أمواج الأندلس أمواج عربية
أهلا ومرحبا بك زائرنا الكريم، إذا كانت هذه زيارتك الأولى للمنتدى، يشرفنا أن تقوم بالتسجيل اذا رغبت بالمشاركة في المنتدى، أما إذا رغبت بقراءة المواضيع فتفضل بزيارة القسم الذي ترغب أدناه
عزيزى الزائر يسعدنا ان تنضم الينا وتلحق بنا
كى تفيد وتستفيد بادر بالتسجيل مع اطيب الامنيات ادارة المنتدا
ورجاء التسجيل باسماء لها دلالية الاحترام



وطن واحد هدف واحد قلب واحد قلم واحد تلك هى حقيقة أمواج الاندلس
 
أمواج الأندلسأمواج الأندلس  الرئيسيةالرئيسية  التسجيلالتسجيل  دخولدخول  مدونة أمواج صغيرةمدونة أمواج صغيرة  أضغط وادخل وابحثأضغط وادخل وابحث  

شاطر | 
 

 وبسمع صوتها .. يندهنى فـ صلاة الفجر - جديد الشاعرة ماجدة قناوى

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
شريف الحكيم
عضو فعال
عضو فعال


عدد المساهمات : 4033
تاريخ التسجيل : 19/12/2009

مُساهمةموضوع: وبسمع صوتها .. يندهنى فـ صلاة الفجر - جديد الشاعرة ماجدة قناوى   الخميس فبراير 26, 2015 11:37 pm

وبسمع صوتها ..
يندهنى فـ صلاة الفجر 


ولمسه كفها الدافــــية ..
تصحينى 
وتروى القلــــــــب بحنانها
فيطرح طهر


وتحضن فيا بعيونهـــــــــا 
..تدفينى 


ولما الحلم يسرقنى 
وأنام للضهر 


واقوم ودموعى فـــ عنيا 
..تهــــّــدينى 


تقولى بكرة من بدرى
نصلى الفجر 


وتشبك ايديها فــ ايديا 
.. تراضينى


وحشنى اللمة حواليها 
مع الأخوات 


وحشنى صيامنا وقيامنا 
صلاة تسابيح 


ونفسى تداوى همساتها
جراح و آهات


ونختم فـــ الصلاة قرآنْ 
كمان تراويح 


وحشنى روحها تجمعنا 
نصلى الفرض


وندعى ربنا يغفر 
ذنوب يا ما 


وهى تدعى وبتطلب
يصون العرض 


وحشنى صوتها بيمتم 
وأقول ماما 


وحشنى بيتنا ..لمتنا .. 
وحشنى الخير


وحشنى كل شئ فيها
وكلى جروح 


وحشنى صوتها ..فرحتها .. 
وحضن كبير


وحشنى كفها الدافى 
يهدى الروح 


وحشنى ضحكة فــ عيونها 
مع دموعها


بتتذكر سنين عدت 
على غفلة 


وإيد شبكت حلمها بطرحة
وحرمتها


من الفرحة اللى جواها
فــ إيد طفلة 


وحشنى ايدها بتطبطب
على كتفى


تقول بنتى وتتبسم 
عشان ناجحة


وحشنى لما اقيس فستان
تقول لفى 


وترقينى من النظرة 
عشان جارحة


بعيشها صورة محفورة 
ف جدار قلبي 


ودمع الكون على فراقها 
مابيكفيش


وبروى جدورها جوايا 
بحنين حبي 


فيظهر طيفها قدامى
ومايحرمــ نيش


أضم خيالها وصـورتها
بدمع العين


وأدفى الحلم بحنانها 
ورقتــــها 


وأدارى الحزن جوايا 
بآه وأنين


فيهدى النبض جوايا 
لـــ فرقتها 


وحشنى صوتها بتمتم
فـــ تسبيحها 


وبتلغبط فى تسبيحى
وابصلها
وأقول ماما

م ا ج د ة

~~~~أذكر الله~~~~




الرجوع الى أعلى الصفحة اذهب الى الأسفل
http://amoaagsherif.ahlamontada.com
 
وبسمع صوتها .. يندهنى فـ صلاة الفجر - جديد الشاعرة ماجدة قناوى
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
أمواج الأندلس أمواج عربية  :: فن الابداع وهمس الخواطر :: الشاعرة ماجدة قناوى Magda Qnawy-
انتقل الى: