أمواج الأندلس أمواج عربية
أهلا ومرحبا بك زائرنا الكريم، إذا كانت هذه زيارتك الأولى للمنتدى، يشرفنا أن تقوم بالتسجيل اذا رغبت بالمشاركة في المنتدى، أما إذا رغبت بقراءة المواضيع فتفضل بزيارة القسم الذي ترغب أدناه
عزيزى الزائر يسعدنا ان تنضم الينا وتلحق بنا
كى تفيد وتستفيد بادر بالتسجيل مع اطيب الامنيات ادارة المنتدا
ورجاء التسجيل باسماء لها دلالية الاحترام



وطن واحد هدف واحد قلب واحد قلم واحد تلك هى حقيقة أمواج الاندلس
 
أمواج الأندلسأمواج الأندلس  الرئيسيةالرئيسية  التسجيلالتسجيل  دخولدخول  افضل موقع لتعلم الجرافيكافضل موقع لتعلم الجرافيك  أضغط وادخل وابحثأضغط وادخل وابحث  

شاطر | 
 

 فؤاد حداد فى الجزء الثانى 53 قصيدة بعنوان الاراجوز

اذهب الى الأسفل 
انتقل الى الصفحة : الصفحة السابقة  1, 2, 3
كاتب الموضوعرسالة
شريف الحكيم
عضو فعال
عضو فعال
avatar

عدد المساهمات : 4050
تاريخ التسجيل : 19/12/2009

مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   الخميس فبراير 11, 2010 12:23 am

قافيه حسابيه في شئون التربيه
يقول واد من ولادي
مش حاقدر الليله دي
أنقل ألف باء

أصل الناظر باعتنا
نقول يا بابا غيتنا
أصل الأبله بتاعتنا
ما تحبش الغباء

إدّتني فوق صوابعي
خمسه و عشرين عصايه
الواد يلعب في عينيه
: يرضيك يا بابا دمعي
: عاوز إيه يا ضنايا ؟
: أنا عاوز ربع جنيه
: ليه ؟
: لمجلس الأباء
الرجوع الى أعلى الصفحة اذهب الى الأسفل
http://amoaagsherif.ahlamontada.com
شريف الحكيم
عضو فعال
عضو فعال
avatar

عدد المساهمات : 4050
تاريخ التسجيل : 19/12/2009

مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   الخميس فبراير 11, 2010 12:25 am

العبقريه السينمائيه
كانت ماشيه مش شايفه تحتها
و كانت راكبه مش متّعتعه
و فاكره الحكايه للأبد
مين ؟ العبقريه السينمائيه
الحيوانه البرمائيه
القرشانه الرأسماليه
و اهبد يا نبوتي عاش من هبد

كانت مشيه مش شايفه تحتها
و كانت راكبه مش متّعتعه
و تقول وحياة المسقعه
مش حتقدر لي أخينا
لكن طلعت من بعيد تخينه
و من قريّب رفيعه
و اهبد يا نبوتي عاش من هبد

كانت مشيه مش شايفه تحتها
و كانت راكبه مش متّعتعه
و كانت حجّاله بنت حجّال
و ورثت أفراح الأنجال
وكانت سُرّتها فنجال
و في الفنجال زوبعه
و اهبد يا نبوتي عاش من هبد

كانت مشيه مش شايفه تحتها
و كانت راكبه مش متّعتعه
و دلوقتي العيون المكّاره
اللي كانت خمر السكارى
بتقول أنا كُلّي بكاره
و طول حياتي مستعرضه
و اهبد يا نبوتي عاش من هبد

كانت مشيه مش شايفه تحتها
و كانت راكبه مش متّعتعه
ـ يا أرا... أرا .. أراجوز
ـ يا قرا .. قرا .. قرشانه
كان صوتك زي المترليوز
ضدي و الاّ بقيتي معانا ؟
أدينا يا حلوه في المعمعه
و اهبد يا نبوتي عاش من هبد
الرجوع الى أعلى الصفحة اذهب الى الأسفل
http://amoaagsherif.ahlamontada.com
شريف الحكيم
عضو فعال
عضو فعال
avatar

عدد المساهمات : 4050
تاريخ التسجيل : 19/12/2009

مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   الخميس فبراير 11, 2010 12:27 am

جولد ماير
أنا عندي مسرح واقعي و تقريري
أبطاله بيقولوا على لساني
كلام يحبّوا عادةً يخفوه
ناقد كَتب عني وعن فني
بالترجمه الحرفيه ما معناه
أسفت خالص بلطجان اتفوه
و الناقد التاني رَطَن بالضاد
و السجع طَنْطَن كتِّفوه انفوه
ما تخفش يا ابني لعبة الأضداد
الناقد الرابع و كان رائع
كَتب بحكمه و مَعْلَمه : اشفوه
و الناقد الغير المحبّ الخير
راكب أسنسير الهرم انسفوه
بنوا العماره ونقدهم وظفوه
لو خدتهم ليلتين الى الحاتي
كانوا تخلوا عن ملاحاتي
فاقد دعا لي جَهْرَةً بالفصحى
موجهاً لي قوله المحبوكا
لا فُضَّ فوك فقلت لا فُضَّ فوه
يالا السلامه إرفعوا السلّم
أنا النهارده ناوي أتكلّم
بحس أخنف منّي ميت مرّه
و لاجل أتقن صنعة التهريج
كما نقول و يفعلون برّه
أخدت خا بالحيله و التخريج
خا من حا خام خامن خواجه جريج
و خا من المخبر في فم الخليج
واقف يراقب يافطة الشخاخيري
لا أعتزر لك عن سبب تأخيري
ظبطت لك آخر تمام منخيري
لو حد عاوز يلبس النظارات
يلبسها يا حضرات
العرض يبدأ في تمام النصّ
و إن جيت لكم و عيني متأخره
قد كنت في عربيه متوردةره
باتعلّم الخنفان مع الزمجره
و اتلخبط المكياج معاه الصوت
و مسحت بالزنجار من الطنجره
مناخيره خضرا زي برعم موت
أنا جولد ماير منتج الأفلام
يحلى الكلام بالكدب و الفشخره
أنا جولد ماير منتج الأفلام
يحلى الكلام باللوز و بالنَقْوَره
لسه الزمان ما يجبشي تاني لورا
إوعى تصدق قولة الشنفرى
فيه جنس يحبل كل ست شهور

و لا يمكنش الحاضر يحبل
بدل الماضي من المستقبل

يا سيدي الجمهور يادي الجمهور
يحلى الكلام بالإيه ؟ .. عليك النور
أنا جولد ماير منتج الأفلام
أعرض عليك كل حكايات العصور
هو التاريخ كان ليه ؟ سألتش نفسك
هو التاريخ كان ليه و مكانش ليه
و إن كان ماكانش أنا حاقول لك ماكانش
غيرر متعه للقلب الطري و العين
اللي حتتفرج عليه بعدين
انظر الى الإلياده و الإنياده
انظر الى الأوديسه دي الملحمه
البنت بنت البنت رايحه عياده
تهديها عفريت العريس و الحَمَا
دلوقتي نابليون حينزل يحارب
حاوشوشك في مخدع الجواسيس
الناس تموت لما القمر يبقى شارب
عارفك خسيس أنا أصْلي عارفك خسيس
أنا جولد ماير منتج الأفلام
و الفرفشه و الضحك و التخسيس
و قوس قزح مرجيحه الأحلام
في جزيره وسط البحر بين القوسين
تقرا المجله كل الف سنه
الشمس عريانه و متفستنه
دا فن إسمه الفني فانتستيك

حازغزغك خليك
ثابت على كرسيك
حاقلعك حاوردةيك
حافرجك ع الرقص في الموردةيك
الرجوع الى أعلى الصفحة اذهب الى الأسفل
http://amoaagsherif.ahlamontada.com
Alicia
مشرف الاهداءات والترفية
مشرف الاهداءات والترفية
avatar

عدد المساهمات : 329
تاريخ التسجيل : 30/01/2010

مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   الثلاثاء مارس 02, 2010 1:07 pm

بابا زمان كان عندة كتاب للاستاذ فؤاد حداد
كنت بخدة اقراء فية
وخصوصا فى رمضان والاجازة
ولما نسافر اسكندرية
مرسى كتير لحضرتك
اليسيا

~~~~أذكر الله~~~~


الرجوع الى أعلى الصفحة اذهب الى الأسفل
 
فؤاد حداد فى الجزء الثانى 53 قصيدة بعنوان الاراجوز
الرجوع الى أعلى الصفحة 
صفحة 3 من اصل 3انتقل الى الصفحة : الصفحة السابقة  1, 2, 3

صلاحيات هذا المنتدى:لاتستطيع الرد على المواضيع في هذا المنتدى
أمواج الأندلس أمواج عربية  :: الشعر العامى-
انتقل الى: