أمواج الأندلس أمواج عربية
أهلا ومرحبا بك زائرنا الكريم، إذا كانت هذه زيارتك الأولى للمنتدى، يشرفنا أن تقوم بالتسجيل اذا رغبت بالمشاركة في المنتدى، أما إذا رغبت بقراءة المواضيع فتفضل بزيارة القسم الذي ترغب أدناه
عزيزى الزائر يسعدنا ان تنضم الينا وتلحق بنا
كى تفيد وتستفيد بادر بالتسجيل مع اطيب الامنيات ادارة المنتدا
ورجاء التسجيل باسماء لها دلالية الاحترام

أمواج الأندلس أمواج عربية
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


وطن واحد هدف واحد قلب واحد قلم واحد تلك هى حقيقة أمواج الاندلس
 
أمواج الأندلسأمواج الأندلس  الرئيسيةالرئيسية  التسجيلالتسجيل  دخولدخول  افضل موقع لتعلم الجرافيكافضل موقع لتعلم الجرافيك  أضغط وادخل وابحثأضغط وادخل وابحث  

 

 حقك تشمت يا ريس

اذهب الى الأسفل 
كاتب الموضوعرسالة
Enamoredmuslim
عضو مميز
عضو مميز


عدد المساهمات : 7
تاريخ التسجيل : 19/02/2012
العمر : 28

حقك تشمت يا ريس Empty
مُساهمةموضوع: حقك تشمت يا ريس   حقك تشمت يا ريس I_icon_minitimeالثلاثاء فبراير 21, 2012 5:22 am

حقك تشمت يا ريس
طالما احنا حالنا كده
يبقى انت اكيد
حالك تمام وكويس
اشمت بزيادة فينا
مهو احنا العيب علينا
حقك تشمت يا ريس
اضحك يا مبارك
واشجى ودانى
اضحك يا عادلى
وهز كل وجدانى
ودمر كيانى
اضحك يا جمال
وضحك عليا زمانى
حقك تشمت يا ريس
اضحكوا على مصر
اياك وليه ترحموا اهلها
طلعوا عينها
وعين اللى يتشددلها
بكوها من قلبها
املوا بالفساد ارضها
حقك تشمت يا ريس
مش فى اللى بينفذ اوامرك
وانت شغال من ورا الصورة
شباب بيفتح زى الورد
وتخلى دماهم مهدورة
يتقتلوا ويترموا
واهالى نفوسها مكسورة
وفى الاخر يقولولنا
ده ماتش كورة
او يقولوا
دى شوية عيال مأجورة
حقك تشمت يا ريس
مش حتى وانت فى سجنك
عايش كأنه ملكك
بيدلعوك
ويقولوا بيحاكموك
فى احسن مستشفى حطوك
وبيصرفوا عليك ملايين
وبيرموا فى المصابين
ويقولوا عليهم مش لاحقين
وفلوس العلاج مش لاقيين
بيصرفوا عليك ملايين
وصرفوا للشهدا الوف
وعليهم حتى مستكترين
حقك تشمت يا ريس
اشمت فى امهات ثكالى
على حق ولادها خايفة
ومن البكا عيونها
باتت مش شايفة
اضحك على كل روح
كل يوم على ايدك بتروح
انت لسه بتحكمنا من مكانك
بتحكمنا انت واعوانك
انت وخدامينك كلابك
حقك تشمت يا ريس
اشمت بزيادة فى بلدك
بس افتكر
مش دى اللى قولتلها
هعيش واموت على ارضك
هى ولا تشبها
مش كفاية ذل ورتها
غيرت شكلها
ومحيت كرمتها
ولا انت خلاص نسيتها
ولا لسه عايز تتشفى
فى كل ام ثكلتها
فى ولادها طعنتها
هدتها وكسرت ضهرها
وحسرتها على وشها
على دم شهيدها
بعينيك شوفتها
ودمعة عينيها المكسورة
وفرحت انك
على الحال ده سيبتها
ومن بعيد سمعت حسها
اتنبح صوتها
بتنده على ابنها
انفطر قلبها على كبدها
نسيت انك
فى اغلى حاجة جرحتها
اللوم مش عليك
على اللى ادوك الفرصة
بأيديهم
وخايفين منك
قال ماسك ذلل عليهم
الله قادر عليك وعليهم
بس العيب علينا ومننا
شتتنا شملنا
فرقنا جمعنا
نسينا بلدنا وثورتنا
بصينا بس لنفسنا
خونا بعضنا
نسينا هدفنا وحلمنا
وكان ايه فى الاصل
وكان على ايه همنا
بس من تانى هنتلملم
وعادى مهو من الجرح
لازم هنتألم
وهيعلى صوتنا ونتكلم
ومش هنرجع ولا نسلم
ومن هنا لحد ما
من الدرس نتعلم
حقك تشمت يا ريس
الرجوع الى أعلى الصفحة اذهب الى الأسفل
 
حقك تشمت يا ريس
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أمواج الأندلس أمواج عربية  :: الشعر العامى-
انتقل الى: