حلوة يا مصر بقلم شريف الحكيم

السلام عليكم ورحمة الله وبركاتة

الاعزاء

أبناء مصر

بنحب مصر
أة أكيد بنحبها

طيب تعالو نشوف

عملت اية من اجلها

ونعمل اية من اجلها

فكرت مرة تعمل شىء مفيد ليها

مش بالكلام

بالعمل

شفت الشارع اللى ساكن فية
اية رأيك
حلو وجميل
ولا فى عشوائية

فكرت تغير فيى شكلة

للأفضل

*
طيب بلكونة بيتك
عنوان ليك
فكرت تعمل حاجة مفيدة للبيئة من خلال
زرعة ووردة

ولا سايبها كدة

سادة
زى القهوة السادة

*
طيب
الحى اللى انتا فية
فى دار ايتام
طيب فكرت يوم تزور الاولاد اللى فية
ولا سايبهم كدة
كأنهم مقطوعين من شجرة محبة اهل مصر

طيب
اطفال السرطان
بتفكر فيهم
اكيد
فكرت مرة تروح ليهم
فكرت مرة تتبرع بنقطة دم واحدة
لاى مريض من مرضى سرطان الدم
ولا بتكتفى بالدعاء فقط

مش بيقولو ان الدين معاملة

*
طيب
عندك صندوق للقمامة فى بيتك
اكيد
طيب
بتشترى كيس خاص للقمامة
ولا لسة
اى كيس بيقضى الغرض
ويا ترى لسة برضو بتخرجها فى اى وقت
ولا فى اوقات محددة

*
طيب
كل يوم
بتروح وتيجى
بتشوف على باب بيتك
شوية تراب
ياترى بتتركة وتمشى
وكأنة مشهد عادى اتعودت علية
ولا بتنفض التراب عن الباب
زية زى الفرش اللى بتنام علية وتهتم بية

*
تعالو نتكلم
تعالو
نفكر بصوت عالى
ونبتدى بنفسنا

نغير اللى احنا فية

*
مين يحب ينضم لينا هنا

عشان نقول بجد
حلوة يامصر

/ شريف الحكيم /

يسعدني أن أكون أول المنضمين
بصراحة شيء جميل
دعوة حلوة علشان نخلي مصر حلوة
يلا بينا نبدأ
لو كل واحد بدأ بنفسه حنلاقي تغيير ملحوظ
عن نفسي عملت حاجات من دي بس مش كلها
لكن بالتشجيع نقدر كلنا نغيبر مصرنا
شكرا ليك أستاذ شريف على هذه الدعوة الجدية
المفيدة من أجل بيئة أنظف ومستقبل أجمل

السلام عليكم
فعلا محتاجين للتغير
تغير من اجل منظر جميل
تغير من اجل محيط نعيش فية من غير ضوضاء
تغير من اجل مناخ نظيف نستنشق فية شوية هواء نظيف ونشم فيه رائحة شجرة فل او عنبر ليل بدل من رائحة عادم سيارة او حريق شوية ورق فى الشارع
نفسى فى فكرة اعملها فى الشارع بتاعى
ندهن ابواب الشارع كلها بلون واحد يكون لون مبهج
يبقا شارع مميز بلون ابوابة

اسمحو ان انضم ليكم هنا
ومن اليوم هكلم جميع اصحابى
ممكن نعمل اية فى الشارع

اشكركم على هذا الطرح
مصطفى

زائر

كتير بنقول حلوة يا بلدي عشان بلدنا فعلا حلوة، بس في كتير ما يعرفوش مصر جميلة قد ايه، و في أكتر ما فكروش يقولوا حلوة يا بلدي بالفعل مش بالكلام".... ده باختصار تعريف لفكرتهم...فكرة مجموعة من الشباب رفعوا شعار "حلوه يا بلدى بس مش بالكلام لا بالفعل
بارك الله فيك وفى افكارك

حلوة يا مصر بقلم شريف الحكيم 004i053VrFZ

حلوة يا مصر بقلم شريف الحكيم 004i053VrFZ

حلوة يا بلدى
لو كل واحد ما رماش ورقة فى الطريق

حلوة يا بلدى لو بطلنا نعاكس فى الطريق

حلوة يا بلدى لو لقيت طفاية سجاير فى الشوارع والطريق

حلوة يا بلدى لو كل ست تبطل زعيييييييق

حلوة يا بلدى لو شفت شجرة موردة فى كل 10 متر طول الطريق

حلوة يا بلدى لو شفت كل بضاعة جوة المحل مش برة فى الطريق

عوزين نقول حلوة يا بلدى بجد
مش بالكلام
فى الحقيقة مش الاحلام

فكرة حلوة يا استاذ

حلوة يا بلدى
لو كل واحد فينا شاف الصح وعملة

حلوة يابلدى بناسك لو اخلصو ليكى زى العابد والناسك

حلوة يا بلدى

حلوة يا بلدى؟ اكيد طبعا حلوة بشعبها الطيب الاصيل بنيلها الاصيل بكل حاجاة فيها سواء ايجابية او سليبة لانها مصر والله بفتخر انى مصرية

حلوة يا مصر
لو كل يوم مبتسة
حلوة يا مصر
واسمك نسمة
حلوة يا مصر
لو كل واحد فينا
عمل اللى عالية
صباح الخير يا حبايب مصر
فين مشاركتكم
د / اية

حلوه يا مصر
لو كل اب وكل ام عرفو اولادهم بيتعلمو اية فى المدرسة

حلوة يا مصر
لو كل مدرسة اهتمت بالرياضة للولاد

حلوة يا مصر
لو كل واحد عمل الصح نحو نفسة واسرتة وبلدة

حلوة يا بلدى دائما بعيونى

حتى لو هبيع من اجلك هدومى

بدور كتير على راحتك

وبنسى جرحك

جرحك من ناس عايشه فيكِ

لكن للآسف فاكرين انهم أشتروكى

بيبيعوا فيكِ كل ثانيه

بس من اليوم مع كل تعبى منك

هسهر على راحتك

اعمل كل شىء ممكن

يخليكى قطعه من فرنسا

أنتِ يا بلدى

تسلم يا شريف على الكلمات

بجد ردت الروح وشعرت بالإنتماء أكتر مما فات

سلمت يداك

عاشورا
ومطوة
وسيف
وسنجة
وساطور
وسكينة
وموس
وشومة

نفسى اشوف مصر من غير دول
ياترى عندك حاجة منهم

مع اني مش مصرية
الا انه شدني الموضوع
و شفت كم حجم حب المصريين لبلدهم
و هما حابين يعملوا حاجة يثبتوا حبهم لبلدهم
و بأي وسيلة
فهنيئا لمصر بشعبها الجميل
و بتمنى كل واحد منا يحب بلده بجد
مش بالكلام و الشعارات فقط

عزيزي شريف
الله يحفظكم لمصر
لك تحياتي وودي

اهلا بيكم
من جديد
فكرين موضوعنا
اكيد فكرين
واكيد احنا محتاجين لتفعيل الحب لمصر
من الكلام للعمل
كان دائما بنقول لسه هناك امل
طيب فين الافكار
ياترى عملنا حاجة
اكيد عملنا
بس لسه هناك كتير يتعمل
حلوة يا مصر
مش بالكلام
بالعمل

شريف الحكيم
حلوة يا مصر بقلم شريف الحكيم 507_7elwa-ya-balady

حلوة يا مصر بقلم شريف الحكيم 507_7elwa-ya-balady

» الحقيقة بقلم شريف الحكيم
» ذات خريف بقلم شريف الحكيم
» هل نحن بغبغانات // بقلم شريف الحكيم
» وللخريف رياح وسعادة بقلم شريف الحكيم
» سيدنا بلال رضى الله عنه / بقلم شريف الحكيم

قلم شريف الحكيم

اهلا بكم
جميعنا شاهد وتابع بقلق ما حدث فى منتجع سياحى فى تونس ومن قبله حادث المتحف
وكلا المشهدين واحد فالجناة سارو وعبرو ابواب وطرقات دون ان يستوقفهم احد او يشاهدهم احد …

[ قراءة كاملة ]

صباح الخير يا وطن

ان الله جميل يحب كل جميل

ان ظاهرة التحرش التى نسمع بها او نشاهدها هى ناتج طبيعى لانحطاط فى الاخلاق والسلوك يعيش معنا ونتعلمه ونشاهدة كل لحظة فى كل فلم ومسلسل واعلان وعناء نشاهدة ونسمعة وتنتقل عدواه …

[ قراءة كاملة ]