هو أنتي ليه غالية كده ..؟
ــــــــــــ
هو أنتي ليه أسية كده ؟!!
بتبعدينا عنك في عز إحتياجنا
من غير ما حتى تسمعي
صوت إحتجاجنا
ترمينا للغربة
والتوهة تتاوينا
تسرق منا عمرنا
وأحلى أمانينا
وليل البعد قاسي
يصحي الوجع فينا
نلاقي صورتك ع القمر
زي سفينة
بترمي لينا طوق نجاة
وعينك تقابل عنينا
تدب في قلوبنا الحياة
وتنتفض فينا الهمم ...
هو أنتي ليه غالية كده ؟!!
نموت عشانك ألف مرة
ونبتسم رغم الألم
نشيل حمولك فوق كتافنا
وحتى لو عدلك كسفنا
نلاقي حبك جه خطفنا
واروحنا طايرة فوق كفوفنا
مرفرفة ويا العلم ....
هو أنتي ليه بالشكل ده ؟!!
بتشْرقي وبتغْربي
بتبعدي وتقربي
وتوعدينا وتهربي
ولو في مرة تغضبي
من قبل ما تنادي
نسبق نلبي الندا
هو أنتي ليه غالية كده ؟!!
***********
بقلمي
إسماعيل الطواب
(أبو منه)
أمواج الأندلس 
الرئيسية 
أحدث الصور 
التسجيل 
دخول 
افضل موقع لتعلم الجرافيك 
أضغط وادخل وابحث 
موضوع: هو أنتي ليه غالية كده ..؟ 
الأربعاء أكتوبر 17, 2018 11:48 am
