لابن عمك : شُفت
قول لابن عمك :
عنّك ..
يا حق يا اكتع يا اللي ما بتفهمش في الكُفْت

ـ أراجوز يا أراجوز
بدل ما تغنّى و تدردش
و ترص الكلام و تدندش
و بدل ما تفكّر
و بدل ما تفقّر و تدّروش
ليه يا يا ابن عم الحق ما يندقش ؟
و لو حَبَّه
ما يندبش ؟ ..
و لو دبّه
ـ دبيت مِيِتْ ألف دَبَّه
دبيته بالنبوت و بالمروردّه
لو كان حديد أو صُلب كان ادّشْدِش

لكن ميَّه من تحت تبن !
الرجوع الى أعلى الصفحة اذهب الى الأسفل
https://amoaagsherif.ahlamontada.com
شريف الحكيم
عضو فعال
عضو فعال
شريف الحكيم


عدد المساهمات : 4068
تاريخ التسجيل : 19/12/2009

فؤاد حداد فى الجزء الثانى 53 قصيدة بعنوان الاراجوز - صفحة 2 Empty
مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   فؤاد حداد فى الجزء الثانى 53 قصيدة بعنوان الاراجوز - صفحة 2 I_icon_minitimeالخميس فبراير 11, 2010 12:22 am

حَـالَـهْ
حَالَه شاذّه حاله شاذه
صوره مهتزّه مُهتزّه
: إسمك ايه ؟ : إسمي بَدَل فاقد
: صنعتك إيه ؟ : صنعتي ناقد
: يعني حاقد ؟ : لأ مش حاقد
: إنت بتدافع ؟ : لأ باهاجم
: إنت بتؤلف ؟ : و باترجِم
: إنت سادي ؟ : ساعات أنا بارجِم
الهواه و اشعر بلذّه
حَالَه شاذّه حاله شاذه
صوره مهتزّه مُهتزّه
: قلت إيه في الأراجوز؟ : تُركي
تُركي و الفلسفه يوناني
: قلت ايه في ماوردةيم جوركي
: برضه روسي و مش يوناني
مصري اسطنبولّي نويوركي
كل فن ماهوش يوناني
يبقى مش كاتبينه أساتذه
حَالَه شاذّه حاله شاذه
صوره مهتزّه مُهتزّه
قلت إيه في أدبنا ؟ : سطحي
: زي شطحي و نطحي و بطحي ؟
: زيُّهم : اشرح : آدي شرحي
بَاكره اللي يرَقّص وسطه
و اللي ما بيعرفش أرسطو
مش مفيد الناس ينبسطوا
المفيد الناس تتأذّى
حَالَه شاذّه حاله شاذه
صوره مهتزّه مُهتزّه
: قلت إيه في الكوره ؟ : بلاوي
: مش غاويها : لأ مش غاوي
: تعمل إيه يا طبيب يا مداوي
لو تطول الجون ؟ : أنا اهدُّه
: كل شيء فيه شيء من ضدّه
كل أهلاوي زملكاوي ..
: إلا ناقد زيي مُنزّه
حَالَه شاذّه حاله شاذه
صوره مهتزّه مُهتزّه
الرجوع الى أعلى الصفحة اذهب الى الأسفل
https://amoaagsherif.ahlamontada.com
 
فؤاد حداد فى الجزء الثانى 53 قصيدة بعنوان الاراجوز
الرجوع الى أعلى الصفحة 
صفحة 2 من اصل 3انتقل الى الصفحة : الصفحة السابقة  1, 2, 3  الصفحة التالية
 مواضيع مماثلة
-
» فؤاد حداد فى الجزء الثالث قتيل المحبة 14 قصيدة
» سيادة المخلوع ... ارجعلنا -- مش أنت واحد مننا ؟؟ قصيدة احمد فؤاد نجم
» فؤاد حداد 8 قصائد الغناء
» سيد ابو حفيظة الجزء الثانى حلقة 11
» محمد صل الله عليه وسلم ( الجزء الثانى

صلاحيات هذا المنتدى:لاتستطيع الرد على المواضيع في هذا المنتدى
أمواج الأندلس أمواج عربية  :: الشعر العامى-
انتقل الى: