ابو منه عضو مميز
عدد المساهمات : 597 تاريخ التسجيل : 24/01/2010 العمر : 48
| موضوع: أنا مين ؟؟ الأحد أكتوبر 07, 2018 7:32 am | |
| أنا مين ؟؟؟ ــــــــــــ أنا النجمة اللي في ليلك ماليها الخوف وأنا اللي حرف من أسمك وعاش محذوف وأنا الدمعة اللي في عنيكي لكن بره حدود الشوف وأنا العاشق ومن بعدك يموت ملهوف ***
وأنا السيف اللي في الشدة بكون مسنون وأنا الدرع اللي حاميك من الأخطار مهما تكون وأنا الحضن اللي مالي عليكي كل الكون وأنا اللي ف حبك أتدروش صبح مجنون
*** وأنا النهر اللي راويكي عمره حُب وأنا النبتة اللي في ترابك دموع بتشب وأنا طيرك و بخلانه عليه بالحَب وأنا اللي بنيت عشانك عرش جوا القلب ***
وأنا الشمس اللي في سماكي ما بتغيب وأنا اللي مات عشان حلمك يبقى قريب وأنا بعداني عن حضنك وضَمه غريب وأنا هلالك على المادنة في حضنه صليب ***********
| |
|