ابو الفوارس
وسام الاندلس
عدد المساهمات : 30
تاريخ التسجيل : 04/10/2010
 |  موضوع: سجل يا تاريخ // شعر محمد إسماعيل عبد الصمد  الجمعة فبراير 04, 2011 4:08 pm | |
|
سجل يا تاريخ واوعاك تنسى
مين قال لك مصر ف يوم هتموت
مين قال لك إن شبابها ضعيف
وحياته خضوع وخنوع وسكوت
لما الباشوات خافوا هربوا
مين كان الشرطى وشال نبوت
سجل يا تاريخ وادلى بصوتك
مين الباشا ومين الهلفوت
سجل يا تاريخ بيقولوا عاطل
بالباطل على فارس مسجون
حاصروه وباعوه وخانوه لكن
وجدوه صاحى بيتحدى الكون
بيقول لأ بكل حضاره
ويقاوم كل عميل ملعون
سجل يا تاريخ واحكى حكاوى
عن شعب اتمرد على حاوى
سألوا الحاوى على إيه ناوى
قال ناوى اطلق كل التعابين
وساعتها راح يعرفوا قيمتى
هيخافوا وهيجونى راكعيين
رد شبابنا الصلب الواعى.. قال له على مين
صدقنى يا حاوى عليك زعلان
ماحنش قلالات أصل وخاينين
علشان نمحى كل تاريخك
لكن حزبك توهنا سنين
وعشان نجلك يعلا ويعلا
ما حاسبتش حد من الفاسدين
وعقولنا وأراضينا اتنهبت
علشان واحد بعت الملايين؟
سجل يا تاريخ كل دقيقه
شوف المصرى ف وقت الضيقه
أعلن ثوره بيضا وطاهره
واتحدى جيوش السريقه
ساعة الشده ماهواش عاجز
ساعة القوه ماهواش ظالم
وبايده يطفى كل حريقه
سجل يا تاريخ واوعاك تنسى
مين قال لك مصر ف يوم هتموت
| |
|
أمواج الأندلس 
الرئيسية 
أحدث الصور 
التسجيل 
دخول 
افضل موقع لتعلم الجرافيك 
أضغط وادخل وابحث 
