ابو منه عضو مميز
عدد المساهمات : 597 تاريخ التسجيل : 24/01/2010 العمر : 48
| موضوع: برواز على الحيطة الإثنين أكتوبر 08, 2018 3:32 pm | |
| برواز على الحيطة
ــــــــــــ برواز على الحيطة فيه صورة كات ليا راجل وله هيبة والكعبة خلفية كل اللي باقي مني برواز على الحيطة في زواية منسية...
****
أنا اللي كنت طير في حضن السما بيطوف وناسج خيوط الأمل على ابعد حدود الشوف وحماسي كان بركان وحلمي في الإمكان لو حتى مهوش مألوف ****
وقطر العمر واخدني ولا بالي شاغله بال وعامل نفسي مش عارف بإنه مسيره يوم واقف مهما السفر بيه طال يمر اليوم من إيدي أقوله عدي يا سيدي دا بكره لسا جايلي سنين وعشت أقطف الأحلام وشموسي فاردة ع الأيام تروي بضيها بساتين والقطر بيا بيعدي ومع الأيام بيهدي وع البعد بدأت ألمح أخر رصيف ومر العمر من إيدي سحابة صيف وجناحي معتش يطير وعودي هزيل وضعيف ****
وضهري صار محنى ونظري في النهار تخاطيف وبقيت أخاف من بكره وبتعكز على الذكرى وجمايلي بقت نكره ومديحي صبح تعنيف وأحلامي أوراق شجر بتتمايل في فصل خريف وكنت أأمر وكنت أنهي وكان الكل يسمعلي معتش حاجة بإيديا ووجودي كأنه طيف ****
ومر زماني بيا ودار ورجعت كبداية المشوار محبوس بين حيطان الدار وعايشها كأني ضيف ****
وكل حقيقة في حياتي بقت خيالات وهمية وبقى اللي باقي مني برواز على الحيطة فيه صورة كانت ليا راجل وله هيبة والكعبة خلفية برواز على الحيطة في زاوية منسية *********** تحياتي
إسماعيل الطواب
| |
|