محمد أبو نظارة المدير العام
عدد المساهمات : 1748 تاريخ التسجيل : 30/01/2010
| موضوع: يا شعب يا مكبوت // قلم أحمد عبده الأربعاء يناير 11, 2012 6:43 pm | |
| الحكم مش بالسيف والعدل مش بالكيف يا شعب يا مكبوت راجع لكتم الصوت والحكم بالـنَبــّوت وكأنها لم تكن ثوره وقطمها حمار مسروقه م الثوار والفاعل هنا مستتر متخبي ف الدواليب لابس قناع شفاف ومخبي وش الديب والبرد مش مستور لابس شهادة زور يا وطني يا محبوس بين الديدان والسوس سايق عليك الليل ماتسبش قلبي عليل خوفي عليك وجّاع وماعدش قلبي يساع حزن ودموع بالكوم نستني طعم النوم يا وطني يا مظلوم فيك الشهيد متهم والجاني مالُه حساب والجرح لم يلتأم طول ما البعيد متساب ياعدل يا هربان قطرك بلا قضبان راضيلنا ليه بالهم حيره وحرقة دم يا تمشي ع الصراط ياترحل بقى وتتلم | |
|