حلم العيال // عمرو السعودى

النهاردة كات ملامحه
فيها حاجة من الغيوم
افتكرت معاه زمان
لما كان يجى الشتا
المطر منشد فصيح
والعيال متكلفته
كان بيجى
وقت تجليد الكتب
وقت تحضير المرايل
لما كنا نروح نجيب
العيش لبكره
لما كان الحلم قايل
النهارده الدنيا تشتي
بكره يمشى وتيجى
شمسي
بكره وشى
يبقى خالى
من الهموم
النهارده كات ملامحه
فيها حاجة من الغيوم
الشتا ما بقاش صريح
الغيوم ساعات يدوم
أوقات كتير
واحنا لسه فى انتظار حبه مطر
كان زمان الريح
مايعرفش الخطر
كان بينفخ
فى الأراجوز الورق
واحنا بنشر العرق
فى طريق حلم العيال
اللى مافيهوش مفترق
افتكرت حاجات كتيره
لما كان صوت المطر
زى الإيقاع
افتكرت إن الأمل
كان مستطاع
واحنا واقفين
فى الطابور
واحنا بنغنى النشيد
كان أكيد برد الشتا
كات ملامحه
خير بقمحه
مش حزينه ومحبطه
كان أبويا الفجر
وف عز المطر
قادر يقوم
النهارده كات ملامحه
فيها حاجه من الغيوم
النهارده
ادم ابنى كان بيبنى
طيارات
مرة تطلع م الورق
ومرة تانيه
مكعبات
قالى نفس أطير لفوق
قلتله بتعرف تسوق
قالى فين الشمس
راحت
قلته دى بتستخبه
عد من واحد لعشرة
وانتظرها بس حبه
لو ماجتشى
روحلها ووماتتكسشفى
عمرها فى حلمك ما تمشى
أصلها مالهاش فى نوم

النهارده كات ملامحه
فيها حاجة من الغيوم

اقتباس :: النهارده كات ملامحه
فيها حاجة من الغيوم

و النهارضه بقت كلها غيوم
و الغالي علينا يغليها كل يوم
و احنا في وجوده ما نشوف النوم
و الجمرك يبيعنا الهدوم
و المحلي يدوقنا الهموم

ربنا يسترها علينا
اخي المهندس كمال
لك مني اجمل تحيه

» نكتة // قلم عمرو السعودى
» ولسه باقية حاجات / قلم عمرو السعودى
» مسرحية - العيال كبرت
» البريانى على الطريقة السعودى
» أم العيال العشاريه أهداء لكل النساء(( اجمل كلمات واجمل أستماع من أحمد منيب ))

قلم شريف الحكيم

اهلا بكم
جميعنا شاهد وتابع بقلق ما حدث فى منتجع سياحى فى تونس ومن قبله حادث المتحف
وكلا المشهدين واحد فالجناة سارو وعبرو ابواب وطرقات دون ان يستوقفهم احد او يشاهدهم احد …

[ قراءة كاملة ]

صباح الخير يا وطن

ان الله جميل يحب كل جميل

ان ظاهرة التحرش التى نسمع بها او نشاهدها هى ناتج طبيعى لانحطاط فى الاخلاق والسلوك يعيش معنا ونتعلمه ونشاهدة كل لحظة فى كل فلم ومسلسل واعلان وعناء نشاهدة ونسمعة وتنتقل عدواه …

[ قراءة كاملة ]