أنا مين ؟؟

موضوع: أنا مين ؟؟ الأحد أكتوبر 07, 2018 7:32 am

أنا مين ؟؟؟
ــــــــــــ
أنا النجمة اللي في ليلك
ماليها الخوف
وأنا اللي حرف من أسمك
وعاش محذوف
وأنا الدمعة اللي في عنيكي
لكن بره حدود الشوف
وأنا العاشق ومن بعدك
يموت ملهوف
***

وأنا السيف اللي في الشدة
بكون مسنون
وأنا الدرع اللي حاميك من الأخطار
مهما تكون
وأنا الحضن اللي مالي
عليكي كل الكون
وأنا اللي ف حبك أتدروش
صبح مجنون

***
وأنا النهر اللي راويكي
عمره حُب
وأنا النبتة اللي في ترابك
دموع بتشب
وأنا طيرك و بخلانه
عليه بالحَب
وأنا اللي بنيت عشانك
عرش جوا القلب
***

وأنا الشمس اللي في سماكي
ما بتغيب
وأنا اللي مات عشان حلمك
يبقى قريب
وأنا بعداني عن حضنك
وضَمه غريب
وأنا هلالك على المادنة
في حضنه صليب

***********

قلم شريف الحكيم

اهلا بكم
جميعنا شاهد وتابع بقلق ما حدث فى منتجع سياحى فى تونس ومن قبله حادث المتحف
وكلا المشهدين واحد فالجناة سارو وعبرو ابواب وطرقات دون ان يستوقفهم احد او يشاهدهم احد …

[ قراءة كاملة ]

صباح الخير يا وطن

ان الله جميل يحب كل جميل

ان ظاهرة التحرش التى نسمع بها او نشاهدها هى ناتج طبيعى لانحطاط فى الاخلاق والسلوك يعيش معنا ونتعلمه ونشاهدة كل لحظة فى كل فلم ومسلسل واعلان وعناء نشاهدة ونسمعة وتنتقل عدواه …

[ قراءة كاملة ]