مولد وصاحبه غايب // شعر هناء المداح

غريب فى وطنى تايه وحيد ما ليش مكان سارح شريد

ساكت وصابر سنين طويلة لا حد سائل وما فيش جديد

وطنى ده مولد وصاحبه غايب أزمات وفوضى وكله سايب

خيرنا لغيرنا ما لينا نايب طول عمرنا دايماً بعيد

مولد وصاحبه عمال يبيع لا همه حاجة نولع نضيع

حجم الديون بقى شىء فظيع ويا ريت بننجز بها شىء مفيد

غريب فى وطنى ما ليش حقوق وكل مادا الحال يسوء

لا حد عايش غير الّلى فوق وإحنا فى بلدنا ولا العبيد

وكأننا تحت المداس ما لناش وجود من الأساس

مافيش ضمير ولا إحساس داسوا ولسّه حنشوف أكيد

غريب ومنّى ملايين كتير ونروح لمين ما لنا كبير

حال الغلابة صبح خطير وكل يوم آلام تزيد

حكوماتنا دايرة تقول شعارات ووعود كتييير وتصريحات

يوم الخميس يوم التلات وكله كذب ولا بيفيد!

» ليه يا عرب المصرى يتهان؟!!// قلم هناء المداح
» لو بطلنا نحلم نموت // بقلم هناء المداح
» عيشة تقرف!! // بيعونا لدول أخرى بالجملة أو بالقطاعى لعلنا نجد أوطاناً أخرى تحتضننا // بقلم هناء المداح

مولد وصاحبه غايب // شعر هناء المداح 39-73

قلم شريف الحكيم

اهلا بكم
جميعنا شاهد وتابع بقلق ما حدث فى منتجع سياحى فى تونس ومن قبله حادث المتحف
وكلا المشهدين واحد فالجناة سارو وعبرو ابواب وطرقات دون ان يستوقفهم احد او يشاهدهم احد …

[ قراءة كاملة ]

صباح الخير يا وطن

ان الله جميل يحب كل جميل

ان ظاهرة التحرش التى نسمع بها او نشاهدها هى ناتج طبيعى لانحطاط فى الاخلاق والسلوك يعيش معنا ونتعلمه ونشاهدة كل لحظة فى كل فلم ومسلسل واعلان وعناء نشاهدة ونسمعة وتنتقل عدواه …

[ قراءة كاملة ]