أمواج الأندلس أمواج عربية
أهلا ومرحبا بك زائرنا الكريم، إذا كانت هذه زيارتك الأولى للمنتدى، يشرفنا أن تقوم بالتسجيل اذا رغبت بالمشاركة في المنتدى، أما إذا رغبت بقراءة المواضيع فتفضل بزيارة القسم الذي ترغب أدناه
عزيزى الزائر يسعدنا ان تنضم الينا وتلحق بنا
كى تفيد وتستفيد بادر بالتسجيل مع اطيب الامنيات ادارة المنتدا
ورجاء التسجيل باسماء لها دلالية الاحترام



وطن واحد هدف واحد قلب واحد قلم واحد تلك هى حقيقة أمواج الاندلس
 
أمواج الأندلسأمواج الأندلس  الرئيسيةالرئيسية  التسجيلالتسجيل  دخولدخول  مدونة أمواج صغيرةمدونة أمواج صغيرة  أضغط وادخل وابحثأضغط وادخل وابحث  

شاطر | 
 

 فؤاد حداد فى الجزء الثانى 53 قصيدة بعنوان الاراجوز

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3  الصفحة التالية
كاتب الموضوعرسالة
شريف الحكيم
عضو فعال
عضو فعال
avatar

عدد المساهمات : 4036
تاريخ التسجيل : 19/12/2009

مُساهمةموضوع: فؤاد حداد فى الجزء الثانى 53 قصيدة بعنوان الاراجوز   الأربعاء فبراير 10, 2010 3:55 pm

الطرطور
كان عندي طاقيه طاقيه شقيه
من شَقَاوتها بَقِتْ طرطور
طار طور
اعْرَضّ العرض و طال الطول
طال طول
كان عندي طاقيه طاقيه شقيه
من شقاوتها بقت طرطور
....
أنا شلت العالم على راسي
و اتْقَلْقَلْت مع استحراصي
و سألت عن الثور العاصي
العالم قال لي ما تدُور
دار دُور
كان عندي طاقيه طاقيه شقيه
من شقاوتها بقت طرطور
....
موسم الحَشّ ان بان له أماره
ما تجحَّش مع الحَمَّاره
ودنك وآخده على الزُمَّاره
تدلدل من فوق السور
صار صور
كان عندي طاقيه طاقيه شقيه
من شقاوتها بقت طرطور
....
ياللي كفرت بالإشتراكيه
و المكنه التشيكوسلوفاكيه
بالتذكره كما بالتزكيه
بالمتشقلب بالمعدول
دال دول
كان عندي طاقيه طاقيه شقيه
من شقاوتها بقت طرطور
....
قرن التور على قرن الباميه
لون الورد احمر على بامبه
شُفنا الشمس بتعمل لمبه
و ألف فراشه حرقها النور
نار نور
كان عندي طاقيه طاقيه شقيه
من شقاوتها بقت طرطور
....
الست في عينك علي سته
الهدمه تزهّر ع الجتّه
اِتاكل من مخك حته
و العاقل باع المعقول
قال قول
كان عندي طاقيه طاقيه شقيه
من شقاوتها بقت طرطور
طار طور
الرجوع الى أعلى الصفحة اذهب الى الأسفل
http://amoaagsherif.ahlamontada.com
شريف الحكيم
عضو فعال
عضو فعال
avatar

عدد المساهمات : 4036
تاريخ التسجيل : 19/12/2009

مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   الأربعاء فبراير 10, 2010 3:57 pm

د. سعد
كلامى فى واحد دكتور
بعت لعيلته تلات اسطر
.. اطيب تحية و اما بعد
انا ابنكم : الدكتور سعد
ورا الستارة اخدت لى دُش
نَشِّفْتْ جسمى بالبشكير
قعدت قعدة فى ركن العش
قررت من بعد التفكير
ما ارجعش تانى للدبان
و اعيش هنا فى ظل سوبر مان
وبلغوا اختى بهانة
سلام مراتى سوبرمانة
على فكرة اسمى بتنطقة سد
مافيش لزوم اتلقى الرد
ـ يا دمك الشهد بيُقْطُر
بعت لعيلته تلات اسطر
***
رديت عليه بالمستعجل
على شريط فنى مسجل
على الاثير صوتى يجلجل
خسارة فيك التربية
شقا الايدين الفلاحة
خسارة شغل الترزية
فى بدلتك يا متقيف
اخدت دُش و متليف
قعدت قعدة بالراحة
عندك شتا والاّ مصيّف
بقى البلاد السفاحة
خدودها زى التفاحة
بقى انت عاوز تكيّف
بقى انت مش قادر تصبر
بعت لعيلته تلات تسطر
***
يا ايها الولد المبعوث
يا خايب الرجا يا متعوس
من حق تغوى بلاد بره
و من بلادك تتبرا
عشان هنا عندنا دبان
و عندنا جبهة و ميدان
و عندنا اشتراكية كمان
خايف لنكشف بالمجان
خايف تناوب فى مبره
على يمين شق التعبان
خايف لتيجى تروح محدوف
وحدك فى وحدة فى نجع شادوف
وسط الكفور المغبرة
ما بينه قنا و ما بين الاقصر
بعت لعيلته تلات اسطر
***
سلام ميوصلكش سلام
من الحمام فى ابراجه
يا غاوى راحة و استجمام
لازم هناك اهل شيكاجو
العصبجية بيحتاجوا
لطب سعد و علاجه
ريّل على عظم دولارهم
الهى تتهنا بنارهم
نينتك هنا يا سعد سعود
ابوك شرحلها افكارهم
وصف لها جنة هليود
حكى لها عن تمييز السود
يا اللى انت ابيض مش مولود
قعدت تقول ربنا يستر
بعت لعيلته تلات اسطر
الرجوع الى أعلى الصفحة اذهب الى الأسفل
http://amoaagsherif.ahlamontada.com
شريف الحكيم
عضو فعال
عضو فعال
avatar

عدد المساهمات : 4036
تاريخ التسجيل : 19/12/2009

مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   الأربعاء فبراير 10, 2010 3:59 pm

واحد من اتنين ما يعجبوش العجب
كلامى فى إن الفاضى
قبل المعاش يعمل قاضى
يقعد على القهوه قصادى
يُطلُب عجمى
و يقول عجبى
أنا بالعربى
كدا مش راضى
مش راضى عن أيها حاجه
أيها حاجه
لا التربيه ولا التوعيه
و لا أغنيه عن الزراعيه
و لا بنت تركب دراجه
و لا الشئون الاجتماعيه
تصرف اعانه لمحتاجه
و لا طابور الجمعيه
و لا السمك فى التلاجه
و أقول له نهضه صناعيه
يقول لى ايه يعنى يعنى
سمعنى صوتك سمعنى
يُطلُب عجمى
و يقول عجبى
أنا بالعربى
كدا مش راضى
والسد علاّه البَانى
بيعجبك – لأ يا إبنى
مخدته مش عجبانى
و لا الستاره بتعجبنى
ما فيش و لا حاجه بترضيه
لا قولة الشعب العامل
و لا نزع ملكية اراضيه
بكل ذوق و أدب كامل
المستفيد المتحامل
ما يعجبوش كل الذى فات
ما يعجبوش كل الذى جي
ما يعجبوش سوبر فوسفات
و لا الهرم بالصوت و الضي
و بس قادر يستحمل
يفضل يعيش فى بلد تهمل
المسرح الاستعراضى
يُطلُب عجمى
و يقول عجبى
أنا بالعربى
كدا مش راضى
لا مينى عاجبه و لا ماوردةي
و لا التروللى و لا التاوردةي
إن قلت لأ يقول ايوه
طلبت شاي يطلب قهوه
شمال يمين على طول عوردةي
ان قلت له مثلاً مثلاً
الدنيا حر – بقى لى زمان
يقول نجيب الدفايه
و ان قلت له مثلا مثلا
- ما اشبعش من صوت الكروان
و اقول لثومه اعد و كمان
اقفل لنا الراديو كفايه
-الحق واضح – لأ غلطان
يا ابنى دا كله خفايا
-الشعب ضدك و هو الآن
- الشعب سُذج و حَفايا
-ما تتحمقش جتك غليان
باين على وشك زعلان
-اللى انت شايفه دا قفايا
اِلْزَقْ عليه آخر اعلان
عن اللى عايش فى الماضى
يُطلُب عجمى
و يقول عجبى
أنا بالعربى
كدا مش راضى
الرجوع الى أعلى الصفحة اذهب الى الأسفل
http://amoaagsherif.ahlamontada.com
شريف الحكيم
عضو فعال
عضو فعال
avatar

عدد المساهمات : 4036
تاريخ التسجيل : 19/12/2009

مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   الأربعاء فبراير 10, 2010 4:01 pm

شق الكيعان
شوف اللي ماشي متشعبط
قال دا اللي ماشي مش أعبط

راكب يقول أما حكايه
و قصه لسه بلا نهايه
الكمساري دا اللي معايا
سمحت له يتريق لي
قام حَط عقله في عقلي
و قلت رأيي و قال رأيه
و اصواتنا عليت في الراديو
مين اللي فينا بدأ يغلط

شوف اللي ماشي متشعبط
قال دا اللي ماشي مش أعبط

الكمساري قال يا اسيادي
و طبعي و ياكم هادي
أما الصغير زي ولادي
أما الكبير أهو دا عمِّي
دمه إن غلي ما غليش دمي
أما اللي جِيلي من جيله
أول ما يزعل أنا اجي له
و اناوله ضحكه و ادي له
من الكلام اللي يِهَبَّط

شوف اللي ماشي متشعبط
قال دا اللي ماشي مش أعبط

من بعد ما طلع الطلعه
و شايل اقفاصه مرابعه
و معاه عيال آخر طبعه
سأل سؤال و جاته اللوعه
لطم و قال يادي الواقعه
بَقى دا تمانيه مش سابعه
بقى يعني مش رايح القلعه
أتاري ودني ماهيش سامعه
ودماغي في السقف بتخْبَط

شوف اللي ماشي متشعبط
قال دا اللي ماشي مش أعبط

الكمساري قال آه ياني
أزعق بصوتي الحيّاني
و أشق فيكم بكيعاني
وعيني تمشي مع وداني
وليه بقى يا أخواني
فيه ناس هنا مش سامعاني
و ناس كمان مش شايفاني
لازم أنا واحد تاني
و ناسي نفسي و متلخبط

شوف اللي ماشي متشعبط
قال دا اللي ماشي مش أعبط
الرجوع الى أعلى الصفحة اذهب الى الأسفل
http://amoaagsherif.ahlamontada.com
شريف الحكيم
عضو فعال
عضو فعال
avatar

عدد المساهمات : 4036
تاريخ التسجيل : 19/12/2009

مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   الأربعاء فبراير 10, 2010 4:03 pm

طقطق سلام
آه يا حماتي يا حياتي
يا طيبه زي حالاتي

مالك يا بنتي يا روح بنتك
مالك يا نينتي يا روح نينتك
خسْست نفسي و سمّنتك
أكلت حته من كبدي
مبطنه بالحنّيه
حب الضنى يشفي و يهدي
اتهنّي يا متهنيه
وهاتي بوسه و خُدِي بوسه
أيوه كدا قُوُلِي قولي
يا أم طيري و زغلولي
يا حنجره فضه و لولي
يا جوهره تزين الجوهري
الراديو فاتح ع البحري
سمع صواتك و صواتي

آه يا حماتي يا حياتي
يا طيبه زي حالاتي

ولسه جايّه من الصاغه
و لسه قاعده كمان ساعه
وهاتي بوسه و خدي بوسه
و خمسه فل على نهارك
أحلى الحلاوه من نارك
تعالي يا اختي نتعارك
يا لهوتي أما دي لهوه
شربت من إيدك قهوه
ابنك يا نينه حيتعود
نود بعض و نتودود
طقطق سلام و سلام طقطق
لعب الحواجب على أَصلُه
الحق ما يحطش مَنْطَق
لمّا الفنون تترقص له
و أنا الأديب الأدباتي
تلت التلاته يا اخواتي

آه يا حماتي يا حياتي
يا طيبه زي حالاتي

بنت الحلال يا مصفيه
كل اللي فيكِ هاتيه فيّه
الأوله فارده ملايه
من الأغاني العاطفيه
و التانيه فحله و بطلايه
في الشر زي الحنفيه
و هاتي بوسه و خدي بوسه
من إنوردةاركم يا وَلاَيَا
الشاشه راحت مطفيه
و أنا الأديب الأدباتي
حلقت آخر شنباتي

آه يا حماتي يا حياتي
يا طيبه زي حالاتي
الرجوع الى أعلى الصفحة اذهب الى الأسفل
http://amoaagsherif.ahlamontada.com
شريف الحكيم
عضو فعال
عضو فعال
avatar

عدد المساهمات : 4036
تاريخ التسجيل : 19/12/2009

مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   الأربعاء فبراير 10, 2010 11:05 pm

لَوْلَب ياباني
كلامي عن أعظم مَعْرَض
بايت و صابح مستورد

أصل الحكايه و كان ياما كان
اليافطه في صدر الدكَّان
مكتوب عليها نَتحَدَّى
بحرف دال وعليه شَدَّه
أَكِنّ بحر من المهاويس
عمّي الأشارجي فتح له هاويس
راح الميدان مشفوط شفطه
و كلّه طاير ع اليافطه
و طرت أنا حركات بركات
و شفت في البترينه حاجات
منظرها وَحْدُه موسيقى
مقامها بمقام السيكا
أشكال و ألوان بتزغرد

كلامي عن أعظم مَعْرَض
بايت و صابح مستورد

الفن راح نُصه تجاره
و العين لازم لها نظاره
والكهل مش قادر يِسْلَى
أيام ما كان ياكل نِسْلَه
ومعلقه فضه و شوكه
و معلقه صيني و تُوكَه
و مرايه من جوه مرايه
حتى الباروكه بفَلاّيَه
فن التجاره صحيح يِخْيِل
خلَّى العجوزه تستعْيِل
خلّى المريضه تستمرض

كلامي عن أعظم مَعْرَض
بايت و صابح مستورد

يا دنيا مالك يا دنيا
يا دبابات جنب كولونيا
يا ألف صنف و تفنينه
آه يا اللي ريقنا يجرينا
يا محَوّدين ع الناحيه دي
يمكن رفوف البترينه
طياره تضرب أولادي
سَرَّحت قلبي على الوادي
و لبست من مصر نسيجها
وفُلَّها و بنفسجها
إنتاج بلادنا جميل جداً
و الديك جميل اللي بيدن
على الغيطان الوطنيه
من غير لوالب يابانيه
و انقر يا منقار زغلولي
جميزة الخاله سنيّه
انقر بِسنّه دهب لولي
وسنّه ضحكت بمجرد

كلامي عن أعظم مَعْرَض
بايت و صابح مستورد
الرجوع الى أعلى الصفحة اذهب الى الأسفل
http://amoaagsherif.ahlamontada.com
شريف الحكيم
عضو فعال
عضو فعال
avatar

عدد المساهمات : 4036
تاريخ التسجيل : 19/12/2009

مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   الأربعاء فبراير 10, 2010 11:06 pm

خُنْفِس

أبوعلى : كلامي في حِنْجِل بِنْجِل
زي الغراب ماشي بيحجِل

يا واد كأنه صَبَح وَادَه
و كان فؤاد و بقى فؤاده
يا مستفيد فوق العاده
من حُب ماما في المنزل

و بابا بابا ما يتعيّب
طول عمره راجل متجيّب
و لار? في الأفكار ديّه
و ??ور كمان في التربيه
فايت قديمُه لجديدُه
من غير ما حتى تبوس إيدُه
من إيده يومياً تقبض
و ليه بقى يا ولد يا ابيض
لابس خانفسي و مبهدل ؟

الخُنفس : ألبس مبهدل و خَنَافْسِي
يا عم أنا حر في نفسي
أسَلِّي كيفي و اشوف طقسي
لا عقلي ناقص و لا زايد
ما احتاجش أُومُو و لا تَايِد
لعب الشباب كلُّه فوايد
و مخ جيلي ما هوش مخجل

أ ع : الواد عيونه بَصَّاصه
بالغدر تحدفني رصاصه
لاقُصّ بمقصي قُصاصه
من شَعر راسُه اللي مُهَدَّل

خ : يا عم مين عملك قاضي
كل الفلاسفه في الماضي
رَخِتْ شُعورها و لحيتها
و لا حد قرب ناحيتها
يا عم إنت إيه صفتك ؟

أ ع : الشَعر يعني فلسفتك
شمشون فتك سقراط أفتك
بتتعوج و الاّ بتعدِل

أ ع : يا إبني دا لزوم اللحيه
الفيلسوفه تكون بيضا
فَقَسْت إمتي من الدحيه
طلعْت إمتي من البيضه
مش غايته أوِّلة إمبارح

خ : باين ما بتروحش السيما
كل الكلام دا مالوش قيمه
يا عمّ عمّ يا عمّ انت
باين عليك دَقَّه قديمه

أ ع : باين عليك مَيَّه جَتك غمّ
مافيكش ريحة ريحة الدمّ
إوعك تقولي تاني يا عمّ

خ : حاضر حاقولك يا أُونكل

أ ع : فاكرلي نفسك واد خفَّه
يا خنفس أخنف يا أبو شِفّه
روح يا غبي شوفلك حِرْفَه
بِدال ما تمشي تِتْقَصَّع
شوف الأيادي في المصنع
شوف اللي بتشيل المدفع
إيدين بتحمي أوطانها
و إيدين بتزرع في غيطانها
و ناس بتمشي مع شيطانها
زَيَّك و زَيَّك تستندل
الرجوع الى أعلى الصفحة اذهب الى الأسفل
http://amoaagsherif.ahlamontada.com
شريف الحكيم
عضو فعال
عضو فعال
avatar

عدد المساهمات : 4036
تاريخ التسجيل : 19/12/2009

مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   الأربعاء فبراير 10, 2010 11:08 pm

الواقع في الواقع

في ألف ليله قمر لالا
و السندباد و الدَلاَّلَه
الشرق روحاني ؟ لا لا
كلام ما بيعمرش المُخ

الشرق روحاني مُتّزِن
كمثل سيف بن زي يَزن
آدي الكلام اللي يتوزن
و اللي يقول غير كدا بيْجُخ

أنا امّا جيت أرقص رقصه
سيف جابلي قافيه كانت ناقصه
طاير على جناحات عاقصه
جنّيه ما يطولهاش الرُّخ

دي تبقى رقصه خياليه ؟
لأ يا وَلِي و لأ يا وليه
دي سرحتي في غيمه عليّه
لكن دي حَتْمَطَّر و ترُخ

للفن جانب أمريكي
عشان كدا أنا تكتيكي
و إن كنت أحمر طاخ طيخي
لازم أتكتك قبل ما اطخ

و ان كنت أنا أحمر فاقع
طول عمري واقع في الواقع
سيف بن زي يزن الرائع
صاحبي من ايام دَح و كِخ

سيف بن زي يزن الشرقي
على خيال فوق المرئي
على جناح عاقصه البرقي
قال نزليني عايز اشُخ
الرجوع الى أعلى الصفحة اذهب الى الأسفل
http://amoaagsherif.ahlamontada.com
شريف الحكيم
عضو فعال
عضو فعال
avatar

عدد المساهمات : 4036
تاريخ التسجيل : 19/12/2009

مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   الأربعاء فبراير 10, 2010 11:10 pm

النقط فوق الحروف

أنا الأديب المتفقِّه
ما زلت أبكي و أُقَهْقِه
ما ضاق قلبي من دَقِّه
لكنُّ بَعْضَهُمُو ضاقا

يريدني إذْ أنا أهزج
أن استخف و استسذج
فلا أُقيمُ و لا أمزج
حساً بفكرٍ إِطلاقا

ما شاء فليقُل البعضُ
ما شاء أنملُهُ البضُّ
إني لأعلم ما البيضُ
كمن يقيس الأعماقا

ألا لكل من انتوردةا
أظلَّ بيضاً أم فَقسا
قلبي تعلمكم فَقَسَا
و كان سماً ترياقا

إن ضل قوم أو تاهوا
ما ضل شِعري مأتاهُ
تَنَفَّسَت قافياتاهُ
حريتي و الآفاقا

هذا لساني لن يعيا
لي أن أقول به الرأيا
لي أن أعيش و أن أحيا
و الشمس تشرق إشراقا

أقولُهَا ، لا أتَّئِدُ
لن تستطيعوا أن تئدوا
بنات قلبٍ يجتهدُ
و يستعيد الميثاقا
الرجوع الى أعلى الصفحة اذهب الى الأسفل
http://amoaagsherif.ahlamontada.com
شريف الحكيم
عضو فعال
عضو فعال
avatar

عدد المساهمات : 4036
تاريخ التسجيل : 19/12/2009

مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   الأربعاء فبراير 10, 2010 11:12 pm

الحروف تحت النقط
أستاذ شتا كيف المصيف ؟
أستاذ شتا مكتبي أكيف
في ركن جيبه ميتين أهيف
لا غير فقط

و أنا اللي راضي بقليلي
محتاج فقط إلى تعليلي
يا اشتراكيه قولي لي
من غير غلط

أستاذ شتا ماله و مالِك
مش كان باباه باشا و مالك
من قبل ما تبقى زمالك
يا مختلط

و مش ماماه كانت شيخته
ماماه تقول أنا هشكته
حطيت فلوسي في شخشيخته
بدل الزلط

مش دا اللي باشا ولد باشا
في وشه مرهم و بشاشه
فتان كأنه فتى الشاشه
نجم و سقط

بين البشر يخطر يخطر
و أموت انا و عاشا عاشا
أستاذ شتا يمدّ و يُقْطُر
وراه جيوش البكّاشه
تقول يا باشا و يا دكتور
و شِفّته الرقّه بتُقطر
وحاجبه كشّر بحماشه
هوّ انسخط

إلا ما يتكلّم عربي
تلاقي شفّته معووجه
زي اللي ينضغ في النُوجه
خَدُّه انشفط
بيتي انقحط

والاشتراكيه متوى
امثالنا يا استاذ شِتْوَه
قالت سَمَع ، من غير فتوى
و من غير غلط

إعرف يا إبني معروفي
أشتراكيه ظروفي
أمثال شتا يحطُّوا حروفي
تحت النقط
الرجوع الى أعلى الصفحة اذهب الى الأسفل
http://amoaagsherif.ahlamontada.com
شريف الحكيم
عضو فعال
عضو فعال
avatar

عدد المساهمات : 4036
تاريخ التسجيل : 19/12/2009

مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   الأربعاء فبراير 10, 2010 11:14 pm

بالناقص يا سيدي

لا بدّ واحد يتفنن
لحدّ غيره ما يتجنن

شحات يقول حسنه يا سيدي
كفايه مديت لم إيدي
ما تتحوجشي لضروره
وتشوف ولادك مضروره
و لا مريضه و ممروره
و لا سئيله و مُلِحَّه
يا افندي يدِّيك الصحّه
بتقول حالتنا ما تفرقشي
عوّمت فشتي على كرشي
يا افندي اضحك اضحك لك
عشان تشوف شكلي و شكلك
أهتم أنا و انت مسنّن

لا بدّ واحد يتفنن
لحدّ غيره ما يتجنن

الافندي قال هي سناني
تنفعني إيه هو أنا حَاكْلَك
من كتر غلبي و حناني
أنا ماليش قلب اضحك لك
عينك يا اخويه تشوف بيتي
دا أنا موظف كحيتي
الشهر كلُّه عرق و شقا
بلاش فضيحه كفايه بقى
آدي كل واحد قال رأيه
و اصوتنا عليت في الراديو
و الناس لابدّ حتتبيّن
مين اللي فينا متحيّن
مين اللي حاله بتحزّن
مين اللي كان حقه يحسّن
لاخوه بدال ما يتمسكن

لا بدّ واحد يتفنن
لحدّ غيره ما يتجنن

شحات يقول بقى دي عمايل
بقى لي ساعه باتحايل
و امدّ إيدي مش طايل
و الدنيا فينا بتتخايل
الفن عندك مش عندي
ما تحط كلمه يا الافندي
الافندي قال أنا مش قايل
ضحت له و قلت له هايل
تمثيلك البخت المايل
يا افندي روح الله يحنّن

لا بدّ واحد يتفنن
لحدّ غيره ما يتجنن
الرجوع الى أعلى الصفحة اذهب الى الأسفل
http://amoaagsherif.ahlamontada.com
شريف الحكيم
عضو فعال
عضو فعال
avatar

عدد المساهمات : 4036
تاريخ التسجيل : 19/12/2009

مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   الأربعاء فبراير 10, 2010 11:15 pm

أدب و دنيا
أنا الأديب أبو الأدبا
إسمي بإذن الله خالد
و شِعري مفرود الرقبه
زي الألف و رقم و احد
و الساعه سته في العتبه
و مسله من عهد تحتمس
واقفه بتَحَدِّي و تَحَمُّس

لكن أنا داير داير
داير بشِعري اللي حيلتي
داير على ولادي و عيلتي
و استفعلــي يا تفعيلتي
و خُشّي مُولِد بلا حُمُّص

نزور ضريح سيدي الرََّمّه
وست كان اسمها زمّه
في دنيا من حيث العِمّه
نهارها شيخ و الليل قُمُّص

يا لهوي منها و يا لهفي
مِن ناس بترطُن بالصَحَفِي
و ناس تقول و حياة شرفي
عشان عشا و عشان تُخْبُص

و أنا الأديب المُتَأَدِّب
غلبان وفني المُتَغَلِّب
ماكانش قلبي مُتَقَلِّب
و لا قميصي لِتَقَمُّص

و لا حرامي بيخَرْوِش
بضفر ناعم و يخربش
ما بين عيون صاحيه تبربش
و بين عيون نايمه بتعْمُص
الرجوع الى أعلى الصفحة اذهب الى الأسفل
http://amoaagsherif.ahlamontada.com
شريف الحكيم
عضو فعال
عضو فعال
avatar

عدد المساهمات : 4036
تاريخ التسجيل : 19/12/2009

مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   الأربعاء فبراير 10, 2010 11:17 pm

استيفا
حَقَّه يا لأه مسيرك آه
زي الوزَّه ما قالت كاه

أول كلمه الكَتَبَه كَتِيبه
شالوا زكيبه و حطّوا زكيبه
الدنيا الدواويني عجيبه
حَقَّه ...
قال أنا خادم بس مخاوفي
ليكون ورقك مش مستوفي
أو فيه مانع أو فيه ، أو في
حَقَّه ...
منتظرين تأييد الفتوى
صبرك لمّا تاخد لها غلوه
نتثبت نتقدّم خطوه
حَقَّه ...
آخر كلمه حنجري معاينه
نفتح محضر إمتى و أين
مانخليش الحق علينا
حَقَّه ...
الرجوع الى أعلى الصفحة اذهب الى الأسفل
http://amoaagsherif.ahlamontada.com
شريف الحكيم
عضو فعال
عضو فعال
avatar

عدد المساهمات : 4036
تاريخ التسجيل : 19/12/2009

مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   الأربعاء فبراير 10, 2010 11:18 pm

واحد تاني مش فاهم
و التاني ده منتوش نَتْشَه
حَلَنْجي و يخُش مُنَاقشه
في ديل فَرَس أصلُه مَنَشَّه
و يثبت إن العوردة صحيح

يقول دي مَرَّه و مرحومه
كانت قصايدك مَتْهُومه
و قُلْت غامضه و مفهومه
ما قُلتش إن الصُلب حديد

عايزني أَفَرّق بين (( غامضه ))
يقولها هو و بين (( غامضه ))
يقولها غيره و ألآبَنْضَه
و كدب كدب و كدب صريح

أَطَمّنَك يا مطمّني
تعرف تقول أحسن منّي
زي اللي غيرك خامينني
إكمني عيّ و إنت فصيح

و الشمس شمس الظهريه
فيها عوامل تعريه
و الدوامات الذريه
الشمس محتاجه لتوضيح
الرجوع الى أعلى الصفحة اذهب الى الأسفل
http://amoaagsherif.ahlamontada.com
شريف الحكيم
عضو فعال
عضو فعال
avatar

عدد المساهمات : 4036
تاريخ التسجيل : 19/12/2009

مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   الأربعاء فبراير 10, 2010 11:20 pm

و في تاسع دور
إحنا اللي قاعدين ع المكتب
تسع دكاتره بمرتب
تسعين دكتــور

تحت القزاز أُفقي و رأسي
القاهره نايمه عَرايسي
منظر و ديــكور

يحيا المزاج الوطواطي
السرّ سرّ في بير واطي
شغّال بمــوتور

حَسَن سلوكنا حَسَن سيرنا
أما الطلوع فأسانسيرنا
و علينا الدور

و الدنيا لسه حتتزلزل
أما النزول زيّ ما تنزل
لقمه من الزور

أما نزول غيرنا فَأَكِد
ما هوش هزار و لا بَنَكِت
وعد يا بلفور

نختم على غيرنا ونطبع
أما الطلوع زي ما يطلع
من روحه التور

خليك يا واد إنت و هوّه
في الهِوّ بالعربي الهوّه
بتمثل دور
الرجوع الى أعلى الصفحة اذهب الى الأسفل
http://amoaagsherif.ahlamontada.com
شريف الحكيم
عضو فعال
عضو فعال
avatar

عدد المساهمات : 4036
تاريخ التسجيل : 19/12/2009

مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   الأربعاء فبراير 10, 2010 11:22 pm

الحلو ما يِكْمَلْش
كمان كمان هات لي و هات لي
الشابه ناويه على قتلي

الشابه دي قبل ما اطرشق
عشقتها زي ما يعشق
واحد موظف فبراير
كانت قمر لابسه حراير
مشجَّره و مهراجنيّه
أما الخدود فجناينيه
و أما بُقها شربتلي

كمان كمان هات لي و هات لي
الشابه ناويه على قتلي

الشابه قالت عايزه لي
أربع مطارح لعْزالي
في حته شيك و جيران أشيك
عشان أكيد في عُذّالي
و أفرح أكيد و الاّ في رأيك
ما باستاهلش ؟ بتستاهلي

كمان كمان هات لي و هات لي
الشابه ناويه على قتلي

قالوا لي على واحد مالك
في حي قال اسمه زمالك
نظر في وشي و انا في رجليه
قال لي يا سيد قلت : يا بيه
كفايه أربعه ! أربعه إيه ؟
يا ابني أربعه ألف جنيه
شهقت آه بكرر لي عينيه
و قال لي فكّر و ابعت لي

كمان كمان هات لي و هات لي
الشابه ناويه على قتلي

الشابه لأ ما عجبهاشي
كلامها إيه قال مش ماشي
من بعد حنّيه و رقّه
بانت سنانها المزرقّه
قعدت تهاتي و تتفاخَر
و سمّعتني كلام آخَر
آدي كل واحد قال رأيه
و اصوتنا عليت في الراديو
الله بلطفه يتولّى
اللي في غرامِك يتولّه
و يلاقي بيت على طبطابك
الله يوردةب خُطّابك
و أنا أَدَوّر على مهلي

كمان كمان هات لي و هات لي
الشابه ناويه على قتلي
الرجوع الى أعلى الصفحة اذهب الى الأسفل
http://amoaagsherif.ahlamontada.com
شريف الحكيم
عضو فعال
عضو فعال
avatar

عدد المساهمات : 4036
تاريخ التسجيل : 19/12/2009

مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   الأربعاء فبراير 10, 2010 11:23 pm

يوماً فيوماً
أنا الأديب أنا القافي
و قد أُقَفِّي بالقافِ
ثقافة صنع ثقافي
تَسَامَحَتْ مَعَهُ الفصحى

أما الغراب فقافاه
صوتٌ له أشقى فاه
فاجعل إلى البين قفاه
و أخلص الأدب النُصْحا

يا أيها الفرد القائل
أنا الأديب المتفائل
اذكر من الليل أوائل
رأيت منهنّ الصُبْحا

و الشمس تشرق إشراقا
على دمٍ كان مُرَاقا
اُختٌ تنادي البرّاقا
حتي يرى جُرْحاً جُرْحا

سَيُدْرِك الشمس أخوها
يا جلدها إن سلخوها
يا آية إن يمحوها
يوماً فيوماً لن تُمْحَى
الرجوع الى أعلى الصفحة اذهب الى الأسفل
http://amoaagsherif.ahlamontada.com
شريف الحكيم
عضو فعال
عضو فعال
avatar

عدد المساهمات : 4036
تاريخ التسجيل : 19/12/2009

مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   الأربعاء فبراير 10, 2010 11:25 pm

واحد مش فاهم
أنا الأديب المتفائل
منقول سنه تانيه و ناقل
الفن تالته و مش سائل
مين يا تاريخ يوقف عَجَلك

لو بالتقاضي و حيث إنه
و الفهلوه و الذي منُّه
كان ب . ألف أشطر منُّه
كان ب . ألف يا تاريخ أَكَلك

قصدي حبيب من أحبابه
فرحان بروحه و شبابه
و جزمته فاهمه شرابه
يقولي مش فاهم زَجَلَك

أقول لُه أَجِّل في ميعاده
و اعمل على استبعاده
لابد الاتنين يتعادوا
شيء يا قَتَلْتُه يا قَتَلَك
شيء : السلام للي يسالمه
عليَّ سهم الله و سهمه
لابد الاتنين يتفهموا
نهار و ليل شعري و أجلك
الرجوع الى أعلى الصفحة اذهب الى الأسفل
http://amoaagsherif.ahlamontada.com
شريف الحكيم
عضو فعال
عضو فعال
avatar

عدد المساهمات : 4036
تاريخ التسجيل : 19/12/2009

مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   الأربعاء فبراير 10, 2010 11:26 pm

حق الطمع بخت العاجز
طمّاع إنتَ أيْوَه
طمّاع أنا لأ

إنتَ الوزّه بتاعتك
عاوزها تبيض بالقوه
و أنا الوزه بتاعتي
عاوزها تبيض بالحق

طمّاع إنتَ أيْوَه
طمّاع أنا لأ
**
يا وزّه يا عَجَبَه
ما تمديش الرقبه
ما تعديش العتبه
كاكي لو كاكيتِ
سُكّيتي سُكّيتي
ما تسوقيش الغلبه
خليكِ في بيتي
مطرح ما اتربّيتي

بيضي بيضه دَهَبَه
ياما احلاها
قلبي يطُب معاها
و يزقزق من جوّه
**
أنا قلبي من جوّه يزقطط
نامي
نامي على مرامي
يا بدر قدامي
و انا خدّامك جايّ أزغّط
بيضي
بيضي على إيدي
يا فرحتي و عيدي
بكره الصبح مراتي تزغرط
و تدق طبول
ويّا الزغاريط
و عيال تقول
المش عبيط أهوّه
طمّاع ...
**
ليه يا مدعوقه
فاتحه الزاعوقه
عارفك فصيحه
بلاش فضيحه
كوني بيّضه
و بلاش لماضه
آه يا مزاجي
لو مرّه آجي
ألاقيكِ راقده
على بيضه واحده
من اللي في بالي
أنا أوردةي عيالي
و اصبح غَنِي
سلطان بَنِي
آدم و حوّا
طمّاع ...
**
يا وزّه وَزووزَه
يا بخت العجوزه
يا زيتي في دقيقي
يا غاويه تزقيقي
يا عسل و سمنه
ناكل من كلامنا
و كفايه كفايه
البنت اللي تمشي
تضحك في قفايا
و تعيّط في وشّي
يا وزّه يا شابّه
بكره الخير يبان
بكره يبان ع الضبّه
تفتح لي البيبان
آنستِ و نوّرتي
بكره من مندرتي
ما تبطلش قهوه
طمّاع ...
الرجوع الى أعلى الصفحة اذهب الى الأسفل
http://amoaagsherif.ahlamontada.com
شريف الحكيم
عضو فعال
عضو فعال
avatar

عدد المساهمات : 4036
تاريخ التسجيل : 19/12/2009

مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   الأربعاء فبراير 10, 2010 11:28 pm

نزيهه
لسانك حصانك
و انت العربجي
يا ست ام بَمْبَه
سوقي و كربجي

بتقولي لي يا ابني
أنا كارهه الأذى
حلفانك غَلبني
غاويه القزقزه
في كذا و كذا
ع التسالي واخده
من صغرِك و فارده
ماشيه راكبه قاعده
دايماً تنهجي
و لسانك حصانك
و انت العربجي
يا ست ام بمبه
سوقي و كربجي

حقانيّه ، حقّاً
مش مستعجله
حتى ، أيوه ، حتّى
اللي قُلَيّله
على ما يربربها
و طلعت لابوها
و ابو اللي جابوها
و نازله تدحرجي
و لسانك حصانك
و انت العربجي
يا ست ام بمبه
سوقي و كربجي

سوقي بالجلاجل
مدّي شفّتك
دا انتِ بألف راجل
من جنس الفتك
طَبّت كَفّتك
خدت الكل شَرْوَه
فروه بعد فروه
ما خلّيتِ بروه
لولا بتُحرجي
و لسانك حصانك
و انت العربجي
يا ست ام بمبه
سوقي و كربجي

يا ست ام بمبه
سوقي بالعجل
يا اللي الرغي رَبّى
لاصداغك عضل
قولي يا بطل
عشانك و اتلهينا
و التسالي زينه
و أنا قاعده هينا
ياما اروح واجي
و لسانك حصانك
و انت العربجي
يا ست ام بمبه
سوقي و كربجي
الرجوع الى أعلى الصفحة اذهب الى الأسفل
http://amoaagsherif.ahlamontada.com
شريف الحكيم
عضو فعال
عضو فعال
avatar

عدد المساهمات : 4036
تاريخ التسجيل : 19/12/2009

مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   الأربعاء فبراير 10, 2010 11:29 pm

على بر المماليك
يا ريحة الدنيا و أهل الزمان يا أطيب الأهل كلّمني منكم و عنكم أبو الملاعب
و قال أسَمّعك زفة الأراجوز في زمن المماليك البرجيّه ساكنين في برج و لهم مواكب ترجّ
و أما الأراجوز فهو شيخ مالوش عتبه و طَوّل العدبه علشان يضحك الناس مخصوص إذا اهتزت قدامهم الشخوص
و يمشوا في موكبه و يسقفوا و يقولوا :

ـ ضحّكنا يا شيخ لا تبكّينا
إدبح لنا من غير سكينه
وِرْوِر ورا ورور ورا ورور

( صوت الأراجوز ) ورور
ـ دا خيال الظلّ دا خَيّالُه
شايف واحده ساحبه عيالُه
من راس الشارع جايه لُه
تفقع بالصوت اللي بيسور
قال لها تعالي لي يا ورور

( صوت الأراجوز ) ورور

ـ ضحّكنا يا شيخ لا تبكّينا
إدبح لنا من غير سكينه
وِرْوِر ورا ورور ورا ورور

حكايات أراجوز من ميت سنه ويّا مراته ماعجبتش الناس ، قالوا قديمه ،
و أبو الملاعب حرّك مصباحه و دوزن بصباعه و قال اتفرجوا يا ساده على التشخيص الآتي
يجري ما بين اتنين من الكُبَرا الذواتي
هذا صاحب كرش و له على كرشه طققان
و هذا فارس بمنطقه و شايل في المنطقه سيف يطقان
إرخي الدُوباره و غني يا ابو كرش و اطلعنا على العباره
أنا صنعتي حاجب حُجّاب
عند المملوك رستم بيه
راكب مُهْرَه على رجليه
خدني و خدته لحدّ الباب
نعرف مين فينا الكدّاب
جت له فكره على الطبطاب
قال فكرَني اسمك إيه
قلت له سالم
قال لي عفارم
كل كلامك يجي مضبوط
و مشينا رابط مربوط
أنا و المملوك رستم بيه
خدني و خدته لحدّ الباب
نعرف مين فينا الكدّاب
لمّا ضحكت بَرَم الاشناب
قال لي أفندي بتضحك ليه
قلت له سالم
قال لي عفارم
اضحك اضحك تجي مبسوط
و مشينا رابط مربوط
أنا و المملوك رستم بيه
خدني و خدته لحدّ الباب
نعرف مين فينا الكدّاب
شاف جدي بيقرا في كتاب
قال له يا ابني بتقرا في إيه
في الزير سالم
قال له عفارم
إقرا لحدّ الزير ما يموت
و مشينا رابط مربوط
أنا و المملوك رستم بيه
رستم إيه
هاتوا الأراجوز
يضرب في الجوز
يضرب في التهمه و في التخمه
يا واكل وحدك دي اللقمه
اللي ما تتقسّمشي بتزوِر
قرب تعالي لي يا ورور
ورور
قرب تعالي لي يا ورور
ورور
ضحّكنا يا شيخ لا تبكّينا
إدبح لنا من غير سكينه
وِرْوِر ورا ورور ورا ورور
الرجوع الى أعلى الصفحة اذهب الى الأسفل
http://amoaagsherif.ahlamontada.com
شريف الحكيم
عضو فعال
عضو فعال
avatar

عدد المساهمات : 4036
تاريخ التسجيل : 19/12/2009

مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   الأربعاء فبراير 10, 2010 11:31 pm

خطوه في بكره
قلبي شّعَر بظلام منحوت
و الاّ صَرَخ في ظلام مكحوت
و الأسفلت في بطن الحوت
كل ما احرك عيني بتتقل
كل ما حرك قلبي جراح
كهل كأني طفل بيسأل
و الاّ كـأني سَفَر أرواح
فايت في السَحَر اللي مغبش
قال لك حبّ كأنه ما حبش
طبّل طبّ كأنه ما طبش
بيصحِّي الدنيا على النار
في بحر الظلمات بيطبّش
قال لك سر الدنيا هزار
واحد أهدا من الجزّار
قال الأيوه تساوي اللأ
حتى الخلا فوق الدَرّاسه
و الحيطه اللي عليَّ جاكته
و السكاكين و كلاب الحتَّه
و الورقه الدمغه ما ردتشي
قولة الأيوه تساوي اللأ
كلها زي ما حسّت وشي
شافت وشي كأنه الدوم
طالع من مقبره مصريه
ما بيستطعمش اللي يعضه
و قمر باب الخلق المايل
ع السطح بيسأل على عقده
مش عارف مين اللي يردّه
أيامي في أيامكم سارحه
لو تايه دليني يا صابحه
لو تايه غنّيت
الرجوع الى أعلى الصفحة اذهب الى الأسفل
http://amoaagsherif.ahlamontada.com
شريف الحكيم
عضو فعال
عضو فعال
avatar

عدد المساهمات : 4036
تاريخ التسجيل : 19/12/2009

مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   الأربعاء فبراير 10, 2010 11:33 pm

غنوه في بعده
أنا لابس لبس البحريه
أو قائد فرقه انتحاريه
و بلابل و مسحراتيه
لو تايه دليني يا صابحه
لو تايه غنّيت

أو كانت سفريّه طويله
وأنا شاهد على نفسي هبيله
راح دمي في ألف قبيله
لو تايه دليني يا صابحه
لو تايه غنّيت

عنواني كان تحت وداني
و أنا داير أسأل عنواني
جرَّبت الصبر العدواني
لو تايه دليني يا صابحه
لو تايه غنّيت

و بنصّي و بنص ريالي
نقّطت القمر السُريْالي
و جنايني مشمّر سروالي
لو تايه دليني يا صابحه
لو تايه غنّيت

و كيعاني قصر المناويشي
و الكعك بيرقص مناقيشي
و باحبّك و ما تعدمنيشي
لو تايه دليني يا صابحه
لو تايه غنّيت

و أنا عامل أراجوز و الحتّه
و أنا شايل على كتفي العدّه
و مفنجل عيني المسوده
لو تايه دليني يا صابحه
لو تايه غنّيت

و يا روحي لحدّ الأوزاعي
الساعه تلاته حتنذاعي
و النايم حيصحي الصاحي
لو تايه دليني يا صابحه
لو تايه غنّيت
الرجوع الى أعلى الصفحة اذهب الى الأسفل
http://amoaagsherif.ahlamontada.com
شريف الحكيم
عضو فعال
عضو فعال
avatar

عدد المساهمات : 4036
تاريخ التسجيل : 19/12/2009

مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   الأربعاء فبراير 10, 2010 11:35 pm

خطوه في بكره و غنوه في بعده
خطوه في بكره و غنوه في بعده
و زمانهم كلهم اتهدّوا
و طلع غيرهم ألعن منهم
و طلع غيري أجدع منّي
حسُّه بيبرُق زيّ النني
ضحكُه القمحي بيطمنّي
باستغرب ساعه ما باشوفه
لو سنُّه أكبر من سنّي
و أعرف إني غبت شويّه
و باعوم في الهوا زيّ المَيَّه
المره دي المره الجايّه
أراجوز إنسان أنا مش جنّي
الرجوع الى أعلى الصفحة اذهب الى الأسفل
http://amoaagsherif.ahlamontada.com
شريف الحكيم
عضو فعال
عضو فعال
avatar

عدد المساهمات : 4036
تاريخ التسجيل : 19/12/2009

مُساهمةموضوع: رد: فؤاد حداد فى الجزء الثانى 53 قصيدة بعنوان الاراجوز   الأربعاء فبراير 10, 2010 11:37 pm

تناتيش ، لا تروح ما تجيش
فَقَسْنِي و قال فوت بعد أسبوع
و الاّ أقولك .. فوت بكره
و كانت الطامّه الكبرى
يا عباسيه و يا شبرا
يا سيده يا فجّاله
يا نحاسين يا فوّاله
و يا اهل درب الطبّاله
بقى لي سنه على دي الحاله
و لسه واقف بالقدره
ــــــــــــــــــــــــ
قال الصبي للبنت من حبك حاموت
قالت له والدي يا صبي صاحب حانوت
ـــــــــــــــــــــــــ
من جيل لجيل لجيل
حتشوفني ازاي باحطب
و دماغك بتقول آي
و ابني اللي نبوته معطب
يلمسك تقول آي
و بعد ما نشَطَّب
ابني ابني على ظهرك يطبطب
تقول آي
ــــــــــــــــــــــــــــ
واحد راكب صاروخ و عمره ما طلع سلّمَه
خد نفسه من غير فشخره و قال بانبساط المتواجد :
أنا دخلت الطب بفضل الوالد
وصّاني أذْكُره بالخير
و هو بيناغشني
قال خُد عندك عقل طخين و عقل تخين و عقل تخين
تلات عقول متختخين
اللي فاكر الناس للأبد حييجوا بالغصب
و اللي فاكر الناس للأبد حييجوا بالنصب
و مش متذكر التالته بعد كدا و ان كان والدي قال :
الاستغلال
و الاّ الاستغفال
لكن متأكد من قولة والدي الناس للأبد حتيجي بالإنسانيه
تطلع يا ابني طبيب ، بالإنسانيه
و زياده في الانسانيه طبيب أطفال
بابا و ماما عملوا اللي عليهم
يرزقك يا ابني بستين ألف بابا و ماما
يدفعوا من غير فصال
ـــــــــــــــــــ
شُفت اللي باع للناس باويكا و يلبُغا
و مَثَل حياته : كلُّه عند الناس صابون
و سألت عالم شيخ في أسرار اللغه
مين اللي غَلَب النصابون؟
ـ النصابون
ـــــــــــــــــــــــ

سو?ر : فوق ، مان : بني آدم
سو?ر مان: بطل العالم
اتْلَفّت من حواليه و من حواليَّ وقعد
يجر عينيه من جار لجار
و يستلطف التجار
و راح ساند ظهره في الكُشُك
اللي مكتوب عليه : : كوكاكولا خير ما ينعشك:
وولّع سيجاره
و أنا ولّعت سيجاره
هو حط الولاعه في جيبه
و أنا رميت الكبريت في وشُّه
و قلت لُه نشُّه
عرف ان عندنا دبان
دا سو?رمان
و لا حد يقدر يغشُّه
ـــــــــــــــ
جمجوم قال لمراته جُمْجُمَه :
(( يا قهرتي ..
يا أخْرتي ! .. ))
قالت له : (( اتلهي و انت شكلك ضال
و كلامك كارف من النسوان ..
قهرتك آه
إنما آخرتك ليه ؟
الرَّك على الهمّه يا عرّة الجماجم ))
ـــــــــــــــــــــــ
دا نبُّوتي اللي مش مدفع
و مش تِعبان و مش أفعى
دا راسه نافعه و ديله أنفع
الرجوع الى أعلى الصفحة اذهب الى الأسفل
http://amoaagsherif.ahlamontada.com
 
فؤاد حداد فى الجزء الثانى 53 قصيدة بعنوان الاراجوز
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 3انتقل الى الصفحة : 1, 2, 3  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
أمواج الأندلس أمواج عربية  :: الشعر العامى-
انتقل الى: