يعنى إيه كلمة وطن؟
يعنى حضن..يعنى أمان..يعنى انسان
يعنى شوية كلام فى أغانى..ولا يمكن معنى تانى
ايوه جايز معنى تانى..يعنى شاب اسكندرانى!
طش وشه بمية امل ولبس توب أحلامه..
وفى المراية ابتسامة.. جدع وسيم فى سحنته..
على شط البحر ماشى..ملى عينه بطلته..
لمح وهج ازرق وطيف الشمس بيغمزه..
وشوشله الجدع وفضفض معاه وشم نسيم حريته..
وبعلو صوته يقول الله عليك يا مصر ..
لسه اصيله وفيك النيل وفيك البحر..
وزى ما قال اخينا بلدنا بتتقدم بينا..
اه يا بلد سبحان من ابدعك!
راح الجدع لأصحابه وعزوته يوصفلهم حريته ..
دخل الجنود هتكوا انسانيته..اغتصبوا بهجته..سحلوا ملامح دنيته!
وبجزم ميرى شوهوا وشك يا مصر..
داسوا على الرايه على الحلم ..
على جيل طالع صدق انك وطن!
وانك مصر وانك حضارة ..
.صدق انه انسان يا مصر..
خنقوا نسيم البحر فى صدر الجدع..
اه يا وطن قاسى ..
خسارة فيك خالد وخسارة فيك همس الحرف والأغانى
أمواج الأندلس 
الرئيسية 
أحدث الصور 
التسجيل 
دخول 
افضل موقع لتعلم الجرافيك 
أضغط وادخل وابحث 
موضوع: بلدنا بتتشوه بينا! // شعر يقلم ماجد الجلاد 
الخميس يونيو 17, 2010 4:54 pm
