ماسك حبل البقره ف إيده
سايب حبل الظلم ف جيده
وسايب كل حروف الجر لسيده
لاغى يوم العزه ف عيده
وفاكر إن شباب الثوره
قاعد يحرس عزبه لسيده
ناسى ان صاحبنا
سايب حبل الظلم ف جيده !
وفاكر إن الظلم دا كاس
كل ما يفضى شويه يزيده
يقرا ف قلب الزحمه نشيده
لجل ماتعلا الهمه ف ثانيه
و يرجع تانى يرفع ايده
يحرم شعب ف قلب الثوره
ياخد منهم حق شهيده
تبكى الام لدم وليدها
وهوبيقتل ثوره وليده
يضحك حبه ويسكت حبه
لجل مانيأس من احلامنا
وتفضل دايما منا بعيده
حرف ف كلمه ولا قصيده
ساعه الهم نقولها بسرعه
زى ملامنا لطفله بليده
نضحك بيها على اروحنا
لجل حياتنا ماتبقى سعيده
ولما نفوق من أوهامنا
نلاقى عقولنا تايهه ف ثانيه
زى حياتنا ..منا يعيده
أمواج الأندلس 
الرئيسية 
أحدث الصور 
التسجيل 
دخول 
افضل موقع لتعلم الجرافيك 
أضغط وادخل وابحث 
موضوع: ماسك حبل البقره ف إيده حلاوة روح // قلم حمدى يوسف 
الجمعة يونيو 01, 2012 1:42 am
